Телевизијата А1 е казнета за време на предизборен период заради надминување на лимитот за рекламирање, соопштуваат од Советот за радиодифузија. Казната немала никаква поврзаност со моменталното емитување на актуелните рекламни кампањи на една политичка партија.

Телевизијата А1 е казнета за време на предизборен период заради надминување на лимитот за рекламирање, соопштуваат од Советот за радиодифузија. Казната немала никаква поврзаност со моменталното емитување на актуелните рекламни кампањи на една политичка партија.

Од таму изразуваат изненаденост од постапката на телевизијата да престане да емитува програма повикувајќи се на претходна одлука

„Поради тоа, согласно законските казнени мерки, тогаш СРД и’ наложи на ТВ А1 во текот на еден ден да не емитува реклами и телешопинг и затоа СРД смета дека сегашниот целосен прекин на програмата е самоволен потег на оваа телевизија и е отворена провокација. СРД има изречено повеќе вакви мерки и на други радиодифузери“ се вели во соопштението на СРД.

По реакциите на граѓаните за платеното политичко информирање, СРД уште еднаш ги предупредува сите радиодифузери стриктно да се придржуваат на одредбите на законот за радиодифузија и да не дозволат во политичкото рекламирање да има учество и прикажување на малолетници ниту какви било форми во кои не се почитува човечкото достоинство.

„СРД во наредниот период ќе ги презема сите законски мерки кои му се на располагање во санкционирање на сите прекршувања на ЗРД“ предупредуваат од СРД.

Телевизија А1 од синоќа на полноќ не емитува програма. На црн екран стои известување дека телевизијата 24 часа нема да емитува програма.

„Заради постапување по одлука за изрекување на мерка забрана за рекламирање од еден ден, изречена од СРД, бр. 10 – 1328/1, не се емитува редовната програма на А1 ТВ. Прекинот ќе трае од 00 до 24 часот, на 04.10.2010.“ пишува на екранот./крај/со/фф