Македонија
Ставрески: Коригираната стапка на статистика е нормална пракса
Вицепремиерот за економски прашања и министер за финансии, Зоран Ставрески, го смета за нормална статистичка пракса тоа што Заводот за статистика вчера објави коригирана вредност за бруто- домашниот производ за првиот квартал.
Вицепремиерот за економски прашања и министер за финансии, Зоран Ставрески, го смета за нормална статистичка пракса тоа што Заводот за статистика вчера објави коригирана вредност за бруто- домашниот производ за првиот квартал.
Откако статистика забележа пад на БДП од 0,9 проценти за првото тромесечје, вчера објави дека падот изнесува 1,1 процент.
Ставрески вели дека тоа не се користи за дневно-политички цели.
„Економистите ако има такви што го кажале тоа очигледно не ги следат работите на заводите за статистика ширум светот. Тоа е нормална статистичка пракса, затоа таму има фусноти, пишува дека податоците се проценети и дека не се конечни. Во сите развиени земји се прави иста статистичка пракса, некогаш оди надоле, некогаш оди нагоре“ рече Ставрески и додаде дека најпрвo се прави проценка, па по неколку месеци се дава конечниот податок.
Ставрески смета дека има добри шанси до крајот на годинава Македонија да го достигне очекуваниот економски раст од 2 проценти, по објавените податоци на Заводот за статистика дека бруто домашниот производ на Македонија, во второто тромесечје од 2010 година забележа пораст од 0,4 отсто во споредба со истиот период лани.
„Имајќи предвид дека живееме во услови кога светската економска криза има последици врз економиите, јас лично се радувам на секој позитивен резултат. Сметаме дека е значајно економијата да оствари позитивни резултати и добро е што во вториот квартал се остварија нашите проекции дека ќе имаме, иако низок сепак позитивен економски резултат. Тоа создава солидна основа во третиот квартал бруто домашниот производ и економската активност да бидат уште подобри и имајќи ги предвид податоците што се објавија за индустриското производство, имајќи во предвид дека се подобрува наплатата на приходите во буџетот и се стабилизира потрошувачката, сметам дека има добри шанси до крајот на годинава да се приближиме од очекуваниот економски раст од 2 проценти“ изјави Ставрески.
Според економската теорија, една економија влегува во рецесија, ако во две тромесечја последователно оствари негативна стапка на раст.Македонија во последното тримесечје од изминатата година оствари позитивна стапка од раст од 1,2 отсто, со што беше прекината низата од негативна стапка на раст, остварен во првите три тримесечја од 2009 година./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Шест лица го загубија животот за четири дена во сообраќајни несреќи, оставете го мобилниот додека возите, апелира МВР
Во првите четири дена од месец ноември во сообраќајни несреќи на територија на државата животот го загубија шест лица. Од почетокот на оваа година заклучно со октомври регистрирани се 115 жртви. Во текот на минатата година регистрирани се 142 жртви во сообраќајни несреќи, соопшти МВР.
„Тоа не се само бројки – тоа се нечиј син, нечија мајка, сопруг, дете. Нечии деца остануваат без родители и обратно родители остануваат без своите деца. Овој, без дилема, поразителен биланс не е производ на природни катастрофи или воени конфликти, туку резултат на нашата култура, менталитет и однесување во сообраќајот. Несмееме да дозволиме сообраќајот од секојдневна неопходност да прерасне во нужно зло на современото живеење“.
Статистиката, додаваат од ова министерство, покажува дека најчестите причинители кои доведуваат до сообраќајни несреќи со фатални последици се пред се непочитувањето на сообраќајните правила, односно користењето на мобилен телефон при возење, возењето со брзина поголема од дозволената, возењето под дејство на алкохол, итн.
„Апелираме до граѓаните: оставете го мобилниот телефон додека управувате со возилото, не возете со брзина поголема од дозволената, не седнувајте зад воланот доколку сте конзумирале алкохол. Почитувајте ги сообраќајните правила и прописи не го ставајте во ризик вашиот и животот на вашите најмили, како и на останатите учесници во сообраќајот.
Апелираме до родителите: не им дозволувајте на вашите деца да управуваат било какво превозно средство без соодветна обука и дозвола. Сообраќајната култура мора да им се вгради и вгнезди на децата уште од најмала возраст, а тука големо влијание имаат родителите и целокупниот воспитно-образовен процес.
Со најголема одговорност апелираме до сите учесници во сообраќајот, бидете совесни, внимателни и дисциплинирани. Една непромислена одлука – возење со мобилен телефон во рака или со брзина поголема од дозволената, или под дејство на алкохол – може да го одземе вашиот или нечиј друг живот.
Нема ништо поважно од човечкиот живот. Безбедноста на патиштата не зависи само од полицијата и контролите, туку пред сè од секој поединец зад воланот“.
Министерството за внатрешни работи, како што е нагласено во соопштението, ќе продолжи со засилени контроли на терен, но вистинската промена почнува со одговорноста на секој возач. „Почитувајте ги правилата, намалете ја брзината и не седнувајте зад волан под дејство на алкохол. Да возиме со ум, не со емоции. Да не дозволиме нашето невнимание да биде причината некој да не се врати дома“.
Македонија
(Видео) Јаревски: Стевчо Јакимовски е алиби мајстор кој се плаши од ревизија бидејќи е свесен дека ќе излезат на виделина злоупотребите што ги правел
Стевчо Јакимовски знае дека следи ревизија на неговата криминална работа и дека ќе излезат на виделина сите криминали кои ги правел, затоа плаче, наместо да честита.
Стевчо Јакимовски е причината зошто Карпош e бетонска џунгла, во која интересот на граѓаните беше на последно место, истакна на прес-конференција Тони Јаревски, пратеник на ВМРО-ДПМНЕ.
„Стевчо Јакимовски по поразот кој го доживеа во Карпош, се уште не може да се помири дека дојде крајот на неговото изживување врз карпошани.
Јакимовски тоне во своите солзи, говори за некакви изборни нерегуларности во кои само тој верува. Јакимовски е свесен за неговите злоупотреби кои ги има направено во Карпош и во страв дека сите работи ќе излезат на виделина, Стевчо плаче.
Алиби мајсторот Стевчо, се плаши од ревизија во општината и затоа му порачуваме овие неколку дена што му останаа да не потпишува никакви документи, бидејќи добивме информации дека презема очајнички слугувања кон мафијашите што ги штити“.
Храбриот Стевчо, вели Јаревски, треба да знае две работи, а тоа е дека народот во Карпош го порази и дека ќе има ревизија на неговото работење.
„Карпош се ослободи од Стевчо и неговите другарчиња од градежната мафија. Сотир Лукровски и ВМРО-ДПМНЕ ќе ја препородат општина Карпош“.
Македонија
Во тек е исплатата на правата од социјална и детска заштита
Министерството за социјална политика, демографија и млади информира дека денеска започна исплатата на правата од социјална, детска и цивилна заштита за месец октомври 2025 година.
Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од денеска, 06 Ноември 2025 година.
Со цел да се избегне метеж пред и во банките при исплата на правата, за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа:
06.11.2025– А, Б, В, Г, Д, Ѓ, Е, Ж, З, Ѕ, И, Ј, К, Л, Љ
07.11.2025– М, Н, Њ, О, П, Р С, Т, Ќ, У, Ф, Х, Ц, Ч, Џ, Ш.

