Граѓаните на Македонија веруваат во владејачката гарнитура и покрај економската криза што ја има како предизвик, како и исполнувањето на критеруиумите од Брисел. Груевски е се уште најценетиот политичар во земјава, со дури 3,5 пати поголема доверба отколку Црвенквоски, покажува анкетата на ИРИ

Рејтингот на владејачката партија ВМРО- ДПМНЕ, на чело со премеирот Никола Груевски пораснал од претходната анкета на ИРИ во јуни за 2 отсто, поточно сега изнесува 32 отсто, сопштуваат партиски извори. Опозициската СДСМ и покрај промовирањето на новата програма Решенија за Македонија, заостанува дури три пати и има рејтинг од 11 отсто, што е за еден процент помалку од претходната анкета во јуни.

Потоа следуваат ДУИ со 10 отсто, што исто така бележи пад од 2 проценти, а ДПА и Нова Демократија го задржуваат рејтингот од 3 отсто. Партијата на Љубе Бошкоски Обединети за Македонија има пад од 1 на 0,7 отсто рејтинг, според анкетата на ИРИ.

Доколку утре има избори за друга партија би гласале 4 отсто, а неопределени се 16 отсто, што е  повеќе отколку во јуни кога имаше 16 отсто.

Премиерот Никола Груевски се уште е политичар со најголем рејтинг, а во него имаат доверба 25 отсто од испитаниците. Како што велат партиските извори, на второ место е никој, затоа што дури 22 отсто не се определиле за ни еден политичар. Потоа следи опозиционерот Бранко Цренковски со 7 отсто рејтинг, па Али Ахмети лидерот на ДУИ со 6 отсто, Имер Селмани од Нова Демократија со 5 отсто, а Мендух Тачи и Арбен Џафери имаат 2 отсто доверба од граѓаните.

Анкетата покажала и дека дури 94 односно 96  отсто од граѓаните сакаат да ја видат Македонија во НАТО и во ЕУ. Проекциите на граѓаните за тоа за колку време очекуваат да се случи членството во евро-атланските асоцијации се пооптимистички од претходната анкета. Така, 3,8 години е просекот што го даваат испитаниците за влез во НАТО, што во јуни беше 4,4 години. За влез во Европската Унија граѓаните проектираат време од 5,5 години, за разлика од јуни кога мислеа дека Македонија ќе влезе во ЕУ за 6,2 години.

Како што коментираат партиските извори и покрај предизвиците како што е економската криза, исполнување на критериумите за добивање позитивен Извештај од Европската комисија позитивни се тековите на општествените движења во земјата.

Анкетата е направена од 16 до 21 септември на 1.107 испитаници, а денес попладне треба да биде официјално објавена.