Македонија
Колку Македонија навистина троши метадон?

По вчера одржаната прес-конференција и по објавените информации за метадонската терапија во Македонија, Бирото за лекови ја презентираше статистиката од која произлегува дека кај нас метадонот се произведува многу повеќе отколку што се троши
Според реакциите на Бирото за лекови и нивната статистика којашто ја поседуваат како државна институција, информираат дека Македонија не троши метадон колку половина Балкан, туку дека толку во количества се произведува, па дури и нешто повеќе.„Веруваме дека секогаш државните институции редовно ќе се држат до статистиката со која располагаат, но сепак веруваме дека ситуацијата е далеку поцрвена (во знак на алармантна), да не речам розова или сива“, вели Стефче Дечев, извршен директор на Марита. Притоа тој го поставува прашањето, дека доколку во Македонија се произведува метадон повеќе одошто се троши, тогаш зошто има огромни листи од лица кои чекаат да бидат запишани на истите терапии и зошто некои лица дури, како што вели, умираат чекајќи да бидат ставени на тие листи? Едно од главните прашања што Марита ги поставува е всушност зошто во државата се троши еден од најскапите метадони?„Со затскривањето зад некоја статистика веруваме дека уште еднаш ќе се избегне да се одговори или направи нешто покрај метадонската терапија и да се овозможи во Македонија имплементација на успешни програми кои даваат резултати во светски рамки.“, реплицира Дечев на тврдењето на Бирото за лекови кое се однесуваше на податоците од вчерашната прес-конференција на Марита. „Со спорење околу статистиката уште еднаш нема да се одговори на прашањето зошто метадонската терапија кај нас се користи како терапија наместо за 21 ден – колку што временски е предвидено да се користи за отстранување на физичката криза (не и на психичката) туку се користи по пет до десет години. И едноставно кажано луѓето што се ставаат на истата терапија наместо да им се помогне во лечењето на зависноста, тие заглавуваат на метадон метадонот според низа експерти и лица кои биле на метадон е полош и појак од хероинот“, додава Дечев.Организацијата Марита вечра одржа прес-конференција по повод денешиот ден – 26 јуни, Светскиот ден за борба против злоупотреба и трговија со дрога. Извршниот директор на фондацијата Стефче Дечев изјави дека организацијата Марита во Македонија не е доволно поддржана од институциите, но и од невладините организации. Тој информираше дека на организацијата во Македонија досега пет пати по ред и било одбиено барањето за продолжување на дозволата за работа, а од февруари 2009 г. програмата за превенција од дрога е ставена во целосно мирување. Дечев направи споредба со Норвешка, каде, како што рече, има сто програми за превенција од дрога. Во Македонија старосната граница на регистрирани зависници од дрога постојано се намалува и сега таа изнесува 12 години, а според македонските невладини организации бројката на наркозависници во 2008 г. изнесувала и до 30 илјади, а денес тој број е зголемен, предупредија од Марита. Главната дејност на Марита во Македонија е во училиштата и младинските центри каде што едукаторите држат предавања на младите луѓе да не влегуваат во светот на дрогата. Едукаторите се поранешни зависници кои успешно се излекувале од зависноста. Според анализите направени во Македонија, нашата држава троши повеќе метадон од Србија, Албанија и Босна. Само во 2007 г. Македонија потрошила 75 илјада грама. Марита во Норвешка веќе 25 години за занимава со превенција и едукација на младите луѓе, во постојаната борба со дрогата која зазема се поголем замав.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
УЈП со повик за исполнување на ДДВ обврските: евидентирана е загрижувачка состојба

Управата за јавни приходи информира дека заклучно со 25 јули 2025 година евидентирана е загрижувачка состојба во однос на исполнувањето на обврските поврзани со данокот на додадена вредност (ДДВ).
„Според последните податоци: не се поднесени ДДВ-пријави од 142 месечни и 2.134 тримесечни обврзници. Пријавен, но неплатен ДДВ-долг е евидентиран кај 1.326 месечни и 7.748 тримесечни обврзници.
Директорката на Управата за јавни приходи, Елена Петрова, со порака: „Непочитувањето на законскиот рок е сериозен прекршок. Сите обврзници кои не поднеле ДДВ-пријава или не го платиле ДДВ-долгот се повикуваат итно да постапат согласно законските прописи. Даночната дисциплина не е избор, туку законска обврска и одговорност на секој граѓанин и компанија, темел за функционална држава.“
Управата за јавни приходи, како што додаваат во информацијата, веќе доставила персонализирани известувања до сите ДДВ-обврзници кои имаат пријавен, а ненаплатен долг за соодветниот даночен период.
„Преку координирано постапување и интензивна комуникација со даночните обврзници и со сметководителите, се спроведува целосен сет активности и мерки — со цел да се избегнат блокади на сметки и дополнителни трошоци за присилна наплата. За секој ден на задоцнување, се пресметува камата во износ од 0,03% од преостанатиот долг. По доставата на опомените, управата ќе пристапи кон присилна наплата кај сите обврзници кои нема да го подмират долгот доброволно. Со цел навремено информирање и исполнување на обврските, како и обезбедување солидна даночна историја, УЈП останува во постојана комуникација со сите релевантни страни“.
Македонија
Владата донесе одлука за промена на таблиците на службените возила и отворање на конзулат во Корча

Владата на денешната 97 седница донесе одлука сите државни институции да ги променат регистарските таблици на службените возила со новите таблици со боја најдоцна до 15 септември 2025 година. Оваа одлука е во насока на уште едно реализирано ветување пред граѓаните со цел поголема отчетност, транспарентност и ставање крај на злоупотребите кои со биле пракса во минатото, соопшти владината служба.
Дополнително, Владата на предлог на Министерството за надворешни работи и надворешна трговија донесе одлука за отворање на генерален конзулат во Корча со јурисдикција во целиот регион. „Граѓаните мора да имаат брз и ефикасен сервис и услуги, поддршка за културни, образовни и економски врски.
Владата продолжува со конкретни мерки и политики кои имаат за цел да ја потврдат вистинската грижа за подобрување на стандардот и враќање на довербата на граѓаните во институциите“.
Македонија
Со запален факел се обидел да подметне пожар во Струмица: под истрага едно лице за загрозување на општата сигурност

Јавен обвинител од Основното јавно обвинителство Струмица донесе Наредба за спроведување истражна постапка против едно лице за обид да изврши – Тешки дела против општата сигурност од член 292 став 1 во врска со член 288 став 1 од Кривичниот законик.
Осомничениот вчера попладне, преку една социјална мрежа, се заканил на лице од Струмица дека ќе му ја запали викендицата, а потоа се обидел заканите да ги реализира.
На локацијата брана Водоча се обидел да подметне пожар и да предизвика поголема имотна штета. Со запален факел од хартија и текстил ги запалил гредите на натстрешницата, кои започнале да чадат и да горат. Со тоа предизвикал ризик од пожар не само на објектот, туку и на повеќе други викенд-куќи и на нискостеблеста и високостеблеста вегетација во непосредна близина.
Поради опасност од бегство и можност да го повтори односно да го доврши делото, јавниот обвинител до судијата на претходна постапка достави предлог за определување мерка притвор.