Министрите на ДУИ во Владата најверојатно ќе бидат променети, но само кога за тоа ќе одлучат партиските органи и лидерот Али Ахмети, информираше денеска пратеникот Џевад Адеми. Тој потврди дека биле запознаени со смените во владиниот состав од страна на ВМРО-ДПМНЕ и дека истите ќе ги поддржат

„ДУИ своите ставови ги носи независно. Нема да има сменети министри на ДУИ затоа што ние во партијата се уште не сме ја заокружиле конечната анлиза на сработеното. Ние го почитуваме ставот на премиерот и претседателот на ВМРО-ДПМНЕ за смените. Тоа е нивен внатрепартиски проблем и тоа ќе го поддржиме. За смените во ДУИ ќе разберете после одлуките на статутарните органи т.е. на Цнетралното претседателство и Генералното собрание“, изјави Адеми за тоа каков е ставот на владиниот коалиционен партнер околу вчерашните оставки и разрешување на министрите за земјоделие, за образование и за финансии.Тој не сакаше да презцизира кога партиските органи ќе заседаваат и дека тоа всушност била одлука која ја носел претседателот Ахмети. Инаку, првичните оценки на партијата од министрите на ДУИ е дека тие работат добро. Адеми во тоа не гледа дека министрите на ДУИ одговараат само пред партија, напротив потврдува дека тие одговараат и пред Премиерот.„Се разбира дека одговараат. Тоа е колаициона влада помеѓу ДУИ и ВМРО-ДПМНЕ. Со ништо прмеиерот не најавил дека е незадоволен“, рече Адеми.На прашање дали ако премиерот побара смена на некој од нивните министри тоа и ќе се почитува, Адеми одговара:„Такво нешто нема барано, а хипотетичките ситуации не ги коментираме“.Пратеникот на ДУИ во оставките на Ацо Спасеновски и Перо Стојановски гледа субјективен чин, додека, пак, партијата на Ахмети нема став за разрешувањето на Трајко Славевски. Адеми инфромираше дека биле запознаени со намерите за кадровски промени во Владата, како и за новите ршеенија.„Бевме информирани во сите фази на донесувањето на ваквите одлуки. Штом ние ќе ги поддржиме новите решенија, значи дека разговори имало, а за деталите знаат само Груевски и Ахмети“, рече Адеми.