Македонија
Одлична соработка меѓу Македонија и Израел
Израел и Македонија се пријателски земји кои имаат одлична соработка, оценија израелскиот претседател Шимон Перес и македонскиот премиер Никола Груевски на денешната средба во Ерусалим, јави известувачот на МИА
„Македонија што се однесува до нас е добар пријател и е мала земја што може да биде голема. Ние градиме односи со малите земји кои не сакаат да останат мали, што значи дека ја базираат својата иднина на науката и технологијата, а не на географските димензии и бројот на населението“, рекол израелскиот претседател Шимон Перес.Тој посочи дека Израел сака да соработува со Македонија на научна и технолошка база и оти е импресиониран од фактот што му го кажал премиерот Никола Груевски дека речиси сто проценти од средношколците во Македонија го продолжуваат своето образование на факултет.„Тоа значи најголема инвестиција што земјата може да ја направи за својата иднина и за иднината на генерациите што доаѓаат. Сакаме да соработуваме на научна и технолошка база со вашата земја за која мислам дека е многу убава и оти може да биде голема атракција за израелските туристи и за израелските инвеститори. Верувам дека сме на почетокот на една голема научна и технолошка еволуција и оти поентата на денешницата не се парите туку идеите, знаењето и пронајдоците, порача Перес.Според израелскиот претседател, Македонија разумно направи што се откажа од балканското минато и се сврте кон европската иднина поради што, како што рече, на Европа и е мило да ја види како полноправна членка на ЕУ и НАТО.Премиерот Груевски оцени дека Македонија и Израел имаат многу добри односи и комуникации и вземно разбирање и оти во последниот период по отворањето на македонската амбасада во Тел Авив се реализирани повеќе посети.„Има многу работи што можеме да ги научиме од Израел, земја која е технолошки напредна и во многу области има успех, што е добар пример. Верувам дека односите меѓу Македонија и Израел се се подобри и подобри и дека имаме добра комуникација. Еден од мостовите за комуникација е и еврејската заедница во Македонија која е мала, но многу почитувана и важна, рече премиерот Груевски, нагласувајќи дека изградбата на регионалниот Музеј на Холокаустот во Скопје ќе биде многу важен симбол за добрата соработка и комуникација меѓу двете земји. Македонскиот премиер истакна дека постојат доби можности за подобрување на бизнис комуникацијата меѓу израелските и македонските стопанственици и оти Македонија нуди добри услови за водење бизнис, што е добра можност за израелските инвеститори.„Му објаснив на претседателот Перес дека вчера имавме презентација на можностите за инвестирање во Македонија пред израелските бизнисмени и оти презентацијата беше добро прифатена. Верувам дека во иднина тоа ќе биде добра основа за поголема размена на бизнисмени и креирање добри бизниси, рече Груевски додавајќи дека на средбата станало збор и за развојот на двете земји, како и за условите за почнување на преговорите за членство на Македонија во ЕУ. Македонскиот премиер попладнево е на свечениот ручек што за во негова чест го приредува израелскиот заменик-премиер и министер за надворешни работи Авигдор Либерман, по што треба да се сретне и со премиерот Бејамин Нетанјаху. Претпладнето Груевски го посети Музејот на Холокаустот „Јад Вашем“ во Ерусалим. Посета на Израел ќе ја заврши со утрешната средба со Ципи Ливни, лидерката на најголемата израелска опозициска партија Кадима.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЛДП: Осуда за сквернавењето на државното знаме и одговорност за сторителите
Либерално-демократската партија најостро го осудува секој чин на сквернавење на македонското знаме, симболот на нашиот државен суверенитет.
Таквите дејства не само што се навреда кон државата, туку и директно ги поткопуваат основните вредности на соживотот, почитта и граѓанската одговорност. Македонското знаме е симбол на единството и гордоста на сите граѓани, без разлика на нивните политички, етнички или верски убедувања, велат од ЛДП.
Од партијата ги повикуваат надлежните институции да спроведат темелна истрага и да ги санкционираат одговорните за овој непромислен и деструктивен чин.
„Истовремено, апелираме до сите граѓани да покажат зрелост и почит кон државните симболи, кои се заедничко наследство на сите нас.
