Македонија
Премиерот Груевски ги пушти во употреба новите простории на Инфо центарот на „Службен весник“

Премиерот Никола Груевски денеска ги пушти во употреба новите простории на Инфо центарот и библиотеката на ЈП „Службен весник на Република Македонија“, кои се наоѓаат во близина на Трговскиот центар „Буњаковец“
„Денеска дојдов да го посетам Службен весник, претпријатие кое брзо се развива и покажува сериозен напредок во својот развој. Главната причина за доаѓањето беше отворањето на Инфо центарот во кој сите граѓани на Република Македонија бесплатно ќе може да ги прелистуваат службените весници од 1945 година до денеска“, изјави премиерот Груевски по официјалното пуштање во работа на новите простории.Груевски појасни дека сега засега во дигитална форма се достапни само Службените весници од 2001 година наваму, а останатите од 1945 до 2001 се во писмена форма, и најави дека за 10 месеци сите изданија ќе бидат достапни во дигитализирана форма.„Од она што можев да го видам и да го чујам од разговорите со директорот и неговите соработници ова државно претпријатие има значаен напредок и многу инвестирања во ИТ технологија и во начин на работа кој е безбеден за што има добиено и меѓународни сертификати 9001 и 27001“, рече Груевски и додаде дека стандардот кој е значаен за безбедноста на преносот на податоците, го имаат добиено само 300 компании во Европа.Груевски истакна дека во ЈП „Службен весник“ доста е инвестирано и во брзата комуникација со институциите кои електронски им ги доставуваат материјалите за објавување како што се Собранието и Владата на Република МакедонијаВо инфо центарот сите граѓани на Република Македонија ќе можат да ги најдат дгитализирани сите весници од 1945 година па до денес. Моментално ги има од 2001 година па наваму, меѓутоа во текот на останатите месеци ќе ги има сите службени весници. Тука ќе може секој граѓанин да дијде и да се информира бесплатно. Исто така граѓаните ќе можат да се информираат и преку веб сајтот на „Службен весник“ www.slvesnik.com.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.