Екипи на Министерството за образование и наука се очекува денеска да ќе излезат на терен за да ја утврдат фактичката состојбата во која се наоѓаат училиштата, откако Државниот санитарен и здравствен инспекторат затвори две училишта.

Екипи на Министерството за образование и наука се очекува денеска да ќе излезат на терен за да ја утврдат фактичката состојбата во која се наоѓаат училиштата, откако Државниот санитарен и здравствен инспекторат затвори две училишта.

Од МОН велат дека екипите ќе ги согледаат причините за затворањето на училиштата, како и начините за надминување на проблемите со кои се соочуваат во соработка со општините на чија територија и надлежност припаѓаат училиштата.

„Воедно сакаме да ја информираме јавноста дека согласно Законот за основно образование, основач на училиштето е самата општина и таа е надлежна за тековното одржување на објектите во кои се изведува воспитно-образовна дејност,“ соопштуваат од Министерството за образование и наука.

Државниот санитарен и здравствен инспекторат  вчера објави дека поради одредени недостатоци целосно се затворени училиштата во Липково и Чардаклија, додека делови од објекти се затворени во училиштата Панајот Гиновски“ и „Браќа Рамиз и Хамид“ – Чаир,  како и  во една градинка во Битола.Инспекцијата поради недостатоци затворила и   шест фискултурни сали и 17 санитарни јазли.

И покрај овие наоди, при извршената 354 инспекциски надзори било констатирано дека општата санитарно-хигиенска состојба во училишните објекти низ Македонија генерално е подобрена, иако и натаму има одредени недостатоци. /крај/со/ко/ап/