Македонија
Вероучителите барат враќање на предметот во училиштата
Вероучители од исламска и православна вероисповест, денеска протестираа пред зградата на Уставниот суд, против укинувањето на веронауката во основните училишта
Околу илјада вероучители и граѓани се собраа пред згарадата на Уставниот суд во Скопје на мирен протест, против одлуката на судот за укинување на веронауката како предмет во основните училишта. Одлуката на Уставниот суд ги обедини припадниците на различни религии во земјава, во едно единствено барање за враќање на веронауката во училиштата.Граѓаните носеа пароли и транспаренти со кои му порачува на судот “Да им ја врати верата“, “Бог е еден“, а на дел од нив пишуваше “Ни ја укинаа верата“. “Со право денеска протестираме пред овој суд, за да го изразиме нашиот револт, истовремено и револтот на учениците и нивните родители, кои многу добро и радосно го прифатија овој предмет. Изненадени сме како во едно демократско општество, каде и верата е составен дел на општеството се уште имаме судии и судови, кои нивните одлуки ги донеуваат со стереотипи од комунистичкиот режим“, вели Хајдин Селиу, вероучител од исламска вероисповест.Според него, Утавниот суд, во врска со веронауката во основното образовани, треба да ги има прадвид искуството и практиката на европските држави, кои многу порано од нас го имаат решено ова прашање. Според него, со вакви одлуки на Уставниот суд, како намерно да сака Македонија да ја оддалечи од европските интеграции. Граѓаните и вероучителите велат дека веруваат во Бога и се надеваат дека одлуката на судот ќе биде повлечена. Наставниците по веронаука велат дека на учениците кои го учеле тој предмет седум месеци, сега треба да им објаснуваат зошто им е укинат. На часовите по веронаука се учи за основите на религијата, за симболите, за почитување на блиските свои, велат учителите. Протестот, според најавите, треба да продолжи по скопските улици, со цел да се повикаат граѓаните да им се придружат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.