Грчката шефица на дипломатијата Дора Бакојани синоќа ја коментираше изјавата на премиерoт Никола Груевски во која тој инсистира на „двојната формула“ за надминување на проблемот околу разликите со името со Грција што ги оптоварува билатералните односи помеѓу државите.

„Оваа изјава покажува дека Груевски не ја сфатил пораката на меѓународната заендица, којашто е јасна и единствена: за доброто на евроатлантскиот курс на неговата држава и неговиот народ е дека мора да се изнајде заедничко прифатливо решение, сложено име со географска одредница, кое ќе важи ерга омнес т.е. за сите“, вели Бакојани во писмено соопштение од нејзиното минитерство како реакција на изјавата на Груевски.Премиерот вчера во интервју за неделникот Форум и порталот www.forum.com.mk рече дека двојната формула е природна позиција на Македонија во спорот и дека таа е условена од однесувањето на Грција во преговорите која инсистира на тоа да се промени уставното име на државата со името Република Северна Македонија и тоа за севкупно надворешно и внатрешно користење и со целосно исчезнување.„Грција бара бришење на името Република Македонија, со промена на Уставот, личните документи, а по однос на идентитетот нема подготвеност за признавање на македонската нација и јазик, ниту расположение да се разговара за тоа. Во една таква ситуација, логична наша позиција е природната позиција – двојната формула, со која и’ нудиме на Грција, во комуникацијата со нив да договориме друго име, а со сите други да важи уставното име“, вели Груевски во интервјуто.Инаку, тој признава дека има притисок од дел од меѓународната заедница во правец да се прифати се’ што треба и што се бара, со цел да се затвори спорот. И покрај тоа, Груевски вели дека Македонија останува во преговорите што се водат под покровителство на Обединетите нации.„Да, остануваме. Ние сакаме да дојдеме до решение на овој проблем. Тоа е државен интерес на Македонија. Сакаме да станеме членки на НАТО и на ЕУ, и не сакаме да бидеме блокирани. Не сакаме да имаме проблем со јужниот сосед“, вели Груевкси во интервјуто што во целост ќе биде објавено во неделникот Форум на 7 август.