Претседателот на Естонија, Томас Хендик Илвес при денешната официјална посета во Република Македонија оствари средба со македонскиот претседател Ѓорѓе Иванов, на која и двајцата претседатели изразија надеж дека утрешниот извештај на Европската комисија ќе биде позитивен за Македонија

„На денешната средба со Претседателот Илвест разговаравме за утрешниот ден кој е значаен за Република Македонија и за естонското позитивно искуство од Евроатланската интеграција. Ние сме инпресионирани од она што Естонија го има постигнато и од нејзиното искуство кое ни го пренесува“, рече претседателот Иванов по средбата со естонскиот претседател Илвест и притоа изрази благодарност за она што Естонија го правела и го прави за Република Македонија и за сесрдната помош за приближување кон ЕУ и НАТО.„Позитивен извештај и позитивна атмосфера“ ,се претпоставките на претседателот Иванов во врска со утрешниот  значаен ден за Република Маеконија.Претседателот Иванов додаде дека на средбата било разговарано и за соработката на двете земји во економијата и ИТ комуникациите, како што рече нешта кои што ќе и бидат од помош на Македонија но и од корист на Естонија. „Изразувам надеж дека сосработката со Естонија ќе продолжи и ќе се продлабочат нашите пријателски односи“, рече Иванов.Естонскиот претседател Илвест изрази надеж дека утрешниот извештај на Европската Комисија ќе биде позитивен за нашата земја.„Исто како што верувавме дека Европа нема да биде цела без Балтичките земји, така да нема да биде целосна, ако не ги вклучува сите демократски земји“, рече Илвест.Тој додаде дека Естонија е еден од најголемите поддржувачи на Македонија во процесот на евроатланското интегрирање.„Како земја која помина низ еден долг и тежок процес, како земја која требаше да ги убеди ЕУ и НАТО и како земја членка имаме разбирање за вашата желба да станете дел од европското семејство и разбирање за проблемите кои ќе ги имате при овој процес. Се надевам дека утре ќе имате позитивен извештај од ЕК. Ние поминавме шест турбулентни години после приемот во ЕУ и НАТО, но го изодевме тој пат. Ќе видите дека во текот на тој процес ќе мора да правите многу компромиси. Ние сметаме дека вие припаѓате во ЕУ и НАТО.“, истакна Илвест.               На новинарско прашање Ивлес појасни дека  процесот на преговори за членство во ЕУ е од техничка природа, а Естонија е подготвена своето искуството да го сподели  со македонските пријатели.Во врска со решението на грчко-македонскиот спор Илвест рече дека се надева дека  ќе се изнајде конструктивен став кој ќе биде прифатлив за двете земји.