Македонија
Иванов: Оптимизмот на странците се темели на добрата атмосфера меѓу Македонија и Грција

Оптимизмот на странските претставници во врска со спорот со името се темели на добрата атмосфера што постои меѓу премиерите Никола Груевски и Јоргос Папандреу по нивните чести средби, рече претседателот Ѓорге Иванов на средба со македонските новинари во Призрен.
Оптимизмот на странските претставници во врска со спорот со името се темели на добрата атмосфера што постои меѓу премиерите Никола Груевски и Јоргос Папандреу по нивните чести средби, рече претседателот Ѓорге Иванов на средба со македонските новинари во Призрен.
Честите средби меѓу премиерите Груевски и Папандреу е причина за оптимизам и кај претседателот Иванов. Тој вели дека државниот врв е усогласен во врска со прашањето со името и потсети дека опозицијата не ги прифаќа средбите со амбасадорот Зоран Јолевски за да ги информира за текот на разговорите.
Според Иванов, враќањето на довербата е клучот за подобро разбирање меѓу лидерите од двете земји. Подоброто разбирање, пак, според него, е клучот за изнаоѓање на взаемно прифатливо решение.
Претседателот Иванов појасни дека медијаторот Метју Нимиц врз база на сигналите што ќе ги добие по средбите на премиерите Груевски и Папандреу ќе излезе со предлог, кога и ќе се гради поширок консензус во врска со прашањето за името.
Ова е прва посета на македонски претседател на Косово по признавањето на независноста од страна на Македонија и воспоставувањето на дипломатски односи меѓу двете земји.
Иванов, кој вчера учествуваше на регионална лидерска средба со претседателите на Косово, Албанија и Црна Гора во близината на Призрен, денеска се сретна со претставници на горанската-македонска заедница од Косово. Тој ги охрабрил да се вклучат во политичкиот живот во Косово како начин да ги остваруваат своите барања. Претседателот Иванов на Горанците-Македонци им го пренел и барањето што го дал на средбата со косовскиот претседател Фатмир Сејдиу за нивно вклучување со посебна графа во пописот на населението во 2011-та година. Кај Сејдиу постоела волја за вклучување на оваа популација преку посебна графа.
Претседателот Ѓорге Иванов вчера учествуваше на втората регионална лидерска средба со косовскиот, албанскиот и црногорскиот претседател, Фатмир Сејдиу, Бамир Топи и Филип Вујановиќ во Превале, во близина на Призрен. Следната средба е најавено да се одржи догодина во Македонија. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денеска до вторник топлотен бран во Македонија, се активираат препораките за заштита на населението

Министерството за здравство ја информира јавноста дека согласно прогнозите од УХМР и врз основа на акцискиот план за превенирање на последиците од топлотни бранови врз здравјето на населението 2025–2030 година, почнувајќи од денеска (петок, 4 јули) се активира фаза 3, што ќе трае до 08 јули, вторник.
На предлог на Министерството, Владата ги донесе следните препораки:
– Ослободување од работни обврски за бремени жени и лица постари од 60 години. Оваа препорака не се однесува на вработени во критичната инфраструктура (здравство, полиција, армија, транспорт, енергетика, јавни комунални претпријатија).
-Одложување на работниот процес во критичните часови (11:00–17:00) за работници изложени на директна топлина;
– Работа од далечина, флексибилно или двократно работно време, каде што е изводливо;
-Работодавачите да обезбедат микроклиматски услови за работа согласно акцискиот план: простории со температура до 25°C, освен таму каде што природата на работниот процес налага поинаку;
-Активирање на планови за вонредни услови, сите здравствени установи, установи за згрижување на стари лица и образовни институции да постапат согласно интерните протоколи за кризна состојба.
Мерките имаат за цел да обезбедат континуирана и ефикасна заштита на здравјето на населението преку превентивно дејствување и соодветна институционална подготвеност.
Македонија
Рекордна потрошувачка на вода во Скопје, неконтролирано се вадат бавчи и перат автомобили, велат од Водовод

ЈП Водовод и канализација – Скопје, согласно системот за мониторинг и мерење на дневната потрошувачка на вода констатира енормно зголемена потрошувачка на водата, особено во попладневните часови.
Конкретно на ден 23 јуни, дневната потрошувачка на вода изнесуваше рекордни 356.000 м3, што би значело потрошувачка од 700 литри вода по глава на жител.
Потрошувачката е предизвикана од неконтролирано трошење на водата за полевање на зеленило, бавчи и ниви, за перење автомобили, за полнење на базени. Воедно апелираат до сите граѓани на градот Скопје на совесно и рационално користење и употреба на водата.
„Апелираме до граѓаните на град Скопје, доколку забележат див приклучок, истиот да го пријават на 02 3073 010, [email protected] или www.vodovod-skopje.com.mk“, велат од Водовод.
Со дивите приклучоци се нанесува директна штета на системот за водоснабдување и на квалитетот на водоснадбувањето до сите корисници во град Скопје.
Македонија
Костадиновски на средба со Мартин Памер за предизвиците со кои се соочува Уставниот суд

Претседателот на Уставниот суд, Дарко Костадиновски оствари средба со Н.Е. Мартин Памер, амбасадор на Република Австрија.
Костадиновски го информираше амбасадорот Памер за актуелностите и предизвиците со кои се соочува Уставниот суд и го запозна со приоритетите во неговиот мандат.
На средбата беше изразено заедничко задоволство од унапредување на соработката помеѓу двата уставни судови за што претседателот Костадиновски предаде покана за претседателот на Уставниот суд на Австрија, Кристоф Грабенвартер.
Амбасадорот Памер истакна дека ќе се заложи за воспоставување на билатерална соработка меѓу двата суда, нагласувајќи дека високо ја цени посветеноста на Уставниот суд на Република Северна Македонија кој има круцијална улога во обезбедување на владеењето на правото и правната држава.