Анкетатата спроведена во почетокот на октомври покажува дека премиерот Груевски се’ уште има 3,5 пати поголем рејтинг од Бранко Црвенковски. Огромна поддршка од граѓаните добиваат и последните владини одлуки за справување со економската ситуација

Институтот „Павел Шатев“, во периодот од  1-ви до 5-ти октомври спровел анкета врз репрезентативен  примерок од 1.100 испитаници, со неколку прашања.На прашањето „дали генерално гледано Република Македонија се движи во правилна или погрешна насока?“, 43.2 отсто  од испитаниците дале одговор дека Република Македонија се движи во правилна насока, 37.1 од испитаниците одговориле негативно, а 19.7 проценти  одговориле со „не знам“ или немале одговор.На прашањето,  пак, „доколку утре се одржуваат парламентарните избори за која партија би гласале? “, 23.9 отсто од испитаниците дале одговор дека ќе гласаат за ВМРО-ДПМНЕ, 9.6  од испитаниците одговориле дека ќе гласаат за СДСМ, 6.9 би гласале за  ДУИ, 2.4 за Нова Демократија, ДПА со 2.3 проценти забележува зголемување на својот рејтинг а под еден отсто се  ВМРО-НП, ДОМ, Обединети за Македонија, НСДП и ЛДП. Според резултатите од анкетата, 1.7 отсто од испитаниците одговориле дека ќе гласаат за друга политичка партија која не е а дури 27.9 проценти од испитаниците одговориле дека не би гласале за ниедна политичка партија, а 24.6 отсто одговориле со „не знам“ или немале одговор.Кај политтичарите, повторно премиерот и лидер на владејачката ВМРО-ДПМНЕ Никола Груевски има огромна предност пред другите политичари. Груевски ја има довербата на 26 отсто од испитаниците, а втор е Бранко Црвенковски старо-новиот претседател на најголемата опозициска партија СДСМ со 8,3 проценти. Со ова се задржува трендот на 3,5 пати разлика во рејтингот меѓу двајцата највлијателни политичари во Република Македонија во моментов. Од другите домашни политичари, испитанците се изјасниле и за лидерот на ДУИ, Али Ахмети – 6.6 отсто, Имер Селмани кој има доверба кај 2.7 проценти од испитаниците и  Мендух Тачи со 2.2 отсто.За друг политичар се изјасниле 6.3 отсто од испитаниците, а не знаеле или немале одговор 16.2  проценти. За ниеден домашен политичар немаат симпатии 31.7 отсто од прашаните, покажува анкетата на  Институтот „Павел Шатев“.Анкетата го содржи и прашањето „ дали Бранко Црвенковски заслужува повторно да биде избран за премиер на Република Македонија?“, на која лидерот на социјалдемократите и поранешен премиер во три мандата добил поддршка од  15.1 отсто од испитаниците. Меѓутоа, Црвенковски не ја ужива довербата како евентуален следен премиер дури кај 66.3 отсто а не знаеле или немале одговор 18.6 проценти од испитаниците.Владата на премиерот Никола Груевски добива огромна поддршка од испитанците во однос на прашањето како се справуваа со енергетската сиромаштија. Нејзината одлука е поддржана од 78 отсто а негативно мислење имаат 10.5, а немале одговор 11.5 проценти од испитаиците. Слична гоелам подддршка добива и владината одлука за продажба по 1 евро за метар квадратен градежно земјиште, за што позитивно се изјасниле 61.4, негативно 20.5, а немале никаков одговор 18.1 отсто.Уште попозитивно, пак, е оценета владината одлука да го намали ДДВ-то за новите станови, што е поздравено од 79.5 отсто од испитаницте, а 7.9 проценти од нив негативно ја оценуваат оваа владина одлука, додека став немале 12.6 од испитаниците.