Македонија
Бергант: Преку дијалог до решение за грчко-македонскиот спор
Преку дијалог, до решение, како и инволвирање на Европската Комисија во решавањето на македонско-грчкиот спор, е ставот на словенечкиот амбасадор во Македонија,
Преку дијалог, до решение, како и инволвирање на Европската Комисија во решавањето на македонско-грчкиот спор, е ставот на словенечкиот амбасадор во Македонија, Алан Брајан Бергант, кој денеска учествуваше на тркалезна маса посветена на регионалната соработка на Западен Балкан – на пат кон заедничката цел евроатланските интеграции.
„Она што Македонија би можела да го земе како позитивен пример е дека преку дијалог може да се дојде до решение. Тоа е она што треба да го прифатите од нашиот модел. И во вашиот случај е потребно инволвирање на ЕК . Тоа значи дека македонската влада треба да покаже поактивна улога, да ја замоли ЕК или претседателот на ЕУ да бидат поактивни во изнаоѓање на решение за спорот. Сметам дека сите сме заинтересирани Македонија да добие датум за преговори“, изјави Бергант, правејќи споредба на македонско-грчкиот спор со хрватско-словенечкиот.
Според Бергант државите е добро да се поврзуваат регионално и рече дека Словенија во земјите од Западен Балкан ги гледа вистинските сојузници за напредување.
„Нашиот проблем во 1991 година беше тоа што Словенија не знаеше во која група држави припаѓа. Сега по дваесет години, кога се идентификувавме дека припаѓаме на регионот Западен Балкан, сакаме што поскоро Хрватска да стане членка на ЕУ, Македонија исто така, бидејќи тие се вистинските сојузници, а ние сакаме да бидеме некој мост меѓу Западен Балкан и Средна Европа. И во ЕУ и во НАТО има држави кои се групираат. Мислам дека Словенија најдобрите сојузници ќе ги има од Западниот Балкан. Тоа е како Евровизија, ние ќе гласаме за вас, а вие за нас. “, рече Бергант.
Според Владимир Мисев од Институтот за демократија спорот меѓу Македонија и Грција, како пречка што Македонија не може да биде дел од европското семејство, не може да се реши по примерот на Хрватска и Словенија.
„Македонија има судски спор со Грција, кое што е многу поконкретно и мислам дека тука постои легитимна основа за да се бара правдата, но ова прашање не може да се реши по тој пат“, рече Мисев и додаде дека смета дека одлуката на судот во Хаг ќе биде позитивна, која во својство на препорака ќе биде политички многу силна.
Пратеничката Силвана Бонева изрази жалење што на тркалезната маса не беше присутна и амбасадорката на Грција во Македонија, Александра Пападопулу.
„Имаме прекрасна соработка на економски план и секаде каде што работите не зависат од политиката, но кога ќе се вклучи и политиката за решавање на најважното прашање дури тогаш можеме да кажеме дека сме направиле огромен исчекор во правец на стабилизација на Балканот. Како ќе станеме членки на ЕУ, кога,една земја одбива комуникација со пратеници. Како тогаш ќе комуницираме за другите прашања?, рече Бонева.
На денешната тркалезна маса посветена на регионалната соработка на Западен Балкан – на пат кон заедничката цел евроатланските интеграции, што се одржа во Собранието во соработка со Фондацијата „Конрад Аденауер“ и Институтот за демократија, учесниците беа на заеднички став дека треба соработката да се интензивира во областа на безбедноста, економијата односно трговијата, енергетиката и сите сфери кои ќе придонесат за целосно нивно интегрирање во ЕУ. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На диво изградил 22 бетонски столба во Гостивар, а градежниот инспектор не го сопрел, двајцата добија кривични пријави
Надворешната канцеларија за криминалистички работи Гостивар поднесе кривична пријава против С. С. (35) од с. Речане, Гостиварско, под сомнение за сторено кривично дело бесправно градење, и против В. Р. (42) од Гостивар поради постоење основи на сомнение за сторено кривично дело несовесно работење во службата.
„Во март 2025 во гостиварска населба, првопријавениот, во својство на сопственик на објект во изградба, изградил 22 бетонски столба, без да поседува соодветна дозвола издадена од надлежен орган. А второпријавениот, овластен градежен инспектор при Општина Гостивар, по доставена пријава од МВР поради сомнение за сторено кривично дело, не излегол на терен и не извршил увид на градбата“, соопшти МВР.
Надворешната канцеларија за криминалистички работи Гостивар поднесе кривична пријава и против А. Е. (44) од Гостивар за бесправно градење оти во текот на февруари 2025 година во населба во Гостивар, на парцела сопственост на друго лице, изградил приземје и кат без одобрение за градење издадено од надлежен орган.
Македонија
Странска акредитирана лабораторија да направи испитувања на квалитетот на воздухот, на водата и на почвата, бара Филипче
Претседателот на Социјалдемократскиот сојуз на Македонија, д-р Венко Филипче, во одговор на новинарско прашање укажа дека по пожарите во депониите Дрисла и Вардариште, и последниот во Трубарево, потребни се итни анализи на почвата, воздухот и водата, од страна на странска акредитирана лабораторија.
