Македонија
Груевски не очекува застој во изградбата за објектите од „Скопје 2014“
И покрај одлуката на уставниот суд за запирање на изградбата на дел од објектите од проектот „Скопје 2014“ премиерот Никола Груевски не очекува застој во градбата. За опозициските партии, одлуката на Уставниот суд е само потврда дека „Скопје 2014“ е антиграѓански проект.
И покрај одлуката на уставниот суд за запирање на изградбата на дел од објектите од проектот „Скопје 2014“ премиерот Никола Груевски не очекува застој во градбата. За опозициските партии, одлуката на Уставниот суд е само потврда дека „Скопје 2014“ е антиграѓански проект.
„Во најголем дел се издадени градежните дозволи и мислам дека нема да има некој застој. Мислам дека нема да има проблеми со реализацијата , сега веќе сме насочени кон некои нови проекти, а тој проект ќе оди како што треба“ изјави Груевски.
Коалициската ДУИ пак не коментира судски одлуки.
„Во едно општество, во една држава каде се коментираат судските одлуки од која и да е инстанца, вклучувајќи ги тука и одлуките на Уставниот суд само по себе говори за демократските капацитети и стандарди на општеството односно на државата. И последната одлука на Уставниот суд поврзана со контроверзниот проект „Скопје 2014“ влегува во таа логика. Демократската унија за интеграција, никогаш па ни сега нема да ги коментира судските одлуки“ изјави Џевад Адеми од ДУИ.
Опозиционата СДСМ исто како и ДУИ не коментира судски одлуки, но сепак истакнува дека овој проект е антинароден проект.
„Не само што СДСМ ќе остане на онаа принципиелна одлука да не ги коментира ставовите и одлуките на Уставниот суд, туку уште еднаш ќе подвлече дека „Скопје 2014“ е антинароден, бесмислен и забеган проект на кој се трошат 200 милиони евра народни пари без да се почитува волјата на граѓаните, но во исто време гледаме дека е проект кој во себе содржи низа процедурални и законски пропусти. Затоа уште еднаш апелираме до владата да се освести и да ги почитува институциите бидејќи не може да бара од граѓаните да ги почитуваат институциите, а од друга страна самата влада да не ги почитува институциите“ изјави Андреј Петров од СДСМ.
Нова демократија и НСДП со отворени критики кон проектот.
„Овој владин проект претставува антиграѓански проект затоа што непотребно се трошат парите на граѓаните на Македонија, дека овој проект е моноетнички проект кој што овозможува поделба на етничка основа со поставување на споменици само на личности од македонската историја, додека не на личности од албанската историја и од историјата на другите ентитети кои живеат во Македонија и истовремено претставува монорелигиски проект кој што овозможува изградба на црква но не и изградба на џамија“ вели Флора Кадриу од Нова демократија.
„Уставниот суд донесе разумна одлука со која ќе се овозможи прекинување на реализацијата на лудите идеи на владата за поставување на грди објекти во центарот на Скопје, како што е катната гаража во барокен стил, која што мене ми личи на некој објект од хорор филм“ изјави Горан Мисовски од НСДП.
Од Министерството за култура утрово за Макфакс изјавија дека Триумфалната порта сепак ќе се гради, а општина Центар не ги коментира одлуките на Уставниот суд.
„Одлуката на Уставниот суд нема да се рефлектира врз изградбата на скулптурата „Порта Македонија“, бидејќи Министерството за култура има добиено одобрение за градба, пред да се донесе оваа одлука“, изјави за Макфакс Татјана Блажевска, портпарол на Министерството за култура. „Не коментираме одлуки на Уставниот суд“ , велат од општина Центар.
Триумфалната порта, скулптурите на мостот „Око“, сообраќајни решенија и неколку катни гаражи вчера паднаа на Уставен суд, откако судот ги укина измените на деталниот урбанистички план „Мал ринг“.
Според судиите, деталниот урбанистички план кој беше донесен на 21 јануари, бил донесен во незаконска постапка, односно за него било одлучено во скратена, а не во редовна постапка.
Минатата недела беше заграден просторот, каде треба да се постави „Портата Македонија“ заради геомеханички испитувања на теренот, од што зависи и почетокот на изградбата на портата кај плоштадот „Пела“.
Скулптурата ќе биде финансирана од Министерството за култура, а нејзин автор е Валентина Стефановска, чие дело е избрано на конкурсот за избор на скулптури на Министерството од 2008 година.
На мостот „Око“ кој се уште не е започнат да се гради, треба да стојат 29 скулптури на антички и пајонски кралеви, кнезови, војсководци, архиепископи и иконописци, излеани во бронза. Пајонската свештеничка треба да биде централна скулптура на мостот. Предвидено е на двете страни на мостот да бидат поставени по 14 скулптури./крај/фф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кисела Вода со прочистувачи ќе го чисти воздухот во градинките
Во градинките на територијата на општина Кисела Вода се поставуваат прочистувачи за воздух. Градоначалничката на Општина Кисела Вода, Бети Стаменкоска Трајкоска, ја посети градинката „Синоличка“ при ЈДГ „Весели цветови“, една од градинките каде што веќе се поставени прочистувачи.
