Македонија
Во Струга се отвора кампот на пријателството
Министерот за труд и социјална политика, Џељаљ Бајрами, на 16.8.2010 година, во 11:30 часот, свечено ќе го отвори кампот на пријателство “Струга-2010“ што ќе се одржи во “Еуротел Струга“, Струга.
Министерот за труд и социјална политика, Џељаљ Бајрами, на 16.8.2010 година, во 11:30 часот, свечено ќе го отвори кампот на пријателство “Струга-2010“ што ќе се одржи во “Еуротел Струга“, Струга. „Кампот на пријателство“, што годинава се одржува по четврти пат во Република Македонија во организација на Јавната установа за згрижување деца со воспитно социјални проблеми – Скопје, а со поддршка од Министерството за труд и социјална политика и ФИЦЕ (Интернационална организација за грижа и едукација на деца, која е произлезена од УНИЦЕФ), претендира да добие и една нова димензија која освен развиток на креативниот позитивен потенцијал кај овие деца ќе даде можност и за подобрување на нивната социјална и емоционална интелигенција преку развивање на емоционалната писменост и ќе биде во функција на нивниот личен раст и развој. Ваквата програма дава можност за развивање на свесноста за себе и за другите.Држави учесници на Кампот освен Република Македонија се и Република Албанија, Србија и Црна Гора.Сите досегашни Кампови од сите аспекти беа поддржувани од страна на МТСП, со што Кампот премина во традиционален и идната година истиот ќе се организира во Саранда, Република Албанија./крај/ссе/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември” – Скопје денеска со почеток во 10 часот ќе се вршат бесплатни уролошки прегледи, како и ехо прегледи на бубрези и простата.
Целта е подигнување на свесноста за значењето на навремената грижа за машкото здравје. Ова е одлична можност за навремена проверка, превенција и грижа за здравјето, информира болницата „13 Ноември” – Скопје.
Уролошки прегледи ќе врши Дарко Марковски, уролог од ГОБ „8-ми Септември“, а ехо на бубрези и простата докторките Марика Филипова и Марија Сековска – специјалисти интернисти во Специјализирана болница за геријатриска и палијативна медицина „13 Ноември“ .
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.