Филипче предупреди дека мора да се направи испитување на квалитетот на водата за пиење.
„Сите изотопи кои што не се растворливи во вода ќе се детектираат. И тоа сметам дека час поскоро треба да го направи некоја странска акредитирана лабораторија, да не сведочиме на овие смешни изговори на Институтот за јавно здравје“, рече Филипче.
Овие анализи, како што кажа Филипче, се важни бидејќи по вакви пожари постои ризик да е загадена почвата каде што има земјоделски производи.
„Треба да се измери количината на диоксини, на фурани, на јаглеводородни честички во воздухот, не само на ПМ честичките. Треба да се испита количеството на тешки метали во земјата – никел, кадмиум, олово. Зошто е тоа важно? Поради тоа што можат тие тешки метали да влезат во синџирот на исхрана“, рече Филипче.
За во иднина да се спречи нова еколошка катастрофа, Филипче нагласи дека е потребна итна детална анализа на сите институции и на сите депонии кои што работат во земјава. Ова, како што рече, е важно за да се превенира евентуална следна криза.
„Имаат ли сите депонии лиценци? Сите ли се на доволна оддалеченост од населените места? Работи ли некој нелегално со отпад? Од каде се увезува отпад во земјава? Конечно, да знаеме што се случува во тој сектор. Што направи Владата по тоа прашање? Ништо“, рече претседателот на СДСМ, Венко Филипче.
Македонија
Почна процесот за заштита на македонскиот рубин: „национално богатство единствено во Европа“
Денес, по иницијатива и залагање на министерката за енергетика, рударство и минерални суровини, Сања Божиновска, почна сериозен институционален процес за заштита на македонскиот рубин – геолошки уникат што се наоѓа единствено во Прилеп и во Мариово и е единствениот рубин во Европа што природно се вади и обработува.
На состанокот меѓу Министерството за енергетика, рударство и минерални суровини, Геолошкиот завод и Заводот за индустриска сопственост беа дефинирани конкретни чекори за да се обезбеди официјален статус на македонскиот рубин како заштитено национално минерално наследство. Геолошкиот завод ги запозна присутните со веќе изработената анализа за правната заштита, која ќе биде надополнета во согласност со новите податоци, а дополнително беше истакната и потребата од поширока институционална координација.
На средбата присуствуваше и долгогодишниот промотор на македонскиот рубин – Деко, кој ги пренесе историјата и значењето на секој примерок изработен со овој исклучителен камен.
Министерката Сања Божиновска порача:
„Македонскиот рубин, единствен по своето потекло и својства, заслужува институционална заштита и признавање како национално богатство. Ова е само почеток на поголем процес на заштита, вреднување и меѓународна промоција на македонското минерално богатство како дел од националниот идентитет и нашата природна гордост“.
Рубинот што се вади во Македонија е геолошки и естетски уникат: познат е како корунд со карактеристична малиново-розова боја, која се јавува поради присуството на хром во неговата кристална структура. Се наоѓа исклучиво во околината на Прилеп и во планините на Мариово, што го прави единствен природен рубин во копнената Европа, кој се обработува локално. Покрај својата естетска и колекционерска вредност, тој претставува дел од културното и историското наследство на земјата – симбол на природната убавина и националната гордост.
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
(Видео) Командантот на пожарникарите раскажа како се гаснел пожарот во Трубарево – на помош добиле хемиска пена, па стигнал и песокот
Скопските пожарникари во изминатите два дена интервенирале со целокупниот капацитет при големиот пожар во магацините за пластичен и електронски отпад...
„Ова ќе продолжи“ – Според Мицкоски зад пожарите стојат центри на моќ од земјата и од надвор
Премиерот Христијан Мицкоски денеска изјави дека пожарите кои во изминатиот период избувнуваат низ државата, меѓу кои и вчерашниот во магацинот...
На Клиника задржана жителка на Трубарево, лекарска помош побарале и директорот на ЦУК, војник и полицаец
Во моментот на Клиниката за токсикологија е хоспитализирана една жителка на Трубарево, која живее во непосредна близина на магацинот за...
Анализа на вода, ограничување на ученици и мерење на загадувањето – Министерството за животна средина по пожарот во Трубарево
Министерството за животна средина и просторно планирање, во соработка со Институтот за јавно здравје, Кризниот штаб на Владата и Државниот...
Денес ќе бидат објавени резултатите од мерењата на воздухот, кажа Меџити прашан кога ќе се знае што дише населението
Министерот за животна средина и вицепремиер, Изет Меџити, на прес-конференција во Владата информира дека за следење на состојбата со воздухот...
Обвинителство чешла документи, Армијата мери токсини по пожарот во Трубарево, се чека и на резултатите од министерството на Меџити
Во врска со големиот пожар што зафати магацински објекти во селото Трубарево, Основното јавно обвинителство Скопје соопшти дека презеле дејствија...
МВР трага по лице кое се обидело да запали „ауди“ и „јагуар“ во Куманово, ги испрскало возилата со бензин, но кога го виделе побегнал
Маж од Долно Којнаре, кумановско, пријавил дека во неговиот двор едно лице со бензин ги испрскало возилата „јагуар” и „ауди”...
