Македонија
Идеализмот наспроти крутиот реализам на Европа
ко идеалистите во Европа го менуваат својот дискурс (хегемонистичко мирољубив), се прашувам, пак, од каде таков оптимизам кај нашите политичари дека низ правото ќе ја добиеме правдата во спорот за името
Пишува: Проф. д-р Звонимир ЈАНКУЛОСКИ
Имам проблем да сфатам со какви аргументи им е потхранувам оптимизмот и на какви основи се положени нивните верувања во можноста да се оствари правдата во меѓународниот систем. Посебно ако се знае дека поимот правда во меѓународното право нема единствено значење, како меѓу теоретичарите, така и меѓу актерите во рамките на тој систем – државите.Република Македонија се обрати на Меѓународниот суд на правдата во Хаг во потрага по правда против Република Грција, поради прекршување на билатералната Привремена спогодба од 1995 г. Македонија ја тужи Грција дека го прекршила членот 11 кој не ì дозволува да ја блокира земјава во евроатлантските аспирации, доколку аплицира под времената референца за името. И дотука е сè во ред. Спорот за името што од осамостојувањето до денес се претвори во канцер на нашето меѓународно легитимирање, конечно треба да добие своја правна завршница. Она што верувам никој нормален меѓународен правник не може да го разбере е како еден ирационален спор можеше да предизвика такво ирационално однесување на организираната меѓународна заедница. Чудно е како еден, во својата суштина билатерален спор, можеше да биде трансфериран како меѓународен. Чудно како се успеа едно правно прашање да стане политичко. И, како меѓународната заедница го толерира сево ова, сиве овие години. Како успева да диџестира нешто што под сомневање го става целиот систем на меѓународното право и меѓународното организирање. Иако можеби во целиот овој виртуелно изнуден спор Македонија изгуби најмногу, сепак се покажа како корисен за да нè увери (не само нас) каква е всушност меѓународната политика. Да ја покаже разликата меѓу она што е и она што сака да се претставува. Тоа е како разликата меѓу фотографијата и насликаниот портрет. Фотографијата го покажува сето она што може да биде видено со голо око, додека насликаниот портрет не покажува сè што може да биде видено со голо око, но покажува нешто што окото не може да го види: изразот на лицето или човечката димензија на портретираното лице. Спорот за името ја разоткри, или ако сакате целосно ја разголи вистинската суштина на надворешната политика на земјите на европскиот континент. Следејќи го спорот со нашето уставно име (ако може да се нарече спор) се прашувам каде исчезна надворешнополитичкиот идеализам промовиран од политичарите и интелектуалците во Европа. Оној идеализам на чии основи е граден концептот на Европската Унија. Оној идеализам што како предизвик го имаше минимизирањето на конфликтите преку максимизирање на соработката меѓу државите. Оној што својот фокус во надворешната политика го стави на формалните правни аспекти на меѓународните односи и моралните прашања како што се човековите права Следејќи го македонскиот случај, имам проблем да го прифатам тврдењето на американскиот професор Јохн Ј. Меарсхеимер дека европската надворешна политика е триумф на идеализмот наспроти реализмот. Ако ова што ì се случува на Македонија треба да биде слика на современиот идеализам во Европа што ќе го менуваше светот, тогаш сериозно треба да се прашаме во која насока одат промените. Европските идеалисти се раководени од идејата да го менуваат светот на подобро трансформирајќи ја надворешната политика на начин што државите никогаш повеќе нема да мора да се грижат за силата и моќта како непроменлива детерминанта на безбедносниот натпревар во светот, креирајќи состојба на хармонија. Можеби кога размислуваат за светот во хармонија, размислуваат за својот ексклузивен европски клуб. Затоа за нив не е доволно да имаш подобри аргументи во меѓународен спор како нашиот: доволно е да го имаш оној добитниот. Очигледно ние го немаме. Грција го има – членството. Сè повеќе ми изгледа дека ние им стануваме товар на патот на хармонизацијата на односите во Европа. Камен околу вратот што ги влече надолу. За нивна голема жал, сè повеќе камења, а се помалку патишта. Ако идеалистите во Европа го менуваат својот дискурс (хегемонистичко