Претседателот на Владата на Република Македонија Никола Груевски, кој претстојува во тридневна официјална посета на Израел, денеска во Ерусалим како добронамерна ја оцени вчерашната понуда на српскиот претседател Борис Тадиќ да посредува во решавањето на спорот со името со Грција

„Понудата на Тадиќ е добронамерна. Тој не е ни прв ни последен од политичарите кои сакаат да се инволвираат во спорот и да помогнат. Многумина досега се обиделе, а некои само посакале да помогнат. Секој што сака да помогне e дободојден да помогне“, изјави премиерот Груевски по посетата на стариот дел на светиот град Ерусалим.Тој посочи дека истата порака ќе им ја упати и на останатите политичари кои во иднина ќе се понудат за посредување во спорот со името.Македонскиот премиер рече дека не сака длабински да ја анализира пораката упатена од неговиот грчки колега Јоргос Папандреу оти Грција и Македонија треба да се сретнат на половина пат за решавање на прашањето за името и дека останува на нашата страна да го изоди тој пат.„Ја слушнав таа изјава пред некој ден и не би ја коментирал многу. Имам впечаток дека понекогаш грчката страна го говори тоа што сака да го слушне Брисел, а го прави тоа што сакаат да го видат нивните граѓани“, истакна премиерот Никола Груевски одговарајќи на новинарско прашање.