Македонија
Вељаноски во Вашингтон се сретнаа со конгресменот Прајс и со првите луѓе на ИРИ

Делегација од Собранието предводена од претседателот Вељаноски, во понеделник во Вашингтон имаше средба со конгресменот Прајс, како и со претседателот на Меѓународниот Демократски Институт (ИРИ) Крејнер и директорот на регионалната програма за Еропа Лојд, соопшти собраниската прес-служба
„Соработката со Република Македонија е една од подобрите кои сме ги имале. Она што ме радува е константната поддршка што евро-атланското интегрирање ја ужива од сите граѓани на Република Македонија, но и од сите политички субјекти. Така беше во 2006 г., кога првпат дојдов во Македонија, истото го забележав минатата година при посетата на вашата држава, а и од денешната средба можам да го потврдам истото, истакнал конгресменот Дејвид Прајс во рзговорите со собраниската делегација во чиј состав се претседателот на Собранието Трајко Вељаноски и потпретседателот Јани Макрадули.Вељаноски го информирал конгресменот Прајс дека сите проекти кои како идеи произлегоа во 2006 година во рамките на средбата во Република Македонија меѓу македонските пратеници и конгресмените од САД се реализирани. Како особено значаен го истакна фактот дека тоа е резултат на работата и конструктивноста на сите политички партии, без оглед која од нив е на власт, која во опозиција и без оглед на етничката припадност.„Најдобар доказ дека можеме да научиме, но и наученото да го презентираме на демократиите помлади од нашата е токму учеството и презентацијата на Собранието на Република Македонија во рамките на Светската е-Парламент конференција“, истакнал Макрадули, потврдувајќи го напредокот на Република Македонија и улогата во истиот на САД, особено на Комисијата за поддршка на демократијата на Конгресот.Конгресменот Прајс потенцира дека Македонија може и понатаму да смета на поддршката што досега ја добиваше од САД, како и дека иако досега во историјата не се познати примери билатерални прашања да бидат пречка за НАТО интегрирање, сепак треба да се работи на изнаоѓање на прифатливо решение за спорот со името.Вељаноски и Макрадули имаа средба и со претседателот на Меѓународниот Демократски Институт (ИРИ) Лорн Крејнер и со директорот на регионалната програма за Европа Линзи Лојд. На средбата како особено важно за јакнење на демократскиот капацитет на политичките субјекти во Република Македонија беше истакнато испитувањето на јавното мислење, кое периодично го спроведува ИРИ. Првите луѓе на ИРИ, Крејнер и Лојд, изразиле задоволство од досега постигнатите резултати и подготвеност да останат активни во Република Македонија и во иднина
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Општина Карпош: Го демантираме другарот на Мицкоски, Сотир Лукровски, дека има нерешени 11 000 предмети за легализација, а тој ќе ги решел за две и пол години

„Општина Карпош во целост го демантира другарот на Христијан Мицкоски, Сотир Лукровски, дека во општина Карпош има нерешени 11 000 предмети за легализација и замислете, тој ќе ги решел за две и пол години. Фактите говорат дека општина Карпош од 2011 до 2018 година има примено вкупно 12688 барања и од нив досега се решени 9385, а останати се уште 3303 барања“, велат од општина Карпош.
„Најголем дел од нив се со нерешени имотно-правни и оставински постапки и се чека на завршување на судска постапка, на друг дел е побарана дополнителна документација, и мал дел се во постапка за решавање.
За кандидатура на градоначалник основен услов за кандидатот е да биде добро информиран и да не кажува лаги. Ако кандидатот во кампања кажува лаги, какво ли ќе биде неговото функционирање како Градоначалник!?
Општина Карпош го замолува г-дин Христијан Мицкоски да го едуцира својот кандидат и го замолуваме да не ги вознемирува директорките на градинките и училиштата“, соопшти општина Карпош.
Македонија
ВМРО-ДПМНЕ викендов организира Саем за отчет на градоначалниците

Генералниот секретар на ВМРО-ДПМНЕ, Ѓорѓија Сајкоски, најави дека на 23 и 24 август во хотелот „Холидеј Ин“ во Скопје ќе се одржи Саем – Отчет под мотото „4 години работа за тебе“, на кој градоначалниците од оваа партија ќе го презентираат сработеното во изминатиот мандат.
Настанот ќе почне во сабота во 11 часот со обраќање на претседателот на ВМРО-ДПМНЕ, Христијан Мицкоски. Во текот на двата дена ќе се одржат повеќе панел-дискусии на кои градоначалниците, поделени по региони, ќе ги претстават реализираните проекти.
Секоја општина ќе има и свој штанд на кој граѓаните и новинарите ќе можат директно да се запознаат со постигнувањата на локалната власт.
Во недела програмата ќе продолжи од 10 часот, со панели посветени на темите: „4 години развој и прогрес“, „инфраструктурни инвестиции“, „вклученост на граѓаните во носењето одлуки“ и „меѓународна соработка“.
„Разликата меѓу општините во 2021 и денес е огромна и мерлива. Ветените и реализирани проекти ја покажуваат посветеноста и одговорноста на нашите градоначалници,“ изјави Сајкоски, додавајќи дека со овој отчет ВМРО-ДПМНЕ ја покажува отчетноста и транспарентноста кон граѓаните.
Македонија
ВМРО-ДПМНЕ: Каде испари Венко Филипче

Има ли Социјалдемократскиот сојуз лидер на партијата или на непочнати избори „кормиларот“ го напушти бродот кој тоне? Каде испари Венко Филипче, се крие ли од македонската јавност или сфатил дека се наоѓа пред дебакл и нема што да понуди?, прашува ВМРО-ДПМНЕ преку соопштение.
„Филипче јавноста не го видела цели 20 дена, последен пат во земјава е виден на 2 август за прославата за Илинден во Крушево, а ни претходно нешто не се појавуваше.
Додуша, за волја на вистината, во меѓувреме се појавија фото и видеоснимки како ужива луксузно пловење низ Грција на скапа јахта со неговиот ментор, Зоран Заев за која ни Филипче ни неговата партија, ако е негова, не одговорија со чии пари е купена.
Претходно кога го снема исто Филипче повторно беше со Заев, ама тогаш на друго луксузно патување во Дубаи, од каде што си набавија златни визи, за кои, исто така, не добивме конкретен одговор како се набавени.
Изгледа луксузните забави и бизниси со Зоран Заев на Филипче му се поинтересни и приоритетни, наспроти водењето на партијата.
Или, пак, можеби Филипче уште сега се спрема за дебаклот и големиот пораз кој го чека на локалните избори, па тренира бегање од јавноста?“, се вели во соопштението на ВМРО-ДПМНЕ.