Премиерот Никола Груевски на сите граѓани на Македонија им го честита Денот на народното востание – 11 Октомври, посочувајќи дека обврска на сите е да се чува она за што предците го дале животот.

Премиерот Никола Груевски на сите граѓани на Македонија им го честита Денот на народното востание – 11 Октомври, посочувајќи дека обврска на сите е да се чува она за што предците го дале животот.

„Овој ден е длабоко врежан во македонската историја како светол симбол на македонскиот непокор и вековниот стремеж за сопствена слобода на македонскиот народ. На овој ден им оддаваме почит на сите учесници во вооруженото антифашистичко и народноослободително востание, на сите херои кои беспоштедно ги дадоа своите животи за остварување на една возвишена цел – слободата, но и можноста македонскиот народ да ја гради својата иднина и просперитет во слобода“, се наведува во честитката на премиерот Груевски.

Денеска, како што истакнува Груевски во честитката прославувајќи го 11 Октомври, го прославуваме нивното големо дело. После макотрпни борби, македонскиот народ успеа на слободен и демократски начин да ги постави темелите на сопствената државност и сувереност.

„Наша обврска останува да го чуваме она за што нашите предци го дадоа својот живот и да продолжиме да го даваме својот придонес во нашите заеднички заложби за зачувување на основните вредности на кои е втемелено нашето општество – соживот, меѓусебно разбирање и почитување помеѓу сите граѓани на Македонија“, вели Премиерот./крај/со/бд