Сметаме дека еднаш засекогаш треба да излеземе од етничките трла и да бидеме доследни на зачувување на демократските вредности и интегритетот на државата. Да зборуваме за проекти, реформи и подобар стандард за граѓаните, а не за национализам и враќање во минатото.
ЛДП, како и досега, останува доследна во својата посветеност на зачувување на демократските вредности и интегритетот на државата“, соопшти ЛДП.
Македонија
ДУИ: Го осудуваме индивидуалниот чин на палење на државното знаме како реакција на несоодветната интервенција на полицијата
„Демократската унија за интеграција остро ја осудува полициската интервенција без преседан за време на прославата на Денот на албанското знаме, ден кој има исклучително значење за Албанците во Република Северна Македонија и ширум светот. Оваа интервенција, наместо да го зачува јавниот ред, предизвика непотребни тензии и создаде клима на конфронтација, нарушувајќи го правото на граѓаните слободно да ја одбележат оваа значајна празнична традиција“, велат од ДУИ.
„Истовремено, го осудуваме индивидуалниот чин на палење на државното знаме како реакција на несоодветната интервенција на полицијата.
Таквите дела не ги одразуваат вредностите на Албанците ниту пак стремежите за стабилна соживотност и взаемна почит.
Во овој контекст, е неприфатливо и срамно што ВМРО-ДПМНЕ и одредени други политички сили се обидуваат да ги злоупотребат овие инциденти за да изградат лажна нарација која го криминализира секој став на Албанците. Оваа тенденција да се претстават Албанците како носители на криминални агенди претставува напад врз идентитетот и достоинството на Албанците и обид за прикривање на коруптивната агенда на овие структури.
Тие политички сили, кои секојдневно ја држат државата надвор од механизмите за надзор на Европската унија, го ограбуваат државниот буџет и граѓаните преку злоупотреба на институциите за лични придобивки. Обидот да се оттргне вниманието од ваквите скандали преку криминализирање на Албанците е позната тактика која нема да успее.
Албанците во Северна Македонија постојано го покажуваат својот ангажман кон демократските вредности, еднаквоста и меѓуетничката соживотност. Нема да дозволиме нашите легитимни ставови да се користат како параван за политички манипулации или за зачувување на позициите на тие што ги ставаат личните интереси над интересите на граѓаните и државата.
Ги повикуваме институциите да дејствуваат со зрелост, професионалност и непристрасност, без разлика, и обезбедувајќи ги правата на граѓаните слободно да го изразуваат својот идентитет и култура. Воедно, ги повикуваме албанските граѓани, како и сите граѓани на Северна Македонија, да ја задржат смиреноста, достоинството и единството, и да не подлегнуваат на провокации и манипулации на оние кои имаат цел да создадат поделби и дестабилизација.
Демократската унија за интеграција останува посветена на заштитата на правата и интересите на Албанците, придонесувајќи за европска иднина на Република Северна Македонија, каде што правдата, транспарентноста и еднаквоста ќе бидат основни вредности на нашето општество“, соопшти ДУИ.
Македонија
За сквернавењето на македонското знаме е известен јавниот обвинител: Се преземаат дејствија за расчистување на настанот
Во текот на вчерашниот ден додека се славеше Денот на албанското знаме на две места е снимено сквернавење на македонското знаме.
Од Обвинителството велат дека е известен јавниот обвинител и дека се преземаат дејствија за расчистување на настанот.
Од таму додаваат дека со повеќе детали ќе излезат во текот на денот.
ДУИ: Го осудуваме индивидуалниот чин на палење на државното знаме како реакција на несоодветната интервенција на полицијата
„Демократската унија за интеграција остро ја осудува полициската интервенција без преседан за време на прославата на Денот на албанското знаме,...
За сквернавењето на македонското знаме е известен јавниот обвинител: Се преземаат дејствија за расчистување на настанот
Во текот на вчерашниот ден додека се славеше Денот на албанското знаме на две места е снимено сквернавење на македонското...
„Вчерашниот чин на кинење и скрнавење на македонското знаме е крајно вандалски и ние сме згрозени“, велат од Сојузот на борци
„Секогаш и во времето на НОБ заедно сме се бореле за слободата. Вчерашниот чин на кинење и скрнавење на македонското...
