Македонија
ЕУ инфо центарот го прослави првиот роденден

ЕУ инфо-центарот денес прослави една година постоење.
Македонскиот ЕУ инфо-центар денес прослави една година постоење. На самата прослава Евроамбасадорот Ерван Фуере го честита роденденот на ЕУ инфо центарот и изјави во својот говор:„Пред една година ви ветивме вистински и бесплатни услуги со обезбедување информации во врска со ЕУ, контакти со студентите, академската заедница, невладиниот сектор, граѓаните и сите останати групи во нашето општество. Во таа една година можам да кажам дека си го исполнивме ветувањето. Првиот роденден на ЕУ инфо-центарот не е само момент за прослава туку и момент за навраќање наназад за да се види што е направено до сега.ГОлем број луѓе го посетија ЕУ инфо-ценарот барајќи информации и публикации.Со цел да се обезбедат објективни информации за инфоцентарот беа дистрибуирани повеќе од 25 илјади публикации. Исто така ја проширивме ЕУ инфо-мрежата со ЕУ инфо-точки во Битола, Тетово како и во Националната библиотека Св. Климент Охридски во Скопје. Сите овие напори беа направени со цел Македонија еден ден да стане земја членка на ЕУ, но исто така и граѓаните на Македонија да станат граѓани на ЕУ. Позитивниот извештај од ЕУ пред седум дена е силен поттик за земјата, општеството како и сите граѓани кои имаат клучна улога во пристапувањето на земјата кон ЕУ“ изјави Еврокомесарот Ерван Фуере. Изминатава година беше успешна за нашата земја затоа што сметам дека улогата на ЕУ инфо центарот во Македонија навистина голема. ЕУ инфо-ценарот се покажа и како посредник во комуникацијата на сите заинтересирани страни релевантни, луѓе и институции во и надвор во Македонија.Затоа јас се радувам на нашата идна соработка, се надевам дека заедно ќе славиме уште многу родендени и дека идниот роденден на ЕУ инфо-центарот ќе го прославиме како членка на ЕУ.“ изјави Билјана Бејкова одговорна за ЕУ инфо-центарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Скопската ЗОО од утре може да биде затворена, вработените од вчера се без здравствено осигурување, а плата немаат 45 дена

Доколку не им биде исплатена платата за март на вработените, веројатно скопската Зоолошка градина од утре ќе биде затворена за посетители. Вака најави Јаким Неделков, претседател на Синдикатот за образование, наука и култура (СОНК) оти вработените, поради доцнењето на платата, веќе немаат ниту здравствено осигурување, а секојдневно се изложени на повреди.
„Испоснички го дочекаа Велигден, а тој испоснички живот во Зоолошка градина продолжува и за првомајските празници и навистина трпението на овие луѓе е при крај. Премногу културно се однесуваат овие луѓе кои се дел од културата и со избрани зборови ја кажуваат нивната мака, нивната тага, но факт е дека од вчера немаат ниту здравствено осигурување. Секојдневно се изложени на повреди и да останат бе здравствено осигурување во најмала рака е нехумано и под итно мора а се најде решение за овој проблем. Дефинитивно СОНК ќе ја земе работата под свое и оваа наша толеранција оваа наша коректност кон надлежните веројатно некој ја толкува како наша слабост. Апсолутно не е така, ако денеска излегоа луѓето да ја кажат својата мака јавно, пред медиуми, од утре па натака, доколку не се исплатат платите веројатно и вратите на Зоолошка ќе бидат затворени“, рече претседателот на СОНК, Неделков.
Установите од културата кои се на централно ниво, Неделков вели дека веќе сите имаат земено плати, како што е дадено упатството од Министерството за култура, но за жал дел од институциите кои се на локално ниво од засега непознати причини се уште немаат плата. Неделков побарал состанок со директорот на Зоолошката, но тој денес не е работа, па писмено ќе му се обратат за да побараат средба и со него и со одговорните на централно ниво.
Некои од вработените, денес за време на паузата, излегоа пред Зоолошката и апелираа да им се исплатат платите.
„Овој протест е за да не видат дека навистина немаме земено плата за месец март. Последната плата ја земавме пред точно 45 дена. Нас ни требаат пари, а од вчера изгубивме и здравство поради не земена плата навреме. Имаме колеги на боледување и бараат што поскоро да им се реши, кај без пари па и без здравство сме. Ги замолувам тие што се надлежни во сета оваа работа што поскоро да најдат модус да решат за ние што поскоро да земеме плата за да не дојдеме до некои други несакани работи, да не дојдеме до големи штрајкови. Ние сме околу 50 вработени и веќе ни се јавуваат банки, извршители, телефоните ни се исклучени“, рече Миле Таневски, претседател на синдикалната организација на скопската Зоолошка градина.
Зоонегувателот Мирослав Станковиќ вели дека во Зоолошката работните задачи за двајца вработени ги завршува по еден оти немаат доволно вработени.
„Ние сме склони на повреди, сега веќе немаме ни здравено осигурување. Работата не ни е лесна. Надвор сме во сите временски услови, правиме се, импровизираме за да ги решиме сите проблеми. Заслужуваме редовно да си работиме, да мислиме само за работата и за животните. Ние сме минимално вработени. Немаме луѓе по реони, работници, даваме се од себе. Кога треба една работа за двајца да ја работи еден, тоа е многу тешко“, вели Станковиќ.
Вработените кои излегоа пред Зоолошката и без плата и здравствено осигурување, денес по паузата, се вратија на обврските.
Македонија
Меморандум за соработка на МВР со Министерството за спорт

