Македонија
Грција да не ја блокира Македонија за ЕУ, бараат од Европската академија и на „Атлантската заедница“

Македонија направи голем прогрес и тоа е поздравено од ЕУ, а визната либерализација е конкретен чекор што ја покажува зголемената доверба во земјата, оценуваат првите луѓе на Европската академија во Берлин Екарт Стратеншулте и на тинк-тенк организацијата „Атлантска заедница“ Јоханес Бонел
Тие во Берлин на претседателот Ѓорге Иванов му го предадоа меморандумот испратен до членките на ЕУ во кој се изразува поддршка за евроинтеграцијата на Македонија и другите земји од Западен Балкан. Како што јави известувачот на МИА, во документот се бара билатералните спорови како оние меѓу Македонија и Грција, и Словенија и Хрватска, да не се користат за блокирање на зачленувањето на земјите кандидадти во ЕУ, и да се најдат инструменти за санкционирање на таквото однесување.
„За жал постојат билатерални проблеми кои не ги разбирам, но мислам дека Македонија е на добар пат, а тоа го гледа и ЕУ. Таа е земја кандидат и само прашање на време е кога ќе ги почне преговорите за членство“, вели директорот на берлинската Европска академија Стратеншулте.
Сепак, укажува дека моментната ситуација во ЕУ е сложена – Лисабонскиот договор не е ратификуван, претстои повторниот референдум во Ирска, а истекува и мандатот на ЕК. Тој очекува тие прашања годинава да се разрешат и од наредната година Унијата да им се посвети и на другите приоритети, меѓу кои и проширувањето.
Претседателот на Атланската заедница Бомел, пак, смета дека ЕУ треба да си ги исполни ветувањата кон Македонија и нејзината иднина.
„Македонија има право да биде дел од ЕУ и има силни аргументи со кои го потврдува тоа,“ вели Бомел.
Во меморандумот испратен до членките на ЕУ, меѓу другото, се истакнува дека јасната европска перспектива за Македонија и за Хрватска ќе придонесе за трајно стабилизирање на Балканот и ширење на зоната на мир. Непочитувањето на таквиот принцип може да ги загрози постигнувањата на Унијата и да го врати регионот во нестабилност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Вицепремиерот Николоски во Будимпешта на прослава на Националниот ден на Унгарија

Вицепремиерот Александар Николоски на покана на премиерот на Унгарија, Виктор Орбан, присуствува на Националниот ден кој се слави во чест на Свети Стефан основачот на унгарската држава и христијанството во Унгарија.
Покрај учеството на прославата на националниот ден, предвидени се повеќе средби со високи претставници на владата на Унгарија, неколку министри и потенцијални инвестиции. На средбите е предвидено да се разговара за динамиката на проектите во Македонија како и за идната засилена економска соработка помеѓу двете држави.
Посетата на вицепремиерот е уште една потврда за одличното пријателство и соработката помеѓу Македонија и Унгарија, се додава во соопштението на Министерството за транспорт.
Македонија
СДСМ: Кај Мицкоски се гледа паника од растечкото незадоволство кај граѓаните

„Изјавите на Мицкоски за „успешна влада“ и „реформи“ не се ништо друго освен обид да се прикрие растечкиот страв од падот на рејтингот и гневот кој се акумулира кај граѓаните поради неспособноста и хаосот што оваа власт го создаде. Смета ли Мицкоски навистина дека граѓаните не гледаат што се случува“, прашуваат од СДСМ.
„Дека ќе поверуваат дека нема корупција, додека институциите се претвораат во партиски испостави? Дека ќе поверуваат во реформи, додека најважните ветувања од програмата останаа на хартија?
Владата нема со што да се пофали, па сега преку лажна помпа се обидуваат да го деморализираат нардот да ги казни на изборите.
Попусто се обидува Мицкоски да создаде илузија на поддршка која одамна ја нема. Вистината е болна за ВМРО-ДПМНЕ, по само една година владеење, народот е разочаран, ветените промени не постојат, а секојдневието на граѓаните е сè потешко.
Гледаме институционален хаос, партизација без срам, нула реформи во правдата, афери без разрешница и молк за сите скандали кои ги тресат институциите.
Во ваква состојба, Мицкоски може да повторува колку сака дека нема корупција и дека владата функционира стабилно, но народот не живее во наративот на премиерот, туку во реалноста што ја создаде неговата неспособна влада. И таа реалност е сурова.
Изјавите на Мицкоски не се израз на сила, туку одраз на паника. Паника поради изгубената доверба, растечкото незадоволство и се појасната порака од граѓаните, ова не е промената што ја очекуваа“, соопштуваат од СДСМ.
Македонија
(Видео) Специјалци од единиците „Волци“ и „Тигри“ направија пресека за да не се пренесе пожарот од Јасен

Пресеката, поточно правење бришан простор за да не се пренесе пожарот преку срт, целосно ја завршија припадниците на Специјалната антитерористичка единица „Тигар“ заедно со припадниците на Батаљонот за специјални сили „Волци“, согласно условите на теренот, известија од ДЗС.
Стојанче Ангелов, раководителот на Главниот штаб за управување со кризи ги предводеше активностите и на терен, на негов начин, рамо до рамо со специјалците. Акцијата којашто е стратешки превентивна мерка, за што беше потребно многу работа, практично многу расчистување за да се направи пресеката – бришан простор широк дваесетина и повеќе метри на големиот срт долг неколку километри дури до езерото Козјак.
Инаку, после завршувањето Ангелов изврши извидување и се врати заедно со последните специјалци. Денеска е извојувана битка, но борбата продолжува за да се зачува што повеќе од прекрасната шумата во Јасен, велат од ДЗС.