Распуштениот оџа Рамадан Рамaдани на обвинувањата на ИВЗ одговори со контраобвинувања. Решен е да го симне од функцијата претседателот на ИВЗ, Сулејман Реџепи.

Распуштениот оџа Рамадан Рамaдани на обвинувањата на ИВЗ одговори со контраобвинувања. Решен е да го симне од функцијата претседателот на ИВЗ, Сулејман Реџепи.

„Јас и во Иса бег џамијата и во другите скопски џамии предавам како што предавале моите претходници – оџи тука во Скопје, нема такво делење и сите овие обвиненија се стари и јас веќе неколку пати одговорив. Тие треба да одговорат на многу обвиненија кои се подигнати против нив во јавноста. За аџилакот, за омаловажување на оџите кои ги пријавиле во завод за невработени и ред други работи за кои досега требаше да одговорат како достоинствена верска заедница“ изјави Рамадани.

Тој вели дека ИВЗ работи нелегитимно и ги обвини оџите за малверзации во нивното финансирање, односно за денационализацијата.

„Имено кога државата заради општествени интереси не може да отстапи едно место дава бонови, вредносни акции за денационализација и после на берза може да се претворат во пари. Во ИВЗ нема отчет за тие пари кои се големи суми“ тврди Рамдани.

Тој продолжува со иницијативата за собирање на потписи за менување на Реџепи. Пункт пред Иса бег Џамијата денеска немаше. Рамадани тврди дека повлекле два пункта поради празниците. Тврди дека има голем одзив и дека од денеска ќе продолжат со собирање на потписи на сите пунктови.

Утрово ИВЗ повторно го обвини Рамадани за ширење на вехабизам и го повика да се повлече.

Жестоките превирања на релација ИВЗ и приврзаниците на Рамадан Рамадани пред неколку недели прераснаа во инцидент. Наместо петочна молитва, скопскиот муфтија беше избркан со клоци и тупаници. Приврзаниците на Рамадани го претепаа скопскиот муфтија и поранешниот пратеник Ештреф Алиу.

Реџепи може да биде сменет само доколку повеќе од половина од 13-те муфтии во Риасетот на ИВЗ гласаат против него, без разлика колку потпишале за негова смена./крај/фф