Македонија
Стечајците разочарани од собраниската дискусија за решавање на нивното прашање
Стечајците кои денеска имаа можност да ја следат собраниската расправа за Предлог законот за решавање на нивниот статус, беа разочарани од собраниската дискусија и ги повикаа сите пратеници да ја остават политиката и да го решат нивниот проблем.
Стечајците кои денеска имаа можност да ја следат собраниската расправа за Предлог законот за решавање на нивниот статус, беа разочарани од собраниската дискусија и ги повикаа сите пратеници да ја остават политиката и да го решат нивниот проблем. „Ние бараме само корка леб и да бидеме нормални граѓани, да си плаќаме сметки. Јас ги молам сите пратеници да ја остават политиката, да се погледне како живее овој народ и да го решат проблемот на народот. Надежта последна умира, па пак има некоја жичка надеж. Мислам дека кај пратениците треба да преовлада совеста и да се реши проблемот“, рече Лилјана Георгиевска претставник на стечајците. Тие се заканија доколку не се изгласа законот дека ќе ги соберат сите сметки во вреќа и дека ќе ги однесат кај пратениците дома. „Ќе протестираме и по куќи. Нема да имаат мир ниту еден ден или час од нас. Ние ги биравме, ние им ја дадовме довербата и ние ако треба ќе ги тргнеме од власт, ако не го изгласаат законот“, рече Георгиевска. Марјанчо Николов од СДСМ кој го образложуваше Предлог законот рече дека со него се бара сите невработени лица кои останале без работа поради приватизацијата на претпријатија да примаат надомест од Агенцијата за вработување до повторно вработување или исполнување на условите за пензија во висина од 30 проценти од просечната плата за претходната година. Според опозицијата се работи за 10 илјади лица кои би го користеле ова право за што ќе бидат потребни 12 милиони евра или како што рече Николов се темели на уставните начела. „Со ова ќе се затвори прашањето за социјалната компонента на неправедната транзиција во Македонија. Доколку тоа не се направи тие луѓе ќе продолжат да живеат на маргините на општеството“, рече Николов. Според владејачката партија пак законот е поднесен од политички причини. Крсто Муковски од ВМРО-ДПМНЕ рече дека преку преземање на колективна одговорност СДСМ се обидува да амнестира личност која според него е режисер и сценарист на најматната приватизација во Македонија. „Денес излеговте тука да барате човекот кој што ја режира шпанската серија под наслов „Другата во мене“ во која што колатерална штета беа токму овие луѓе да го амнестирате од одговорноста“, рече Муковски. Од владејачкото мнозинство очекуваат дека во текот на расправата ќе се покаже кој повеќе се грижи за оваа категорија на граѓани. Расправата за Предлог законот за материјално обезбедување на невработени лица поради приватизација на претпријатија со општествена и државна сопственост поднесен од пратеници од СДСМ, НД, ЛП, НСДП и Нова алтернатива ќе продолжи во текот на денешниот ден. Тројца претставници од Унијата на технолошки вишок со одобрение од претседателот на Собранието, Вељановски, а по барање на СДСМ рекоа дека ќе ја следат расправaта од собраниската галерија до крај./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на министерот Муцунски со шефот на Мисијата на ОБСЕ во Скопје, Вал
Министерот за надворешни работи и надворешна трговија, Тимчо Муцунски, денеска оствари средба со шефот на Мисијата на ОБСЕ во Скопје, амбасадорот Килиан Вал. На средбата беше потврдена долгогодишната соработка со ОБСЕ во различни области, при што беше изразена поддршка за напорите на Организацијата насочени кон зајакнување на соработката и одржување на мирот во регионот на ОБСЕ, извести МНР.
Двајцата соговорници изразија задоволство од досегашната соработка помеѓу ОБСЕ и македонските институции, и ја потврдија подготвеноста за нејзино продолжување. Тие разменија мислења и за тековните активности на Мисијата и заеднички ја реафирмираа посветеноста на продолжување на проектите кои ги поддржуваат реформските процеси на новата Влада.
