Македонија
Делегација на ВМРО-ДПМНЕ во посета на семејството на Тарчуловски
Јохан Тарчуловски направил многу за Македонија, а неговата порака е дека ќе направи уште толку. Ако треба ќе остане во Хаг уште сто години, но никогаш нема да биде против својот народ и држава, вели неговата сопруга Соња Тарчуловска
„Денеска е ден кога оддаваме почит на сите оние коишто во 2001 година го дадоа својот живот на браникот на Република Македонија, но и се присетуваме на сите они кои се живи и кои со својот личен пример застанаа бранејќи ги националните и државните интереси на Република Македонија. Еден од нив е и нашиот жив херој, Јохан Тарчуловски, човекот којшто покажа дека Република Македонија му е пред сите свои идеали во животот, пред семејството, пред кариерата и сите останати работи. Денеска ние како ВМРО-ДПМНЕ сме овде кај семејството на Јохан Тарчуловски, уште еднаш да ја изразиме нашата поддршка во неговата борба за докажување на неговата невиност во којашто ние сите сме убедени“, рече Александар Бичиклиски пред посетата.Соња Тарчуловска ги поздрави и ја искажа поддршката на фамилиите на починатите во конфликтот од 2001 година.„Со останувањето на Јохан во Хаг, Македонија се уште има да докажува што било и како било. Сето тоа, јас мислам дека ќе се заврши до крајот на оваа година или евентуано на почетокот на наредната година“, рече Тарчуловска.Запрашана од новинарите дали Љубе Бошкоски, кој беше заедно со Тарчуловски одведен во Хаг и потоа ослободен, ја посетил, Тарчуловска речде дека ниту ја посетил, ниту и’ се јавил.„Јас не му посакувам ништо лошо нему, но морам да кажам дека не даде ниту морална поддршка, ниту респект ни почит кон она што го направи Јохан за него. Затоа што, на самото излегување, после пресудата, нивното поздравување и гушкање беше ќе ги чувам твоите деца исто како своите. Ниту има дојдено, ниту ми се има јавено. А јас не сакам да ме види мене, јас мислам дека има должност кон Јохан да ги види неговите деца“, вели Тарчуловска.Од средбите со својот сопруг во Хаг, Тарчуловска пренесува дека тој за Македонија направил многу и кога и да треба пак ќе направи.„Си го сака својот идентитет, својата држава, својот народ и единствено нешто што порачува од таму, ако треба уште сто години ќе остане таму, ама никогаш нема да биде против својот народ, како прво, и против својата држава“, вели Тарчуловска.Според неа, сите знаат зошто нејзиниот сопруг е во Хаг, а не покрај неа и децата, а тие што се подобро „запознаени подобро знаат, зошто е таму, зошто не треба да биде таму и знаат кој го однесе таму“, вели Тарчуловска.
Таа уште еднаш изрази длабоко сочувство со фамилиите на починатите, им упати поддршка да издржат во се’ и очекува правдината да се докаже. Тарчуловска им се заблагодари на сите македонските граѓани што даваат поддршка на нејзиното семејство, на медиумите и на премиерот Никола Груевски, што уште кога го однесле Тарчуловски им давал комплетна поддршка.Делегација на ВМРО-ДПМНЕ предводена од Александар Бичиклиски, Стојче Крстевски и Билјана Бришкоска–Бошковска, денеска го посети домот на Јохан Тарчуловски, за уште еднаш да ја искажат поддршка од партијата на власт. Јохан Тарчуловски е во Хаг од 2004 година кога беше уапсен и обвинет дека водел полициска единица која извршила 10 убиства на жители на Љуботен и за сурово постапување кон цивили. Лани беше осуден на 12 години затвор, додека Љубе Бошкоски, кој заедно со него беше во Хаг, како министер кој имал директно моќ на команда и контрола врз полициските сили и знаел или имал причина да знае за злосторствата во Љуботен и дека можел да ги спречи или да ги казни виновниците, лани беше ослободен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.