мирољубив), се прашувам, пак, од каде таков оптимизам кај нашите политичари. Дека низ правото ќе ја добиеме правдата во спорот за името. Имам проблем да сфатам со какви аргументи им е потхранувам оптимизмот и на какви основи се положени нивните верувања во можноста да се оствари правдата во меѓународниот систем. Посебно ако се знае дека поимот правда во меѓународното право нема единствено значење. Како меѓу теоретичарите, така и меѓу актерите во рамките на тој систем – државите. Само како потсетување: доминантниот концепт на правдата во меѓународните односи е положен на учењето на реалистите во надворешната политика. Реалистите веруваат дека политичарите во меѓународните односи делуваат раководени од интересите дефинирани како моќ. Најчесто добрите намери во надворешната политика се обландиран интерес, ослободен од морални начела во постигнувањето на целта. Затоа и во анализите за функционирањето на Судот се нагласува неговата лимитирана моќ во извршување на своите одлуки од страна на државите што ги изгубиле споровите и индиферентноста на Советот за безбедност во одредувањето консеквенции поради ваквото нивно однесување. Кога се знае дека реалистите го гледаат светот онака каков што е, со можност за мали и незначителни модификации, тогаш не треба да нè изненадува однесувањето на меѓународната заедница во спорот за името на Република Македонија. Она што ме изненадува е нашиот идеализам во контекст на спорот. Особено кога европската надворешна политика го замени својот идеализам со крут реализам во случајот на Македонија. И не верувам дека тука ниту ние ниту Судот можеме многу да помогнеме.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Николоски: Струмица ќе ја поврземе со два експресни пата, едниот до Скопје и вториот од Коридор 10, преку Струмица до Коридор Струма во Бугарија
Потпретседателот на ВМРО-ДПМНЕ, Александар Николоски oд Струмица се осврна на двете најголеми инфраструктурни инвестиции, од кои едната е изградба на експресен пат, а другата е поврзувања на двата паневропски коридори. Тој исто така кажа дека по изборот на кандидатот за градоначалник од ВМРО-ДПМНЕ за локалните избори, Петар Јанков, општина Струмица ќе добие специјален финансиски пакет, дополнително од она што Владата го префрла во повиците за поддршка на локалните самоуправи. Според него, промените допрва доаѓаат во Струмица.
,,Денеска сме со активности во посета на општина Струмица. Веќе сме во финалето на изборната кампања, остануваат уште два дена. Се обидовме на искомуницираме со што повеќе луѓе, да допреме до што повеќе домови, да ја презентираме нашата програма и нашата визија која што значи економски препород на економијата, но исто така и бројни бројни инвестиции, кои што за жал не можеа да с реализираат во изминатиов период“, вели Николоски.
Николоски ги спомена двете најголеми инфраструктурни инвестиции, од кои едната е изградба на експресен пат, со што ќе се овозможи поврзување на општина Струмица со главниот град во земјава, додека втората е поврзување на двата паневропски коридори.
,,Тука се секако двете најкрупни инфраструктурни инвестиции, првата е изградба на експресен пат, кој што треба да оди од Радовиш до Струмица, како Струмица целосно би била поврзана со главниот град Скопје, или со експресен пат или со автопат. Втората е поврзување на двата паневропски коридори, Коридорот 10 во Македонија и Коридорот Струма во Бугарија, преку изградба на експресен пат кој што ќе оди од Смоквица, под Валандовско брдо, ќе излегува кај Кутлеш обиколница на Струмица, Ново Село на граница со Бугарија“, рече Николоски и додаде:
,,А, од другата страна, треба Бугарија да го заврши делот кој што оди од граница преку Петрич до поврзување со автопатот што ќе значи спој на двата автопати и едно огромна можност за целиот регион, имајќи предвид дека голем дел од транспортот е се насочи токму преку овој спој на двата коридори“.
Николоски се осврна и на општинските проекти, за кои кажа дека соработката помеѓу централната и локалната власт ќе биде на највисоко ниво, а и најави специјален финансиски пакет за проекти во општина Струмица, кое како што вели тој, ќе биде дополнително од редовните средства кои Владата предводена од ВМРО-ДПМНЕ ги префрла во повиците минатата и оваа година.
