Од денес почнува традиционалната манифестација „Новогодишните бои на Скопје“, која треба да ја поттикне инвентивноста и креативноста на граѓаните за разубавување и украсување на домовите и деловните простории

Заинтересираните граѓани и правни субјекти, кои имаа желба да учествуваат во оваа манифестација, можат да се пријават на телефонскиот број 329 72 65, од 1-ви до 21-ви декември, во периодот од 9 до 16 часот. Фотографии од украсените објекти заедно со податоци за името и презимето на сопствениците, телефонскиот број и адресата, можат да се испраќаат на е-маил адресата [email protected] или на адресата улица Илинден бб, со назнака за акцијата “Новогодишните бои на Скопје“.Оваа година, традиционално, ќе се избира: 1. Најубаво новогодишно украсен двор од индивидуална станбена куќа; 2. Најубаво украсен прозорец или тераса од стан; 3. Најубаво украсен деловен објект (продавници, ресторани, кафулиња); 4. Најубаво украсен двор на средно училиште, и од оваа година се воведува нова категорија; 5. Најубаво украсен влез пред колективно домување/станбена зграда.Жирито кое ќе ги оценува пристигнатите пријави ќе биде составено од претставници на медиумите.Град Скопје обезбеди фонд од награди што ќе им бидат доделени на најуспешните, а спонзорите ќе го зголемат наградниот фонд.Спонзори на манифестацијата се ЕВН-Македонија кој ќе им додели вредносни ваучери на победниците во сите категории, во висина на сметката за декември 2009 г., вредносни награди ќе доделат и Дијагностика Фармахем-Скопје, како и претпријатието ФАС ВАС од Скопје.Наградите ќе ги додели градоначалникот Коце Трајановски, со претставници од фирмите-спонзори, на крајот од месец декември.