Македонија
Проштално писмо од Нимиц до Црвенковски

По повод завршувањето на претседателскиот мантат на претседателот Бранко Црвенковски, медијаторот Метју Нимиц му испратил писмо во кое искажува благодарност и восхит, соопштуваат од кабинетот на претседателот
„По повод завршувањето на Вашиот претседателски мандат, дозволете да Ви ја искажам мојата благодарност за гостопримливоста што ми ја покажавте низ годините и мојот восхит за лидерската улога која ја одигравте во нашите дипломатски напори да реализираме едно сериозно прашање. Бевте силен и ефективен застапник за позициите во кои верувавте и по мое видување, низ изминатите години покажавте длабока посветеност за долготрајниот развој на вашиот народ, земја и регион. Знам дека ќе продолжите да играте важна улога во политичкиот живот на Вашата земја“, се вели во писмото на Нимиц.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).