,,Тука се секако и општинските проекти, промените во државата што се случија минатата година. Во Струмица треба да се случат оваа година, после 1 година и 3 месеци да има конечно промени и во Струмица, и да конечно ВМРО-ДПМНЕ добие шанса да ја води општината и да го води Советот како би можеле да покажеме што можеме и како можеме. Соработката помеѓу централната и локалната власт ќе биде на највисоко ниво, и сакам еве да најавам, денес од тука од Струмица, дека спремаме специјален финансиски пакет за проекти во општина Струмица, кое што ќе е дополнително или екстра од она што се редовни средства, кои што Владата ги префрла во повиците кои што се случија минатата и оваа година. Така што, сите спремни, готови проекти, кои градоначалникот по изборот ќе може да ги понуди, ние сме спремни да ги финансираме, затоа што веќе имаме специјален пакет“, заклучи Николоски.
Македонија
Пет роденденски желби на кучето
Јавното претпријатие „Лајка“ го прославува петтиот роденден со повик за хуманост, одговорно сопствеништво и почит кон секое живо суштество.
Во пораката по повод јубилејот, од „Лајка“ велат дека за изминатите години ја трансформирале институцијата во пример за хуман, транспарентен и посветен систем, но дека вистинско решение за проблемот со бездомните кучиња може да се постигне само со строго законско регулирање на одговорното сопствеништво.
Во чест на роденденот, „Лајка“ ги сподели и „петте роденденски желби на кучето“ – секое куче да има свој дом, да нема гладни и заборавени животни, да се почитува вредноста на секој живот, општеството да решава, а не да убива, и да се верува во добрината.
Од претпријатието најавуваат роденденска дружба во бистро „Собрание“ под слоганот „Не ни требаат подароци, ни требаат луѓе. Луѓе кои ќе вдомат, ќе дојдат, ќе прегрнат, ќе го почувствуваат пулсот на хуманоста што ја градиме заедно“. Додаваат дека секое куче заслужува шанса, а општеството треба само „да биде човечно“.
Македонија
Импресивни откритија на неолитската населба Влахо во Пелагонија
Центарот за истражување на предисторијата и Завод и музеј – Битола ги завршија теренските истражувања на археолошкиот локалитет Влахо во Пелагонија, еден од најстарите неолитски локалитети во регионот и во Европа.
Истражувањето во западниот дел на населбата покажало дека ранонеолитските културни слоеви достигнуваат висина од 2,7 метри, што укажува на долготрајно и динамично живеење во периодот меѓу 6400 и 6000 година пред нашата ера. Во околу 70 стратиграфски слоеви биле откриени остатоци од 16 градби, земуници, огништа, печки, како и бројни предмети – садови, алатки, мелници и животински коски.
Посебно значење имаат добро сочуваните дрвени остатоци во најстарите слоеви, кои може да претставуваат едни од најстарите неолитски дрвени предмети откриени во Европа.
Во следната фаза ќе се спроведат радиокарбонски, археоботанички, зооархеолошки и дендрохронолошки анализи. Проектот е резултат на меѓународна соработка меѓу институции од Македонија, Германија, Србија и Швајцарија, со поддршка од Министерството за култура и туризам и Германскиот археолошки институт.
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
Хамас врати уште две тела на заложници, велат дека не може да ги пронајдат другите
Хамас вчера ги предаде останките на уште двајца заложници на Меѓународниот комитет на Црвениот крст, но соопшти дека во моментов...
Фон дер Лајен по посетата на Македонија: Топката е во Вашиот двор, ЕУ е подготвена
Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен...
Гаши – фон дер Лајен: Економска интеграција на единствениот европски пазар пред интеграција во ЕУ
Претседателот на Собранието, Африм Гаши, оствари средба со претседателката на Европската комисија, Урсула фон дер Лајен, која во рамките на...
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
Ѓорѓиевски вети бесплатен оброк за секој средношколец и наградни патувања во Европа за првенците на генерација
Кандидатот за градоначалник на Скопје од ВМРО-ДПМНЕ, Орце Ѓорѓиевски, денес ја претстави програмата за средношколците. Вети модерен, дигитален и еколошки...
Откриена царинска измама со додатоци на храна во висина од 622 илјади денари: стоката ја пријавувале во погрешна тарифна ознака со пониски царински давачки
Кривична пријава за сторено кривично дело „царинска измама“ со увози на додатоци за исхрана е поднесена за увозник, шпедиции и...
