Македонија
Во Скопје повеќе пријавени средношколци, во Тетово и Куманово послаб интерес

Според податоците од Министерството за образование и наука, првиот приемен ден на документи од првиот уписен рок во јавните средни училишта во Република Македонија минал со голем интерес кај учениците во Скопје, додека во Тетово и Куманово инетрес пројавиле помалку матуранти од предвидените места
До 14 часот во средата, во гимназијата „Орце Николов“ во Скопје се пријавиле 286 ученици за 285 слободни места. Во скопската гимназија „Раде Јовчевски – Корчагин“, каде има 256 слободни места, регистрирани се 230 пријави, а во гимназијата „Јосип Броз Тито“ за 305 слободни места се пријавиле 319 полуматуранти.Исто така, забележан е голем интерес за упис во Средното медицинско училиште во Скопје, каде што на првиот приемен ден аплицирале 308 ученици за 170 слободни места. Во скопската гимназија „Ѓорѓи Димитров“ примени се 258 пријави за 204 слободни места, додека во средното економско училиште во Скопје, „Васил Антевски Дрен“, 450 пријави за 476 слободни места.Во гимназијата „Јосип Броз Тито“ во Битола слободни места има за 204 ученици за коишто се пријавиле 220 полуматуранти, а во средното училиште “Јане Сандански“ во Струмица има 352 слободни места за кои што до 14 часот аплицирале 331 ученик. Во охридската гимназија „Св. Климент Охридски“ примени се 316 пријави за 442 слободни места. Во гимназијата „Кирил Пејчиновиќ“ во Тетово се пријавиле 550 ученици за 806 слободни места на албански наставен јазик, додека 80 полуматурнати за 102 слободни места. Во гимназијата „Гоце Делчев“ во Куманово аплицирале 266 ученици за 360 слободни места и 304 ученици за 408 слободни места на албански наставен јазик. Во училиштата каде што има поголем број пријавени ученици отколку што има слободни места, ќе се врши квалификациско тестирање за предметите значајни за струката. Тестирањето ќе се одржи на 24 јуни, а резултатите ќе бидат објавени следниот ден.Второто пријавување во првиот уписен рок е на 29 и 30 јуни, а резултатите ќе бидат објавени на 1 јули.Вториот уписен рок во средните училишта е закажан за 19 август, а на 20 август училиштата треба да ги објават резултатите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Анеглов: Пожарот на Готен не може да загрози ниту едно село