Како што соопшти Општина Кисела Вода, при посетата, таа разговарала со вработените за значењето на оваа мерка, која директно придонесува за подобрување на условите за престој, како и за заштита на здравјето и благосостојбата на најмладите.
Покрај во градинките, прочистувачи за воздух се поставени и во спортската сала во ООУ „Невена Георгиева Дуња“, како и во ПОУ „Кузман Јосифовски – Питу“.
-Оваа активност е дел од пошироката стратегија на Општина Кисела Вода за создавање почиста и поздравa животна средина, особено во објектите каде што секојдневно престојуваат деца и млади. Општина Кисела Вода и претходно презеде низа конкретни чекори во оваа насока, посочуваат од Општината.
Оттаму додаваат дека прочистувачи за воздух биле поставени во сите училници во сите основни училишта на територијата на општината, како и во поголемите паркови, со цел да се подобрат условите за престој и секојдневно функционирање на граѓаните.
-Грижата за здравјето на нашите најмлади е еден од нашите највисоки приоритети. Со поставувањето на пречистувачи за воздух во градинките, училиштата и спортските објекти, создаваме поздрави услови за престој и развој на децата. Ова е дел од стрстегијата на Општина Кисела Вода за почиста животна средина и за подобар квалитет на живот за сите наши сограѓани, заложба од која нема да отстапиме, изјави градоначалничката Стаменкоска Трајкоска.
Македонија
Откажани и одложени повеќе летови на Меѓународниот аеродром Скопје
Маглата го отежнува авиосообраќајот на скопскиот аеродром, каде, според податоците од официјалната веб страница, има повеќе откажани и одложени летови.
На официјалната страна на Меѓународниот аеродром Скопје, од утринава откажани се летовите Истанбул, Измир, Венеција и Љубљана, како и повеќето полетувања.
Бидејќи временските услови се менуваат постојано, од ТАВ Македонија апелираат до сите патници да ги следат информациите и насоките за нивните летови кои ги добиваат од авиокомпанијата со која летаат.
Сите промени во редовниот распоред на летање се ажурираат во реално време на веб-страницата на Меѓународниот Аеродром Скопје https://skp.airports.com.mk/, а патниците може да се информираат за статусот на нивните летови и на пултот за информации кој работи 24/7 со персонал кој е присутен на аеродромот и на телефонскиот број 02 3148 333.
Поради густата магла која ја зафати скопската котлина, а која предизвика намалена видливост, на Меѓународниот Аеродром Скопје, вчера од 00:00 часот до 18 часот, како што информираа од ТАВ Македонија имло 16 откажани и 11 пренасочени летови, додека три авиони слетале и три авиони полетале после пладне, кога се подобриле временските услови.
Македонија
ВМРО-ДПМНЕ: СДСМ не се обновува, го рециклира моделот на Заев
ВМРО-ДПМНЕ остро реагира на последните кадровски решенија во СДСМ, оценувајќи дека наместо најавена обнова, партијата продолжува со, како што велат, рециклирање на стари кадри и политики од времето на Зоран Заев.
Според владејачката партија, изборот на Александар Наумоски и Драган Крајовски за членови на Извршниот одбор на СДСМ покажува дека станува збор за свесна одлука да се задржи истиот модел на функционирање, а не за вистинско кадровско освежување.
Од ВМРО-ДПМНЕ посочуваат дека Александар Наумоски, како поранешен градоначалник на општина Ѓорче Петров, зад себе оставил бројни нерешени проблеми, меѓу кои недостиг на вода, недоволен број места во градинките и депонија што со години претставувала сериозен проблем за граѓаните. Во исто време, како што се наведува, уште на почетокот на мандатот си ја зголемил градоначалничката плата и во последните шест месеци се обидел да протурка 25 урбанистички планови со брзина каква што, според партијата, не покажал кога станувало збор за јавниот интерес.
Во реакцијата се спомнуваат и наводни тендерски шеми поврзани со неговиот мандат, меѓу кои и набавка на две машини за перење за градинка по цена од 25.500 евра, од фирма која, според ВМРО-ДПМНЕ, редовно добивала јавни набавки.
За Драган Крајовски, кој претходно беше директор на затворот „Црн мост“ во Битола, од ВМРО-ДПМНЕ наведуваат дека неговото раководење било обележано со молк за сериозни инциденти и неправилности. Како примери се посочуваат пожар во ќелија во кој бил повреден затвореник, користење европски средства за реновирање на објект што почнал да се распаѓа по две години, како и наводна злоупотреба на службени возила за приватни патувања.
ВМРО-ДПМНЕ оценува дека лидерот на СДСМ, Венко Филипче, овие кадровски решенија ги претставува како „реформски капацитет“, со што, како што велат, се потценува јавноста и се испраќа порака дека партијата нема намера да се дистанцира од влијанието на поранешното раководство.
