Македонија
ФОРУМ и Free Time Guide Macedonia во ексклузивните продажни салони TOGETHER

Магазинот Форум и FTG Macedonia отсега можете да ги најдете на нови атрактивни локации, во продажните салони Together кои се лоцирани во по големите градови низ Република Македонија со 24/7 работно време.
Почнувајќи од март 2009 година, нашата компанија учествува во уникатниот концепт на продажните салони Together кои на купувачите им нудат единствена можност, на едно место да ги најдат сите производи од богатата понуда на TOBACCO, како и сите актуелни понуди на T- Mobile и T-Home за приватни и де ловни корисници. Од нејзиното формирање во 1990 г., па сèи до денес, компанијата TOBACCO внимателно го градеше својот бренд и успешно се позиционираше на македонскиот пазар во доменот на продажбата и услугите. Досега се отворени 10 (десет) салони во поголемите градови, а наскоро ќе бидат отворени и нови продажни салони во сите градови во Македонија, со 24- часовно работно време, секој ден во неделата. Ексклузивни партнери на продажните са лони Together се: T-Home, T-Mobile, НИД Форум плус, НЛБ Тутунска банка, Imperial Tobacco, Rovita Ronhill и Japan Tobacco. TOGETHER by TOBACCO
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Карпош и Кисела Вода денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 15.00 часот, дел од корисниците од улицата Бриселска, општина Карпош;
– во периодот од 09.35 до 12.00 часот, корисниците од улиците Студеничанска и Драчевска, како и корисниците од реонот кој гравитира кон улицата Јустинијан Први, општина Кисела Вода.
Македонија
Метеж на границите: се чека до 40 минути на Табановце за влез и на Богородица за излез од државата

Сообраќајот на државните патишта се одвива по суви коловози.
Денеска, во временски период од 08:00 – 17:00 часот поради обезбедување на велосипедска трка, сообраќајот на регионалниот пат во село Доброшане кон Свети Николе до место викано Студена Вода ќе биде во прекин, извести АМСМ.
Исто така во време од 09:00 часот до 14.00 часот поради обезбедување на велосипедска трка, сообраќајот на стариот пат за Крива Паланка на потег на место викано Салон кај ресторан Фемили па по регионалниот пат Куманово кон граничен премин Пелинце до Меморијален центар АСНОМ во село Пелинце ќе биде во прекин.
Повремено затворање на регионалниот пат Куманово – граничен премин Пелинце е планирано и за наредниот ден.
Интензитетот на сообраќај на патните правци надвор од градските средини е зголемен. На ГП Табановце за влез и ГП Богородица за излез од државата се бележи зголемена фреквенција на возила, времето на чекање е околу 30-40 минути. На останатите гранични премини од македонска страна, нема подолги задржувања за влез и излез од државата.
Македонија
Муцунски ќе се сретне со грчкиот министер за надворешни работи: зајакнување на односите меѓу двете земји во фокусот на разговорите

Министерот за надворешни работи и надворешна трговија, Тимчо Муцунски, денеска во 12:00 часот, во рамки на работната посета на Атина, ќе оствари средба со неговиот хомолог, министерот за надворешни работи на Грција, Јоргос Гераптеритис.
Како што извести Министерството, во фокусот на разговорите се очекува да бидат идните активности за зајакнување на односите и соработката меѓу двете земји, со акцент на економската и енергетската соработка и инфраструктурното поврзување.
Европската интеграција на регионот, како и актуелните геополитички случувања, исто така ќе бидат дел од темите за кои ќе се разговара, водени од заедничкиот интерес за зајакнување на регионалната стабилност и просперитет на двете земји како непосредни соседи и НАТО-сојузници, се додава во соопштението на Министерството.