Усвоен е Извештајот за напредокот на Македонија, а проблемот со името е ставен во втор план. Се препорачува визна либерализација и почеток на преговорите до крај на 2009

Комисијата за надворешни работи на Европскиот парламент со 55 гласови за, 5 против и 1 воздржан го усвола Извештајот на холандскиот европратеник Ерик Мејер, во кој се следи напредокот на Република Македонија во процесот на приближување кон Европската Унија.КСпоред инфорамциите од Стразбур, најважно е што е постигната согласност меѓу сите партии и коалиции од Европскиот парламент сите амандмани поврзани со спорот со името да бидат отфрлени и заменети само со еден амандман во кој се вели дека проблемот со името набрзо ќе се реши откако двете страни го прифатија предлогот на посредникот Метју Нимиц од 19 февруари како појдовен текст за преговори. Името, според Комисијата за надворешни работи на Европскиот парламент, во никој случај не смее да биде пречка за приемот на Македонија во меѓународните организации.Од Секторот за евронтергации при Владата на Република Македонија, посебно го потенцираат заклучокот бр.4 со кој Европскиот парламент препорачува визна либерализација за сите граѓани на Република Македонија уште оваа година, како и заклучокот бр.10 со кој Европскиот парламент препорачува да се одреди датум за почеток на преговори за членство во ЕУ до крајот на 2009 г.Европратениците сметаат дека многу работи се имаат променето во Македонија и дека се работи по точките за кои таа беше критикувана. Европарламентарците ја пофалиле Македонија за спроведувањето на Охридскиот договор, за направените законодавни реформи, за зголемената грижа за малцинствата, но забележале за дискриминацијата на Ромите.Меѓу критиките испратени на сметка на Македонија е договорот склучен со САД за изземање на американските граѓани од јурисдикцијата на Меѓународниот суд од Хаг, што е во спротивност со нормите на ЕУ.

Европскиот парламент ќе го гласа Извештајот за Македонија