На територијата на целата земја денеска има шест активни пожари, а најтешкиот и најспецифичен е пожарот на планината Готен, на тромеѓието помеѓу општините Василево, Берово и Радовиш. Директорот на Дирекцијата за заштита и спасување Стојанче Ангелов во попладневната изјава за медиумите потенцира дека и покрај специфичноста, пожарот не може да загрози ниту едно село.
– Денеска досега се забележани повеќе од 12 пожари на отворен простор. Од нив шест се активни, останатите се изгаснати. Од овие шест имаме неколку кои се исклучително тешки за гаснење. Најтешкиот, најспецифичниот пожар е пожарот кој се одвива на планината Готен, на тромеѓето помеѓу општините Василево, Берово и Радовиш. Овој пожар создаде одредена вознемиреност кај населението но, категорично тврдам дека не може да загрози ниту едно село. Од страната на Радовиш, пожарот полека се спушта, се движи споро, во зависност од насоката на ветерот кој релативно често дува на ова подрачје, изјави попладнево директорот на Дирекцијата за заштита и спасување Стојанче Ангелов.
Рано утрово таму подолго време дејствувал еден полициски хелихоптер, но без некои значајни резултати.
– На лице имаме повеќе од 150 луѓе почнувајќи од локалните пожарникари со поддршка на соседните ТППЕ, повеќе екипи на Национални шуми и локално население. Исто така овде на терен се седум пинцагуери и тоа од страната на Радовиш. Останатите се од беровската страна, рече Ангелов.
Поради тешко пристапниот терен фокусот на екипите, како што вели Ангелов, е ставен на пресретнување на овој тежок за гаснење пожар на шумските патишта кој што се протегаат низ оваа планина.
– Веќе неколку дена таму работат булдожери кои го чистат патот, го прошируваат за пожарот кој кога ќе дојде кај нив да не може да помине на другата страна.
Тежок пожар, како што вели Анеглов, има и кај Желино кој постојано се става под контрола, се гасне, но повторно се пали.
– Се поставува прашање, кој е оној кој упорно го потпалува пожарот на територијата на Општина Желино кој денеска се движи во насока на Еребино. Денеска таму дејствува еден Ер Трактор на дирекцијата за заштита и спасување, а упатен е и еден Хермелин и еден БТР на ДЗС, кој што треба да дејствуваат доколку огнот тргне кон Еребино или кон некое од блиските села. На лице место е тетовската ТППЕ поддржана со екипи на Национални шуми, но и локално население, потенцира Ангелов.
Третиот пожар е на територијата на Македонски Брод и врз него се дејствува со еден Ер Трактор и со локални сили од земја. Исто така во текот на ноќта изби еден пожар и помеѓу опоштините Кавадарци и Прилеп, и уште едена активен пожар има на територијата на Мариово. На овие пожари дејствуваат локалните пожарникари со поддршка на соседните ТППЕ.
-Нашата цел е да не дозволиме ширење на овие тешки за гаснење пожари бидејќи температурата на воздухот е исклучително висока. Дува слаб ветер којшто дополнително помага за брзо ширење на огнот, но високата температура којашто кај нас е околу 40-от и над 40-от степен дополнително го усложнува гаснењето на овие пожари, вели Ангелов.
Потсетува на најавата на УХМР дека во текот на утрешниот ден се очекуваат поројни врнежи на целата територија на државата. – Се надеваме дека некои од овие локални врнежи ќе паднат на подрачјата на овие тешки за гаснење пожари, изјави директорот на ДЗС.
Македонија
За да помине граница преку ред, на полицајците од ФРОНТЕКС им кажал дека е дипломат, а на нашите полицајци им рекол дека им е колега, уапсени двајца скопјани на Табановце

Вчера на Граничниот премин „Табановце“, на влез во државата, полицијата ги упаси С.С. (59) и Б.А. (55), двајцата од Скопје поради сомневање за алсиикување исправа.
„Во обид да влезат со приоритет, С.С., кој го управувал возилото ’голф’ со скопски регистарски таблички, во кое се превезувале, на полициските службеници од ФРОНТЕКС им рекол дека е дипломат, приложувајќи патна исправа наводно издадена од Европски полициски комитет, а на македонските полициски службеници им рекол дека е вработен во МВР, но не ја носел службената легитимација. При дополнителна контрола на лицето и возилото биле пронајдени патни исправи, една биометриска страна за патна исправа, два пластични печати, четири лични карти и други предмети. Поради основано сомнение за сторено кривично дело „фалсификување исправа“ по чл.378 од КЗ, пронајдените предмети се одземени, а лицата лишени од слобода“, соопшти МВР.
Против двете лица ќе бидат поднесени соодветни ријави по расчистување на случајот.
Македонија
Овој ден буди тага, но ќе се памети и по човечноста и хуманоста, Град Скопје оддаде почит на жертвите од земјотресот

Делегација на Град Скопје предводена од градоначалничката Данела Арсовска, оддаде почит на жртвите од катастрофалниот земјотрес кој пред 62 години главниот град го остави во урнатини. Скопје се сеќава на 26 јули 1963 година, ден кој засекогаш го промени ликот на градот, трагедија која одзеде над илјада животи.
„Овој ден буди чувство на тага, но секогаш ќе се памети и по човечноста и хуманоста на сите кои помогнаа во најтешките моменти“, велат од Град Скопје.
Во рамки на одбележувањето 62 години од земјотресот, вечерва во 20:00 часот во Музејот на Град Скопје ќе биде отворена изложбата „Скопје за време на земјотресот и потоа“.