Не е доволно само министерството за внатрешни работи да спроведува успешни и решителни акции кои се економски неисплатливи, потребно е подигнување на свеста кај граѓаните за опасностите кои ги носи поседувањето на нелегалното оружје.

Не е доволно само министерството за внатрешни работи да спроведува успешни и решителни акции кои се економски неисплатливи, потребно е подигнување на свеста кај граѓаните за опасностите кои ги носи поседувањето на нелегалното оружје.

Ова е заклучокот од почетокот на работилницата за легализација и доброволно поседување на нелагалното оружје, која денеска ја организираа министерството за внатрешни работи и мисијата на ОБСЕ.

„Не е доволно само министерството за внатрешни работи да спроведува успешни и решителни акции за запленување на оружје, туку потребно е да имаме соработка со граѓаните односно подигнување на нивната свест за сите опасности кои ги носи поседувањето на нелегалното оружје кое неретко се користи за извршување на кривични дела и неретко е причина за предизвикување на телесни повреди“ изјави министерката за внатрешни работи Гордана Јанкулоска.

„Потребата и достапноста на секаков вид на оружје муниција и експлозивни материи, ја поткопува правдата, ја зголемува стапката на криминалот, има свое влијание на стабилноста на државата и претставува пречка на социјалниот и економскиот развој“ изјави Виолета Андонова, државен секретар на МВР.

Акцијата за предавање на оружјето е во тек и ќе трае до пролет. Со измените и дополнувањата на Законот за оружје усвоени во Собранието во мај годинава граѓаните кои поседуваат нерегистрирано, односно нелегализирано оружје можат да го предадат во најблиската полициска станица, без никакви санкции. Рокот започна да тече од 5 јуни./крај/фф