„Вие сте во земјата на вечното сонце, на земјата на среќните луѓе. Вие сте во градот на солидарноста и хуманизмот..“ ова денеска Македонија го испрати како порака за среќа кон светот преку Амбасадорите на среќа на Кока Кола.

„Вие сте во земјата на вечното сонце, на земјата на среќните луѓе. Вие сте во градот на солидарноста и хуманизмот..“ ова денеска Македонија го испрати како порака за среќа кон светот преку Амбасадорите на среќа на Кока Кола.

Големо срце во форма на сонце кое зрачи кон целиот свет доминира на специјално дизајнираното шише од Кока Кола кое членовите на Експедиција 206 го добија како симбол на среќата на луѓето од оваа земја

Интернационалниот тим Амбасадори на среќата на Кока Кола, составен од американецот Тони Мартин, вработен како наставник во детска градинка во Германија, како и студентите Кели Ферис од Белгија и Антонио Сантијаго од Мексико имаат уникатна мисија – да дознаат што ги прави среќни луѓето во различни делови од светот и тоа да го споделат со останатите луѓе на планетата.

„Импресиониран сум од ведрината и енергијата на луѓето што ги сретнавме овде и на нивните пораки и чувства за сето она што ги прави посреќни. Колку и да се различни нивните приказни, сите тие се поврзани кон љубовта кон својата земја што сакаат да ја споделат со целиот свет. Среќен сум што имав можност да ја посетам Македонија и овој прекрасен град и да го раскажам на целиот свет моето прекрасно искуство и дружење со луѓето од оваа земја со големо срце“, изјави Тони Мартин, член на тимот Амбасадори на среќата на Кока Кола.

По изминати 400.000 километри и 180 дена непрекинато патување, Амбасадорите на среќата, кои во главниот град на Република Македонија допатуваа од нивната претходна дестинација – Словенија, имаа можност да ги впијат уникатните моменти на среќа што ги нуди ноќниот живот на Скопје, а во текот на денот да прошетаат и по улицата „Македонија“, каде можеа од прва рака да слушнат што е она што ги прави среќни луѓето од овој град и оваа земја – познати по своето гостопримство и хуманост./крај/сж