„Изборот на овие старо-нови лица е јасен доказ дека во СДСМ ништо суштински не е променето“, се вели во соопштението.
Скопје утрово го сруши рекордот, најзагаден град е во Европа
Скопје утрово се најде на 21. место на најзагадени градови светот и прв во Европа, покажуваат податоците на светскиот сервис на мерење...
АХВ откри над 2 тони киви со ларви и инсекти кои требало да се продаваат во државава
Поради променети органолептички својства и утврдено присуство на ларви и инсекти, инспектор за храна на Агенцијата за храна и ветеринарство,...
Поради зимата во Газа умираат бебиња и деца, повик до Израел да дозволи помош
Организацијата „Лекари без граници“ (Médecins Sans Frontières – MSF) вчера предупреди дека бебиња и деца во Појасот Газа умираат од...
Родителите на починатите деца од „Пулс“ бараат новиот јавен обвинител да го преиспита случајот
Родителите на починатите во пожарот во „Пулс“ денеска на 34. Марш за ангелите во Кочани побараа проширување на истрагата, утврдување...
Откажани летови и отежнат авиосообраќајот на скопскиот аеродром поради маглата
Како резултат на ниската видливост предизвикана од густата магла што ја зафати скопската котлина денеска до 14 часот на Меѓународниот...
Почина Драган Б. Костиќ, човекот кој важеше за најпрепознатливиот радио глас
Денес на 75 години, почина Драган Б. Костиќ, човекот кој важеше за најпрепознатливиот радио глас кај нас. Откако неодамна Перо...
На едно семејство со четири члена му биле потребни близу 1.100 евра за да го помине декември
Вредноста на синдикалната минимална кошница што ја пресметува Сојузот на синдикати на Македонија (ССМ) за декември годинава изнесува 65.492 денари...
Пратеникот Јанчев кој имаше сообраќајка во која загина тинејџер доби обвинение, свртел на место каде не смеел
Основното јавно обвинителство Скопје поднесе обвинение против Сашко Јанчев, пратеник од партијата Левица, за кривично дело „Тешки дела против безбедноста...
Скопје руши рекорди по загаденост, утрово е втор град во Европа
Според светскиот сервис IqAir Скопје утрово е на 20 место во светот, а второ во Европа по загаден воздух. Доколку...
Дедо Мраз од Лапонија ќе дојде со волшебен воз на Железничка во Скопје
Специјална новогодишна театарска претстава за деца „Дедо Мраз дојде со воз“ ќе се одржува од денеска 30 декември на Железничката...
Затаен данок од над еден милион евра од трговија со злато и накит, истрага против две лица
Основното јавно обвинителство Скопје отвори истрага против две лица за кои постои основано сомнение дека подолг временски период вршеле кривично...
Алиу: Дефиниравме нови програми за специјализации – темелно го менуваме пристапот за креирање медицински кадар
На денешната прес-конференција на министерот за здравство Азир Алиу, заедно со претседателката на Лекарската комора, Калина Гривчева-Старделова, деканот на Медицинскиот...
Уапсени 11 лица за местење тендер вреден над 7,6 милиони евра во „ЕСМ дистрибуција на топлина“
Завчера во текот на ноќта помеѓу 17 и 18 декември и вчера, под раководство на јавен обвинител, полициски службеници спроведоа...
Левицата бара независна истрага за смртта на новороденчето и одговорност од директорката и од педијатарката во ГАК
Левица бара Обвинителството да отвори истрага за смртта на новороденчето на Клиниката за гинекологија и акушерство и одговорност од директорката...
(Видео) Тошковски: Интервентната полиција – шест години посветена служба во заштита на граѓаните
По повод шест години од формирањето на Единицата за интервентна полиција при СВР Скопје, денеска беше одбележан Денот на единицата,...
Андоновски: Македонија рангирана во А-групата за дигитален напредок според Светската банка
На конференцијата „Трансформирање на иднината: дигитална стратегија за современо општество“, посветена на промоцијата на Националната стратегија за развој на ИКТ...
Измените на Кривичниот законик се само уште едно крпење на правниот систем, велат од ЛДП
Либерално-демократската партија (ЛДП) изразува сериозна загриженост и негодување во однос на најновите предлог-измени на Кривичниот законик кои се најдоа пред...
Надминат прагот на штетни честички во воздухот во Скопје, надлежните активираа мерки
Министерството за животна средина и просторно планирање информира дека според податоците од Државниот автоматски мониторинг-систем за квалитет на амбиенталниот воздух...
„’Лотаријата’ функционирала како приватна фирма на Груби, СДС молчел за криминалот од 1 милион евра поради опстанок на власт“, вели ВМРО-ДПМНЕ
„СДС за да опстане ден повеќе на власт ги толерирале злоупотребите кои се случувале во Лотарија под раководство на Бајрами,...
Спроведени 262 контрли на безбедноста на новогодишните пакетчиња, утврдени минимални недоследности
Во пресрет на новогодишните празници, Агенцијата за храна и ветеринарство (АХВ) спроведе 262 вонредни инспекциски надзори за контрола на безбеднста...
