Нуркачот Луиѓи Касати првото длабинско нуркање во пештерата Врело ќе го направи денеска и се очекува да отиде во левиот ходник од пештерата.

Нуркачот Луиѓи Касати првото длабинско нуркање во пештерата Врело ќе го направи денеска и се очекува да отиде во левиот ходник од пештерата.Од спелеолошкото друштво Врело информираат дека Меѓународната експедиција изминативе денови ги завршила сите подготовки на теренот со поставување на безбедносни јажиња и резервни боци во хоризонталниот дел од пештерата во должина од 300 метри.„Касати со првото нурнување ќе отиде во левиот ходник од пештерата. Врело по хоризонталниот дел почнува да понира во длабочина и некаде на длабочина од 130 метри се дели на два крака. Минатата година познатиот италијански спелеонуркач нуркаше во десниот крак каде дојде до длабочина од 190 метри и наиде на голема камена површина. Тој успеа да помине покрај неа и со осветлување на ходникот виде дека продолжува понатаму. Повторното нурнување беше оневозможено од лошите временски услови и левиот крак остана неистражен. Тој ќе нурне во неиспитаниот крак на пештерата и потоа ќе одлучи во кој крак од пештерата ќе продолжи да нурка“ – велат од спелеонуркачкиот клуб Врело.Од таму велат дека оваа година поради врнежите, видливоста во пештерата е помала од лани, но сепак нуркачот кој оди на најголеми длабочини Касати, очекува да отиде уште подлабоко во пештерата од лани кога дојде до длабочина од 190 метри.Меѓународната експедиција оваа година ќе го заврши и снимањето на филмот за Матка и Врело. „Касати во своите длабински зарони на себе ќе има и камера, така што по завршувањето на филмот ќе може да се види Врело во неговите длабочини“ – додаваат од клубот. Истражувањето на Врело ќе трае до 25 јули. Во меѓународната експедиција учествуваат нуркачи од Македонија, Италија, Белгија и Грција.крај/к.с.