Министерот за внатрешни работи Панче Тошковски и министерот за спорт Борко Ристовски денеска во Министерството за внатрешни работи потпишаа Меморандум за соработка помеѓу двете министерства во областа на физичките подготовки и спортски активности.
Со овој Меморандум за соработка се утврдува рамката помеѓу страните потписници за работи од заеднички интерес базирани на искористување на стручно- научните, професионалните, материјално-техничките и просторните услови насочени кон унапредување на едукативните, истражувачките и апликативните активности преку кои ќе се реализира соработката за работи од заеднички интерес.
„Со потпишување на овој меморандум ја подигнуваме нашата и досегашна одлична соработка на повисоко ниво со што директно ќе влијае врз работата на министерството и подготвеноста на полициските кадети и службеници. Спортот и физичката подготвеност е во директна поврзаност со успешното извршување на задачите на полициските службеници а со тоа и чување на безбедноста на граѓаните. Планираните проекти со министерството за спорт ќе значат унапредување на терените и можностите за квалитетни спортски активности на ниво на европските полиции со една цел, да имаме подготвена и спремна полиција која ќе биде вистински гарант на безбедноста на своите граѓани“, потенцираше министерот Тошковски.
Македонија
(Видео) Кузеска: ДПМНЕ се врати, слободата на медиумите замина, пад на слободата после 8 години

Портпаролката на СДСМ, Богданка Кузеска оценува дека за прв пат после 8 години Македонија бележи пад од 6 места на Индексот за слобода на медиумите за 2025 година, објавен од „Репортери без граници“.
Според неа, после осум години постојан напредок под водство на владите на СДСМ ваков драстичен пад се случува за прв пат.
„Од 118-то место во 2016 година, со СДСМ Македонија напредуваше до 36-то место, на најдобро место во регионот, благодарение на посветените политики за слобода на говорот, транспарентност и независност на медиумите.
Овој континуиран напредок на слободата на медиумите сега е сериозно загрозен.
ДПМНЕ се врати – слободата на медиумите замина.
Секогаш кога ВМРО-ДПМНЕ е на власт, слободата на медиумите се гуши, новинарите се под притисок, а медиумскиот простор се стеснува. Денес тоа повторно се случува“.
„Репортери без граници“, потсетува таа, алармираат дека новинарите се изложени на закани и напади, а владините функционери покажуваат понижувачки ставови кон медиумските работници.
Според Кузеска, наместо да ги унапредува демократските стандарди, Владата предводена од ДПМНЕ ги враќа добро познатите методи на контрола, притисоци и страв.
Ова, додав, е јасен аларм за загрижувачката насока во која оди државата под власта на ДПМНЕ.
Ја повика јавноста, граѓанските организации и меѓународната заедница на будност.
„Слободата на медиумите е темел на секое демократско општество и не смее да биде жртва на партиските апетити и авторитарните амбиции на ДПМНЕ“.
СДСМ, нагласи таа останува цврсто на страната на слободното новинарство и ќе продолжи да се бори против секоја форма на цензура, притисок и медиумска репресија.