Шефот на дипломатијата во Инстанбул ги искажа надежите дека во извештајот на Европската комисија ќе биде реално вреднуван напредокот и постигнувањата на Република Македонија. Милошоски, исто така, се надева и дека Грција и Бугарија овојпат ќе дадат вистинска а не само декалративна поддршка

„Во деновите што доаѓаат Република Македонија го очекува извештајот за напредокот на ЕК, којшто се надеваме ќе биде во тонот на нашите постигнувања и дека ќе резултира со одлука на Советот на ЕУ за почеток на преговори за членство“, нагласил министерот за надворешни во обраќањето на неформалниот состанок на Процесот за соработка во Југоисточна Европа Министерот за надворешни работи Антонио Милошоски притоа додал дека се надева дека македонските соседи членки на Европската Унија, Грција и Бугарија, ќе го препознаат својот интерес и дека ќе настојуваат да добиеме позитивна одлука од Советот, потврдувајќи ја на тој начин нивната декларативна поддршка.„Ја поздравуваме новата клима за преговори на Хрватска и овој пример покажува колкав може да биде придонесот на дијалогот. Искрено се надеваме дека Турција ќе направи исто така пресврт во преговорите со ЕУ“, рекол Милошоски додавајќи дека Македонија е подготвена да го пренесе своето искуство во делот на евроинтеграциските процеси на Албанија, Босна и Херцеговина, Косово, Црна Гора и Србија. По состанокот, што заврши во петокот навечер, Милошоски имал неформални средби со колегите од Албанија и од Србија, Илир Мета и Вук Јеремиќ.Вчера и покрај најавите на медиумите во Грција, Милошоски не се сретна со новиот грчки премиер Јоргос Папандреу на маргините на состанокот на Процесот за соработка во Југоисточна Европа во Истанбул.Како што јави МИА, на почетокот на состанокот, Милошоски и Папандреу, чии делегации седеле една до друга, се поздравиле, а шефот на македонската дипломатија од име на македонската Влада му ја честитал победата на изборите и му посакал успешен мандат. Папандреу се заблагодарил и рекол дека се надева на подобра соработка. Милошоски коментирајќи ги најавите за можна средба со Папандреу, во петокот попладне изрази подготвеност за грќкито премиер  ако за тоа има расположение од другата страна.„Би сакал да го искажам своето расположение и нашата подготвеност да оствариме билатерална средба со грчкиот колега, доколку за тоа постои соодветно расположение и од другата страна. Она што во изминатиов период недостигаше тоа се билатералните средби и контакти. Наша должност и задача е тоа да го надополниме, да најдеме начин за што повеќе и поконструктивни средби на кои ќе размениме мислења за работите од заемен интерес, како и за оние што не зближуваат и за оние што не одалечуваат“, изјави Милошоски.