„Да газиш и кинеш, уништуваш знаме на држава која те израснала, образовала платила и плаќа, вложува во тебе е злосторство и треба да одговараш“, рече Димитриевски
Денеска како човек но и градоначалник на сите граѓани во Куманово од почит кон моите сограѓани од Албанската заедница го...
СДСМ најостро ги осудува инцидентите и сквернавењето на македонското знаме
СДСМ најостро ги осудува инцидентите и сквернавењето на македонското знаме, нарушувањето на јавниот ред и мир, како и употребата на...
(Видео) „Со газење и палење на македонското знаме се славеше Денот на албанското знаме“ – Левица бара одговорност
„Иредентизмот кои го стимулираат т.н. албански партии и ширењето омраза кон македонската држава ја доживеа својата кулминација! Освен блокираните улици...
Приватните превозници задоволни од предлогот за зголемување на цената по километар, се очекува од понеделник да се вратат во сообраќај
Советниците од ВМРО-ДПМНЕ во Град Скопје и приватните превозници се договорија за повисока цена за изминат километар. Координаторот на советничката...
(Видео) Путин и’ се извини на Меркел: Ангела, извини, не знаев дека се плашиш од кучиња
Рускиот претседател Владимир Путин ги отфрли тврдењата на поранешната германска канцеларка Ангела Меркел дека намерно се обидел да ја заплаши...
Мицкоски најави инспекции на универзитетите: „Тие кои нема да ги отстранат недостатоците ќе бидат санкционирани“
Претседателот на Владата, Христијан Мицкоски на денешната собраниска седница за пратенички прашања најави инспекции за сите универзитети кои ќе добијат...
Славески до приватните превозници: Арсовска е непредвидлива жена, ќе ве остави без леб
„Собрав храброст, како некои што ми порачуваат, да се обидеме да ги разјасниме работите за ова што се случува со...
Мицкоски: Многу бргу ќе слушате што сè е правено со безбедносните служби и ќе се срамите
Претседателот на Владата, Христијан Мицкоски на денешната собраниска седница за пратенички прашања, потенцираше дека за многу скоро време македонската јавност...
Гаши за уставните измени до Нова година: Собранието е спремно да ја почне процедурата веднаш штом ќе има политички договор
Претседателот на Собранието, Африм Гаши, смета дека измените за внесување на Бугарите во Уставот во Собранието ќе поминат многу лесно,...
(Видео) Експлозии во Киев, нападната е Одеса, огромен руски напад
Експлозии утрово одекнаа во украинските градови Одеса, Кропивницки, Харков, Ривне и Луцк, објавија украинските медиуми Зеркало Тижња и Суспилне, наведувајќи...
Изградил хотел во Скопската чаршија, надградил ходници, скали, рецепција, и тоа без одобрение за градење: поднесено обвинение против инвеститор
Основното јавно обвинителство Скопје, по спроведена истражна постапка, поднесе Обвинителен акт против едно лице за кривично дело – Бесправно градење...
Мицкоски, ако јас сум кума на хаосот, ти си гробарот на јавниот превоз, реагира Арсовска
„Реформата на јавниот сообраќај што ја споменуваш, „патриоту“ Мицкоски, ја вети заедно со мене пред скопјани, ти ја саботираш таа...
Филипче: Почнуваме веднаш со работа, најавувам посета на сите општински организации
Со изборот на новото раководство, Социјалдемократскиот сојуз на Македонија влегува во ново поглавје на своето политичко делување. Во тимот на...
Поранешен шеф на МИ6: Европа е во војна со Русија
Европа во моментов не е во предвоена ситуација, туку во војна против Русија, изјави вчера за Скај њуз поранешниот директор...
Пред заминувањето Бајден планира да испрати уште еден голем пакет воена помош за Украина
Администрацијата на американскиот претседател Џо Бајден подготвува пакет оружје за Украина во вредност од 725 милиони долари, изјавија денеска двајца...
Шефот на германското разузнавање: НАТО може да го активира членот 5 поради руските саботажи
Руската саботажа на западни цели на крајот може да го поттикне НАТО да размисли за повикување на клаузулата за заемна...
Маск го критикува начинот на кој функционира Европската Унија
Илон Маск ја критикуваше Европската комисија, нарекувајќи го телото „недемократско“, што е последна во серијата негови јавни критики на институциите...
