Активностите на планот на реформите за исполнување на критериумите за членство во ЕУ, како и за прашањето за спорот за името со соседна Грција, биле главните теми на денешната директна средба во Брисел на македонскиот премиер Никола Груевски со еврокомесарот за проширување, Штефан Филе.

Активностите на планот на реформите за исполнување на критериумите за членство во ЕУ, како и за прашањето за спорот за името со соседна Грција, биле главните теми на денешната директна средба во Брисел на македонскиот премиер Никола Груевски со еврокомесарот за проширување, Штефан Филе.

Премиерот Груевски по средбата изјави дека ги презентирал македонските ставови во спорот со името, како и тоа што досега е сработено. На новинарско прашање дали се прави дополнителен  притисок од европските лидери околу решение за името, премиерот рече дека има постојаност во очекувањата  прашањето што поскоро да се реши.

Според Груевски, ЕУ треба да ја земе предвид и опцијата да се добие датум за преговори и без да се реши прашањето за името.

– Ние се обидуваме дa најдеме решение за проблемот меѓутоа исто така доколу се оцени дека Грција на многу долг рок не планира да дојде до решение, треба да се размисли и за таква опција, рече премиерот Груевски.

До средба со грчкиот премиер Папандреу, Груевски изјави дека овој пат не дошло бидејќи ниту една од страните не покажала интерес за  тоа, но тој не ја исклучи можноста во некоја друга прилика или на друго место да се сретнат  со грчкиот колега.

Шефот на македонската Влада денеска оствари средба и со неколку европратеници при што станало збор за состојбата во државата, за напредокот во реформскиот процес и за спорот за името. Словенечкиот европратеник и известувач на Европскиот парламент за Македонија Зоран Талер по средбата изјави оти очекува позитивен извештај од ЕК.

– Се надевам на позитивен извештај што треба да следи во ноември. Има голем напредок во однос на реформите во сите области, но има и конкретни работи кои се уште треба да се завршат и да се имплементираат. Тие ќе бидат прецизно наведени во извештајот на ЕК и не се резултат на желбата на Брисел да критикува, туку се со цел да и се помогне на земјата во синхорнизацијата со стандардите на ЕУ“, истакна Талер.

Премиерот Груевски во рамки на дводневната посета на Брисел вчера учествуваше на самитот на Европската народна партија чија членка е и ВМРО-ДПМНЕ. На форумот, на кој што присуствуваа голем број шефови на влади и држави кои се дел од оваа групација тој остварил повеќе неформални средби, меѓу кои и со германската канцеларка Ангела Меркел и со претседателот на Советот на ЕУ Херман Ван Ромпуј. Крај/со/сс/