Македонија
ЛДП со реакција за изјавата градоначалникот на Кисела Вода: Сепак има надеж
ЛДП реагираше на изјавите на Орце Ѓорѓиевски во врска со можноста за отповикување на градоначалници, нагласувајќи дека оваа иницијатива не е нова, туку е дел од нивните заложби кои претходно не биле поддржани ниту јавно ниту во Собранието.
„ЛДП ја истакна потребата за воспоставување на механизам за отповикување на градоначалници преку референдум, со цел поголема отчетност и одговорност на локалните лидери. Оваа иницијатива, која партијата ја поддржува подолг период, се заснова на примери од европските земји како Обединетото Кралство, Полска и Молдавија, каде ваквите механизми веќе се применуваат.
Според нив состојбата во која градоначалниците можат да ги поминат своите мандати без да одговараат за несработеното, ги оштетува општините и граѓаните. Иницијативата за отповикување на градоначалници се споменува како начин за подобрување на транспарентноста и одговорноста на локалната власт кон оние кои ја избрале“, велат од ЛДП.
Од партијата потсетија дека уште изминатата година кога ја пласираа идејата за доверба или отповикување на градоначалник истата беше отфрлена.
„Воедно минатата недела поднесовме амандман на измените во законот за локална самоуправа, кој за жал не беше поддржан во Собранието. Но, добро е што само по неколку дена доаѓаат позитивни реакции и изјави по однос на нашата заложба. Подаваме рака да го изработиме предлогот и да го усвоиме сите заедно во интерес на граѓаните“, истакнуваат од ЛДП.
ЛДП почнува серијал на јавни трибини со сите засегнати страни, а пред се со граѓаните затоа што предлогот ги има нив во фокусот: да добијат отчетни институции кои ќе им служат лично нив, а не на сопствените и партиски интереси. Институции исклучиво по европски стандарди и хармонизација со европското законодавство. ЛДП го повикува претседателот на ЗЕЛС и Министерот за локална самоуправа да се приклучат на оваа иницијатива.
Македонија
Претседателката Сиљановска Давкова се обрати на дискусијата „Младите и внатрепартиската демократија“
Претседателката Гордана Сиљановска Давкова се обрати на дискусијата „Младите и внатрепартиската демократија“, што се одржа во Кабинетот на Претседателот по повод 15 септември – Меѓународниот ден на демократијата.
Во дискусијата учествуваа подмладоци од политичките партии во земјава кои ги претставија своите погледи и искуства за улогата и положбата на младите во политичките партии кадешто членуваат и разменија идеи и препораки за подобрување на внатрепартиската демократија и за поттикнување на младинскиот ангажман во политиката.
Претседателката Сиљановска Давкова во обраќањето пред политичките подмладоци посочи дека демократизацијата на политичките партии е клучна за демократизацијата на политиката. Таа се осврна на процесите на внатрепартиското одлучување, на процесите на кандидирање и избор на партиските функционери, посочувајќи дека е неопходна децентрализираност на партиите, почитување на различни тенденции и мислења внатре во партиите и поавтентичен настап на локалните партиски организации.
Во таа насока, таа говореше за потребата од одговорност внатре во партијата, неопходноста од реформи, партиципативна политичка култура и промени во пристапот и комуникацијата на партиите со јавноста.
Претседателката во своето обраќање се осврна и на структурата на партиите и нивното претставување од аспект на родовата застапеност, истовремено посочувајќи дека дејствувањето на политичките партии во голема мера зависи од етичкиот капацитет на водството и на лидерот.
Претседателката ја поддржа потребата од поголема вклученост на младите во носењето на партиските одлуки, истакнувајќи дека тие треба да бидат најсубверзивниот елемент којшто ќе влијае на демократизацијата на овие процеси и на партиското одлучување.
Истакнувајќи ја важноста на внатрепартиската демократија, младите ги разгледаа можностите и начините за нивно поголемо влијание врз политичките процеси, преку активно учество и инклузија во партиските структури.
Политичките подмладоци како генератори на идното партиско лидерство ја истакнаа важноста од едукација и сензибилизирање за демократијата и нејзините сфаќања помеѓу младите.