Македонија
Претседателска конференција: Македонија добро се справува со кризата

Македонија е една од земјите во Југоисточна Европа која добро се справува со кризата беше речено Претседателската конференција „Свртени кон иднината“ која се одржа во Ерусалим, Израел, под покровителство на претседателот на Израел Шимон Перес, на која учествуваше вицепремиерот Зоран Ставрески
Вицепремиерот Ставрески се обрати на панелот на тема Колку капитал остана за капитализмот, каде говорници беа истакнати личности од познати светски универзитети, бизнисмени и креатори на политики. Ставрески зборуваше за предизвиците и последиците од светската економска криза со кои се соочени пред се земјите од Југоисточна Европа, притоа осврнувајќи се на моделите за излез од кризата.Земјите во транзиција кои се отвораат кон капитализмот и во кои дефицитот се финансира главно од странски директни инвестиции, моделот на одржлив раст во иднина треба да се бара во подобрување на бизнис климата, зголемување на конкурентноста, инвестиции во образованието и технологијата, беше заклучено на панелот.Република Македонија спроведе голем дел од реформите за подобрување на условите за водење бизнис, ги зголеми инвестициите во образованието и инфраструктурата и презеде и други мерки за полесно справување со кризата. Кризата е резултат на одредени слабости на капитализмот како систем, но во моментот не постои негова сериозна политичка алатернатива. И во тие рамки треба да се бараат решенија за надминување на кризата.Учеството на vицепремиерот и mинистер за финансии како панелист на оваа престижна конференција претставува дополнителна афирмација за Република Македонија. Ова е втора по ред Претседателска конференција која се одржува во Израел. На конференцијата учествуваат mакедонскиот претседател Ѓорѓе Иванов, претседателот на Хрватска Стипе Месиќ, ;ешкиот претседател Вацлав Клаус и поранешните премиери на Шпанија и Велика Британија, Тони Блер и Хозе Мариа Азнар, како и високот претставник на ЕУ за безбедносна политика, Хавиер Солана. На конференцијата има преку 3.000 учесници, меѓу кои и светски познати бизнисмени и иноватори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево со мала до умерена облачност, попладне со изолирана појава на пороен дожд и грмежи

Времето денеска ќе биде сончево и топло со мала до умерена облачност. Ќе дува слаб до умерен ветер од југозападен правец. Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 7 до 14, а максималната ќе достигне од 24 до 31 степен.
Во Скопје, сончево и топло со мала до умерена облачност. Ќе дува слаб до умерен ветер од југозападен правец. Минималната температура ќе се спушти до 13, а максималната ќе достигне до 30 степени.
Под влијание на влажен бран во деновите од викендот и во понеделник времето ќе биде променливо облачно и посвежо со врнежи од дожд. Локално врнежите ќе бидат пообилни (над 30 l/m2), проследени со појава на грмежи и засилен северен ветер (над 70 km/h).
Од вторник ќе има стабилизирање на времето и пораст на дневната температура.
Македонија
Каја Калас денеска во Скопје ќе се сретне со Мицкоски

Високата претставничка на Европската Унија за надворешни работи и безбедносна политика, Каја Калас, денес доаѓа во Скопје.
Калас ќе се сретне со премиерот Христијан Мицкоски, а со министерот за надворешни работи и трговија Тимчо Муцунски ќе го отворат првиот дијалог за безбедност и одбрана меѓу ЕУ и Северна Македонија, што следува по склучувањето на билатералниот договор за безбедносното и одбранбеното партнерство во ноември минатата година.
Македонија
Два случаи на мајмунски сипаници во Македонија: потврди Институтот за јавно здравје

Денес во ЈЗУ Институт за јавно здравје од Клиниката за кожни болести биле упатени двајца пациенти суспектни за Monkeypox – Мајмунски сипаници и како што е соопштено од таму, било упатно назначено кај истите да се направи испитување и за ХИВ, сифилис и херпес.
„Институтот за јавно здравје изврши лабораториски испитувања на 3 различни начини со што лабораториски се потврдија два случаи на Monkeypox – Мајмунски сипаници. Бидејки за прв пат во нашата држава се лабораториски потврдени Monkeypox – Мајмунски сипаници, после добиените резултати, веднаш се реагираше брзо, се превземаа соодветни мерки и се известија надлежните институции, Министерство за здравство, Клиниката за кожни болести, Инфективна клиника и др.
Согласно протоколите по добиеното известување, докторот кој ги примил пациентите ги информира пациентите за добиените резултати.
Потоа следи епидемиолошка анкета од страна на епидемиолози од Институтот за јавно здравје.
Стручни лица епидемиолози од ИЈЗ се вратени на работа и пристапија кон епидемиолошко анкетирање на двете лица, како би се добиле податоци кои би биле исклучително важни за понатамошно постапување. Анкетата е се уште во тек“, се нагласува во официјалното соопштение.
Ќе биде препорачано, на позитивните пациенти, велат од таму, да се јават на Инфективна клиника.
Нагласуваат дека Институтот за јавно здравје ќе продолжи да ја следи состојбата.
„Во моментов нема простор за паника, бидејќи брзо и навремено институционално се превземаат сите потребни мерки. Вечерва се мобилизирани сите институционални капацитети за надминување на
последиците од ваквата појава и се превземаат сите превентивни мерки. Во текот на утрешниот ден ќе следат подетални информации за јавноста“, се потенцира во соопштението.