Финансиската помош од 1,61 милион евра за креирање средина за воведување на енергетска ефикасност во градежниот сектор во Македонија ја донираше Австрија и таа е неповрата

Како што беше вечра најавено, во петок во Владата беше потпишан договорот за грант што го донира Австрија. Од макеодснак страна договорот го потпиша, министерот за економија, Фатмир Бесими и а од австриска, шефот на Канцеларијата за техничка соработка, Хајнц Хабертоер. Грантот е даден за реализација на програмата за енергетска ефикасност во градежниот сектор, односно изградба на згради, во периодот од 2009-2012 г. Министерот Бесими потсети дека потрошувачката на струја во Македонија е речиси четири пати погоелам  по единица БДП споредно со другите европски развиени земји.„Тоа значи дека може многу да се направи за да енергијата се троши  порационално, што ќе биде од голема корист како од енергетски и финансиски аспект, така и од поглед на заштита на животната средина“, дообјасни Бесими. Хабертоер информираше дека донацијата е за поддршка на Македонската агенција за енергетика во нејзините напори за намалување на потрошувачката на енергијата во станбени и јавни згради. Според него, треба да се постигне преку создавање на законски рамковни услуги за енергетска ефикасност во згради, кампањи за подигнување на свеста, студиски посети, тренинг и пилот проекти.Тој додаде дека донацијата претставува важен придонес за подобрување на енергетска ефикасност во Македонија и истовремено означуваат важен чекор кон исполнување кон барањата на Европската унија.Во делот на грантот со финансиски средства од 110 илади учествува и Швајцарија, а за да се реализира целиот проект македонското министерство за економија ќе учествува со 115 илјади евра.На меѓународно ниво потрошувачката на енергија во станбени објекти, деловни и административни згради, во што спаѓа енергија за греење, климатизација, осветлување, топла вода и вентилација изнесува 40 отсто од вкупната потрошувачка. Другиот дел е поделен по 30 отсто на индустрискиот сектор и на транспортниот сектор. Во  Република Македонија 29 отсто од енергијата се употребува во домаќинствата, а 13 отсто во јавните објекти.