Затворениците од затворениот дел на затворот Идризово се жалат на лоши услови, дел од затворениците се жалат на тортура од страна на вработените во затворите, а надлежните велат дека ги преземаат сите активности за подобрување на условите во затворите.

Затворениците од затворениот дел на затворот Идризово се жалат на лоши услови, дел од затворениците се жалат на тортура од страна на вработените во затворите, а надлежните велат дека ги преземаат сите активности за подобрување на условите во затворите.

Министерот за правда, Михајло Маневски денеска присуствуваше на пуштањето во употреба на реновираните простории на полуотвореното одделение на КПД Идризово. Дел од новинарските екипи сведочеа дека пред посетата на министерот пред нив се појавил затвореник облеан во крв кој инсистирал да се види министерот за правда, но полициските службеници го спречиле.

Маневски вели дека за овој инцидент не бил информиран, додека директорката на Управата за спроведување на санкции, Лидија Гавриловска вели дека ќе го испитаат инцидентот.

„Не сум информирана за ова, секаде има и во нашите установи има одредени активности кои што се пред се субјективни, кој што ги превземаат одредени вработени, но ние во тој дел постојано правиме едукација, особено во делот на обезбедувањето “ изјави Гавриловска.

За случајот кога избегаа двајца затвореници од затворот во Идризово и поради тоа настрада друг затвореник досега се санкционирани четворица чувари од затворот  Идризово и четворица од затворот Скопје. Тогаш затворските чувари крвнички го претепаа цимерот на двајцата избегани затвореници.

„Управата за спроведување на санкции достави до владата програма за спречување и борба против корупцијата и другите форми на организиран криминал“ вели Гаврлиовска. Целта на оваа програма е во соработка со МВР да се спречат криминалните активности што се вршат во затворот.

Со оваа програма се забранува внесување на мобилни телефони од страна на вработените, има посебни сандачиња, каде што вработените треба да ги оставаат своите лични работи. Во затворите нови се рентген тунелите, камерите и детекторските врати, се со цел да се спречи човечкиот фактор во соработката со осудениците.

„Досега се поведени неколку постапки во кои неколку од надзорниците и службените лица се дисциплински казнети, за некои кој што ги пречекориле овластувањата се поднесени и кривични пријави за одредени кривично дело“ изјави Маневски.

Во реновираните простории во затворот Идризово со вкупна површина од 532 метри квадратни, ќе се сместат 112 лица распоредени во 19 соби, со што се обезбедува простор од 9 кубни метри.

Но народниот правобранител апелира дека не е доволно само реновирање на затворите.

„Подобрувањето на состојбите во казнено – поправните установи не е само во просторните услови , подобрувањето е потребно и во другите сегменти. Во однос на процесот на ресоцијализација, во однос на третманот на осудените лица во сите сегменти, во здравствената заштита и контактот на воспитниот кадар со осудениците“ изјави Драги Целевски, заменик народен – правобранител.

Инцидентот што се случи денеска не е единствен. Пред два месеци додека министерот за правда  го презентираше реновираниот притворски дел во затворот Скопје во Шутка, еден од затворениците ги повика новинарите да ги видат условите во неговата ќелија. Министерот за правда ги занемари овие викотници и во изјавата по прошетката низ затворот рече дека се работело за лице кое било повеќе пати осудувано./крај/фф