Македонија
Клучката кај Континентал ќе се одводнува со нов колектор
![](https://makfax.com.mk/wp-content/uploads/2016/11/1d85ecf4-0a22-4ada-837e-81ba85d44337-1.jpeg)
Со магистрален атмосферски колектор од клучката кај хотелот Континентал преку населбата Ќерамидница до коритото на реката Вардар ќе се решава проблемот со водата што се собира при обилни дождови
За целосно и квалитетно решение за проблемот на сливањето на атмосферските води кај клучката кај хотелот Континентал Град Скопје планира да започне изградба на магистрален атмосферски колектор од клучката до реката Врадар кон крајот на оваа година или почетокот на следната. Градот се одлучи за вакво решение по добивањето на заклучоците од Комисијата за утврдување на состојбата за одводнување на атмосферските води при поплавување на дел од клучката за време на временски непогоди. Врз основа на приложената документација за изведба на атмосферска канализација и изјавата на надзорниот орган и надзорот од ЈП Водовод и канализација, Комисијата констатирала дека изведената канализација е во согласност со проектната документација, соопштуваат од Град Скопје. Констатирано е дека целокупниот систем на примарната и секундарната атмосферска мрежа во поширокиот простор околу клучката кај Континентал, при дождови со нормален интензитет ја задоволува функцијата, нопри зголемен интензитет не може да ја изврши функцијата бидејќи колекторот или дел од колекторот за атмосферски води во поширокиот регион не е целосно завршен. Комисијата го задолжи ЈП Водовод и канализација во соработка со надлежните служби од Град Скопје да изврши внатрешно снимање на колекторскиот систем во склоп на клучката, за да се провери нивната функционалност. Екипа на Градот Скопје и ЈП Водвод и канализација излезе на терен за да ја утврди вистинската состојба на трасата на која треба да се гради новиот колектор, соопштуваат од Град Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
СДСМ: ВМРО-ДПМНЕ го враќа градоначалникот Коце Трајановски кој го спроведе најголемиот градежен криминал во историјата на земјата
![](https://makfax.com.mk/wp-content/uploads/2024/03/sdsm4.jpg)
По неколку владини одлуки и шака нови функционери ВМРО-ДПМНЕ го фаќа правецот назад, кон 2016 година, велат од СДСМ.
„Јавното претпријатие за државни патишта со буџет од над 600 милиони евра ВМРО-ДПМНЕ му го довери на Коце Трајановски. ВМРО-ДПМНЕ го враќа градоначалникот кој го спроведе најголемиот градежен криминал во историјата на земјата, проектот Скопје 2014, му се даваат 600 милиони евра во рацете и моќ да раководи со најголемите инфраструктурни и градежни проекти. Во исто време, Коце Трајановски е косопственик и управител на фирмата Косистеми ДОО чија дејност опфаќа и градежништво. Ова е најава за огромна корупција која се подготвува во ова претпријатие“, дополнуваат од СДСМ.
Според партијата, ова не е промена туку правец назад.
„ Граѓаните не гласаа за враќање назад туку за промена која воопшто не се случува и тешко дека ќе се случи“, завршуваат од СДСМ.
Скопје
Без вода дел од Карпош
![](https://makfax.com.mk/wp-content/uploads/2022/10/slavina-cesma-voda-2.jpg)
Од ЈП Водовод и канализација известуваат дека на ул.Ловќенска 33 поради санирање на прикључна цевка од 5/4” водоснабдувањето ке биде прекинато од 08часот се до санирање на истиот , поради што без вода ќе останат корисниците од ул.Ловќенска.(општина Карпош)
Македонија
Променливо облачно време со сончеви периоди, максимална темепратура до 30 степени
![](https://makfax.com.mk/wp-content/uploads/2017/05/oblak-redok.jpg)
Променливо облачно и посвежо во западните и крајните источни делови со локален пороен дожд и ретки грмежи. Ќе дува слаб до умерен, а долж Повардарието повремено засилен ветер од северен правец. Минималната температура ќе биде во интервал од 10 до 17, а максималната ќе достигне од 24 до 31 степен. UV=7
Во Скопје променливо облачно со сончеви периоди. Ќе дува умерен северен ветер. Минималната температура ќе се спушти до 16, а максималната ќе достигне до 30 степени.
Од петок следува период на сончево време со мала до умерена локална облачност. Дневната температура ќе биде во пораст, а особено топло ќе биде во недела и во првите денови од следната седмица.