Македонија
Кривични пријави за учесниците во заложничката драма во Битола
Министерството за внатрешни работи поднесе кривични пријави за напад врз службено лице против тројцата учесници во заложничката драма што завчера се случуваше во Битола.
Министерството за внатрешни работи поднесе кривични пријави за напад врз службено лице против тројцата учесници во заложничката драма што завчера се случуваше во Битола.
Според МВР, нападот врз службено лице се случил кога полицијата влегла во станот на Ангелевски за да види што се случува и да ги приведе учесниците. Тројцата почнале да даваaт отпор, родителите почнале да фрлаат со предмети по полицајците, употребиле физичка сила, а синот почнал да замавнува со нож и виљушка.
Освен синот, Сашо Ангелевски, во психијатриската болница во Демир Хисар се пренесени и родителите Марија и Борче. И на тројцата им е изречена мерка за задолжително психијатриско лекување.
Полицијата завчера околу 21 часот успеа да ги извлече мајката и таткото на Сашо Ангeлeвски, кој по извлекувањето на неговите родители до последно остана на терасата од станот и одбиваше да се предаде.
Во спасувањето на семејството беа вклучени и специјални единици од Скопје, противпожарни служби, преговарачи и екипи на итната медицинска помош.
Се работи за семејство кое и претходно било проблематично. Според братот на Борче, Мито Ангелeвски, семејството било со нарушено психичко здравје, по тешка сообраќајка што им се случила пред 10 години во САД.
Полицијата не пронајде огнено оружје ниту во станот, ниту кај синот, Сашо Ангелeвски, кој вчера десет часа ги држеше во заложништво своите родители во семејниот стан на улица „Јосиф Христовски“ во комплексот „Грозд“.
На вештачење е предаден само ножот, со кој Ангелeвски неколку часа на терасата на станот се закануваше дека ќе си го одземе животот, како и дека ќе посегне по животот на полицајците.
„По претходно издадена судска наредба, во споменатиот стан е извршен претрес, а на приведените им е направена ,,парафинска ракавица,, заради утврдување на евентуално присуство на барутни честички, а за вештачење е предаден и нож пронајден во станот. СВР Битола по целосното документирање на настанот, материјалот ќе го предаде на ИС од ОС во Битола на натамошно постапување“ соопштија вчера од МВР.
Завчера околу 12:30 часот, соседите од зградата телефонски го пријавија случајот. Тие тврдеа дека слушнале гласно викање, расправии, закани по животот, како и дека слушнале звуци кои биле идентични на истрели од оружје./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Митева: Состојбата во односите со Бугарија е последица на погрешните политики на СДС
Македонија
Николоски: Македонија не се откажува од идејата за квалитетно железничко поврзување со Бугарија
Влегуваме во силен инвестициски циклус во изградба и модернизација на патната и железничката мрежа во Македонија преку која ќе изградиме квалитетни транспортни мрежи во регионот и ќе допринесеме за побрза интеграција со Европската Унија, е ставот на заменик претседателот на Владата и министер за транспорт Александар Николоски кој денеска го пренесе на средби со министри за транспорт од земји на Европската Унија, средби со колегите министри од земјите на Западен Балкан како и со претставници од различни институции на Унијата во рамки на дводневниот состанок на министри за транспорт на ЕУ што се оддржува во Унгарија.
Министерот Николоски ја потенцира важноста на поддршка на земјите од Европската Унија за спроведување на овие проекти и како што нагласи, нивната реализација ќе значи економски развој и подобра комуникација за сите земји од регионот.
Во одвоени средби со министерот за градежништво и инвестиции на Унгарија Јанош Лазар, со заменик претседателката на Владата и министерка за инфраструктура на Албанија, Белинда Балоку како и претседателот на Заедницата на европски железници Алберто Мацола, информираше дека Македонија ги засилува инвестициите во изградба и модернизација на европските транспортни коридори 8 и 10, поврзувајќи ја оската Исток-Запад, како и брзо поврзување со југ со Атина и на север со земјите од Централна Европа.
Тој ги потенцираше силните заложби на македонската влада за изградба на модерни автопати на западниот дел на коридор 8 кои треба да обезбедат квалитетно регионално поврзување, притоа нагласувајќи дека до крај на оваа година источниот дел од овој коридор ќе биде завршен.
Во однос на железничкото поврзување приоритет е изградба на двоколосечна брза пруга на Коридор 10, проект кој ќе даде дополнителна вредност на целокупната економија во регионот. Во однос на пругата на коридор 8, тој нагласи дека Македонија не се откажува од идејата за квалитетно железничко поврзување со Бугарија.
Изградбата на брза пруга на Коридор 10 како и квалитетно патно и железничко поврзување со Албанија и Бугарија се проекти кои ќе донесат големи придобивки за сите земји од регионот и ќе овозможат сигурен и брз транспорт на производи и патници. Затоа мора заеднички да настапиме со добри развојни програми и планови и да побараме силна поддршка од нашите партнери од Европа, истакна министерот за транспорт Александар Николоски.
Тој исто така информираше дека Македонија започна и со модернизација на неколку гранични премини како дел од проектот за олеснување на трговијата и транспортот меѓу земјите од Западен Блакан.
Состанокот на министри на земјите од Европската унија е одлична можност да ги презентираме нашите планови и активности за развој и модернизација на инфраструктурата во Македонија и да дадеме сериозен придонес за регионалниот развој и интеграцијата на цел регион, посочи министерот Николоски по средбите.
На средбите тој ја истакна цврстата заложба на Владата за остварување на зацртаните цели на земјата кои се однесуваат на пристапниот процес за членство во Европската Унија.
Македонија
СДСМ: Намалувавме цени на 500 производи, Мицкоски замрзна маржа на 73, дебакл на Владата
„Мерките на владата на Мицкоски освен што се задоцнети, тие нема да имаат ефект врз цените и стандардот на граѓаните. За жал, по најавената мерка на Владата дека се замрзнуваат маржите на само 73 производи, граѓаните не треба да очекуваат некаков ефект“, велат од СДСМ.
„Оваа мерка е калкулантска политика на Владата колку да замачкаат очи дека нешто направиле под притисок на јавноста. Сега е повеќе од јасно зошто со недели Мицкоски чекаше со намалување на цените на производите. Целта била да се најде решение колку да го има и тоа е во интерес на трговците, а не во интерес на граѓаните ниту нешто посебно ќе им помогне“, посочуваат од партијата и потсетуваат дека Владата на СДСМ минатиот септември 2023 година донесе мерки за намалување на над 500 производи во 25 различни категории и реализираше антикризен пакет за помош на граѓаните вреден 662 милиони евра.
„Во соседна Србија поевтинија 700 производи, слично е во Црна Гора. Ова што го донесе како мерка Владата на Мицкоски граѓаните нема ни да го осетат и тоа е доказ дека тој нема никаков интерес да се грижи за стандардот на граѓаните. За прв пат денес стигна и информацијата дека просечната плата за јули бележи пад од речиси 1000 денари по пет години постојан раст. Се намалуваат платите, цените остануваат високи. Граѓаните заслужуваат фер третман и вистинска грижа“, завршуваат од СДСМ.