Македонија
Норвешка ќе донира за АРМ

При посетата на министерот за одбрана Коњановски на Норвешка, во рамките на зајакнато партнерство во одбраната, домаќините најавија голема донација за Македонија. И Осло смета дека Македонија треба да биде дел од НАТО
Министерот за одбрана Зоран Коњановски на 27 и 28 мај беше во официјална посета на Кралството Норвешка, што е прва официјална посета на македонски министер за одбрана на оваа скандинавска држава. Како што информираат од министерството за одбрана, министерот Коњановски се сретнал со норвешката министерка за одбрана, Ане Грете Стром Ериксен, со која имале, како што се потенцира, исклучително плодни и. Коњановски се сретнал и со началникот на Генералштабот на Армијата на Кралството Норвешка, генерал Свер Дизен, како и со претседателот на Парламентарната комисија за одбрана, Јан Петерсен. Во текот на разговорите министрите за одбрана на Македонија и Норвешка разменија мислења околу процесот на натамошното проширување на НАТО, учеството во меѓународни операции, безбедносната ситуација во Регионот, одличната и сеопфатна билатерална соработка во областа на одбраната, а беа разгледани и можностите за нејзино идно дополнително јакнење. Во текот на средбата Ериксен потврдил дека Македонија е рамноправен и кредибилен партнер кој заслужува да биде дел од НАТО и ја истакна нејзината улога како исклучително важна за соработката, безбедноста и стабилноста на регионот. Норвешка е силен поддржувач на Република Македонија. Силната поддршка во делот на одбраната се потврдува преку богатата одбранбена соработка, поддршката во процесот на реформите во безбедносниот сектор, како и преку големиот број донации на Норвешка кон Македонија низ заедничките билатерални и регионални одбранбени проекти.Македонија и Норвешка од неодамна дополнително ја зајакнаа одбранбената соработка преку остварување конкретен заеднички ангажман во ИСАФ во Авганистан, и тоа во делот на воената медицина која е област на исклучително дефицитарен и ценет капацитет од страна на НАТО. По интензивна и исклучително посветена заложба на двете страни, Норвешка и Македонија станаа партнери во декларирањето значаен, заеднички воено медицински придонес во Авганистан, упатувајќи го првиот заеднички македонско-норвешки воено медицински хируршки тим во Авганистан во декември 2008 г. Во тек се подготовките за втората ротација на заеднички воено медицински тим кој во Авганистан ќе биде упатен веќе на 2 јуни годинава.Норвешката министерка за одбрана Ериксен го истакнала големото задоволство од досегашната соработка во Авганистан, нагласувајќи ја високата професионалност, посветеност и мотивираност на нашите воено медицински лица кои се целосно интегрирани во норвешкиот медицински тим. По нејзината неодамнешна посета на заедничкиот македонско-норвешки тим во Авганистан, министерката Ериксен го нагласи силниот впечаток дека се работи за заеднички ангажман на исклучително способни и подеднакво способни партнери кои покрај тоа се и одлични промотори на пријателството помеѓу двете земји.Силната одбранбена соработка меѓу Македонија и Норвешка конкретно во областа на воената медицина е плод на заедничкиот интерес и обврзаност за придонес кон оваа исклучително ценета област во рамките на Алијансата. Во рамките на евроинтегративните напори на Република Македонија, подигнувањето на нашите способности во делот на воената медицина до ниво на РОЛЕ 2 лесна маневарска болница е обврска која Македонија ја има прифатено согласно пакетот партнерски цели со временски рок за нејзино достигнување до 2013 г. Заедничкиот ангажман на Норвешка и Македонија во Авганистан е долгорочен проект кој дополнително ќе придонесе за јакнење на способностите на Македонија во делот на воената медицина, како и за нејзино афирмирање во рамноправен партнер на Норвешка, една од земјите основачки членки на НАТО Алијансата. По сеопфатната и исклучително плодна билатерална одбранбена соработка на Македонија и Норвешка, партнерството кое се потврдува и низ декларирање заеднички воено медицински придонес во Авганистан претставува исклучителен импулс во дополнителното јакнење на билатералните одбранбени односи и пријателските врски меѓу двете држави.Најавената норвешка донација на РОЛЕ 2 лесно маневарска болница, претставува исклучителен придонес кон градењето на способностите на Република Македонија во делот на воената медицина. Донацијата на болницата, која е исклучителна скапа и вредна инвестиција, има дополнителна вредност особено поради подготвеноста на норвешката страна истата да ја прецизира водејќи се од највисоките современи стандарди и обезбедувањето нејзина интероперативност. Овој чекор на Норвешка ќе придонесе и за јакнење на претстојните реформи на нашето воено здравство, кои заедно со севкупните напори во делот на одбраната имаат за цел Република Македонија да ја афирмираат како кредибилен и рамноправен партнер на НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Првиот ден од септември ќе биде сончев со мала облачност

Првиот ден од септември, како и неделата, ќе биде сончев со мала до умерена облачност и слаб до умерен ветер од северозападен правец, соопшти Управата за хидрометеоролошки работи (УХРМ).
Минималните утрински температури ќе се движат од 8°C во Маврово до 18°C во Гевгелија, додека максималните дневни ќе достигнат од 24°C до дури 34°C во Скопје.
Во главниот град утре се очекува сончево време со мала до умерена облачност. Температурата ќе се движи од 18°C во утринските часови до максимални 34°C во текот на денот.
Од вторник, метеоролозите најавуваат уште потопло време – сончево со мала до умерена локална облачност и температури кои ќе се движат од 30°C до 37°C.
Во среда пак ќе настапи промена – времето ќе биде променливо облачно, со слаб до умерен западен ветер. Попладне на повеќе места ќе има појава на пороен дожд и грмежи. Температурите ќе се движат меѓу 29°C и 36°C.
Македонија
Се врати во функција бројот 192 на МВР

Отстранети се техничките проблеми и повторно е во функција телефонскиот број 192, кој граѓаните на Скопје можат да го користат за било каква пријава или информација, информира Секторот за внатрешни работи Скопје.
За истата намена, како што велат, редовно функционира и телефонскиот број 112, како и телефонските броеви на полициските станици во населбите каде граѓаните живеат.
Македонија
Пожарот во Вардариште е под контрола, дел по дел Скопје добива струја

Пожарот во депонијата Вардариште е ставен под целосна контрола, информираат од Дирекцијата за заштита и спасување.
Поради големиот пожар повеќе населби во Скопје беа без електрична енергија, а од ДЗС информираат дека набргу дел по дел, ќе биде пуштена електричната енергија.