Македонија
Скопје се вклучи во проектот за заштеда на енергијата

Примена на посебни мерки за зголемување на енергетската ефикасност, преку заштеда на електричната енергија, наскоро ќе воведе Град Скопје
За таа цел скопскиот градоначалник, Коце Трајановски, денеска во германскиот град Фрајбург потпиша меморандум за спроведување на проектот „Градење на капацитетите за управување со енергијата во градовите.“Меморандумот за разбирање со Германското друштво за техничка соработка (ГТЗ), покрај Скопје, го потпишаа и градовите Фрајбург, Сараево, Подгорица и Загреб.Меѓу првите проекти кои Град Скопје ќе ги спроведе, а за кои ќе побара помош преку овој меморандум, е проектот за намалување на трошоците за улично осветлување. Овој проект би предвидел диспечерски центар од каде треба да се следи работата на уличното осветлување, дефектите и комплетната потрошувачка на енергија, се вели во соопштението Град Скопје.Предвидено е енергетската ефикасност во наредните години да се применува и во јавните институции во Скопје, а заштедените средства би се користеле за инвестирање во користењето обновливи видови енергија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Каролина Гочева: „Со скршено срце се збогуваме со нашите пријатели, занемени од болка“

„Со скршено срце се збогуваме со нашите пријатели, колеги Андреј, Сара, Ѓорѓи, Александар Коларов, Александар Ефремов, Филип, Игор….“, напиша македонската пејачка Каролина Гочева на социјалните мрежи.
„Ќе продолжат да живеат во секоја песна и секое срце кое го имаат допрено преку нивната работа. Занемени сме од болка!
Најдлабоко сочуство до нивните семејства и најблиски!“, напиша Каролина Гочева.
Македонија
„Ништо помалку не очекував од тебе, познавајќи ја твојата човечност…“: Калиопи потресно се прости од Андреј

Популарната македонска пејачка Калиопи со потресни зборови се прости од Андреј Ѓорѓиески, член на бендот „ДНК“, кој трагично загина во пожарот во дискотека во Кочани.
Пејачката се осврна на неговиот херојски чин, кога, според сведоштвата, Андреј се вратил во дискотеката за да ги спаси децата по катастрофалниот пожар кој брзо се проширил.
„Андреј…срцево ми се кине на сто парчиња…а душава ПАРАМПАРЧЕ…
Твојата милост и убавина не изостанаа ни во последните мигови пред заминеш засекогаш, спасувајќи други животи…
Ништо помалку не очекував од тебе, познавајќи ја твојата чоечност…
Но, не мораше вака…И ова не смее да е крај…чувствувам тага и бес… не смееше да е вака…
Ќе те чувам заедно со нашите спомени, мило дете…“, напиша таа.
Македонија
Променливо облачно и посвежо време со повремени врнежи од дожд

Променливо облачно и посвежо со повремени врнежи од дожд. Ќе дува засилен ветер, во западните делови од западен, а во источните од северен правец. Попладне и во вечерните часови на повеќе места ќе биде нестабилно со пообилен пороен дожд (над 20л/м2), грмежи и силен ветер (над 60км/ч.). Локално процесите ќе бидат поинтензивни во форма на невреме. Минималната температура ќе биде во интервал од 2 до 8, а максималната ќе достигне од 11 до 20 степени.
Во Скопје, променливо облачно, попладне и во текот на ноќта со повремени врнежи од дожд. Во делови од котлината врнежите ќе бидат поројни проследени со грмежи и силен ветер, особено во вечерните и ноќните часови. Минималната температура ќе се спушти до 5, а максималната ќе достигне до 15 степени.
Времето во наредните денови
Поради спуштање на постудена воздушна маса од север во текот на ноќта кон вторник и во вторник претпладне врнежите на планините и на повисоките места ќе бидат од снег, при што ќе се формира нова снежна покривка (2-10см). Потоа следува период на стабилно време со ниски утрински температури кои до петок насекаде ќе бидат под нула.