Македонија
Хакери го нападнаа Нетпрес

Хакери ја нападнаа интернет страницата на новинската агенција Нетпрес, синоќа околу 21.50 часот, соопшти агенцијата. За кусо време ова е втор хакерски упад на страница од македонска новинаска агенција, откако пред три месеци цел беше страницата на Макфакс
На местото на ударната вест, со хакерски упaд, беше поставена фотографија, поточно фотомонтажа од снимка на Осама Бин Ладен, но на местото на неговото лице вметнато лице на друг човек.
Покрај фотографијата, на страницата беа испишани и вулгарности за Македонија на англиски јазик, и на крајот стоеше испишано “All Muslim H4x0rZ“.
Ова е втор хакерски упад на интернет страницата на новинската агенција Нетпрес. Во декември 2008 година грчки хакери го нападнаа веб сајтот www.netpress.com.mk и испишаа пораки дека Македонија е грчка и дека сегашната македонска држава е вештачка творба, односно производ на комунистичката титова Југославија.Пред три месеца и страницата на новианската агенција Макфакс беше цел на хакерски напад, кога беше искористена за невкусна навреда која требаше да имплизира на друг медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски : Љубљана ќе биде град-партнер за развојот на Скопје

Остваривме извонредна и пријателска средба со долгогодишниот градоначалник на Љубљана, господинот Зоран Јанковиќ, објави актуелниот градоначалник на Општина Кисела Вода и кандидат за градоначалник на Скопје, Орце Ѓорѓиевски.
Средбата, додава тој, поминала во пријателска атмосфера, при што биле разменети значајни искуства и визии за идната соработка помеѓу Скопје и Љубљана.
„Добив драгоцени совети и поддршка од градоначалникот Јанковиќ, со јасна определба Љубљана да биде град-партнер и вистински пример за развојот и модернизацијата на Скопје.
Посебен акцент ставивме на најголемите предизвици со кои се соочува нашиот град – јавниот превоз и чистотата.
Градоначалникот Јанковиќ ни даде ветување дека експертски тимови од Љубљана ќе бидат континуирана поддршка за Скопје, но не само во овие сфери, туку и во секоја област во која ќе побараме помош.
Договоривме интензивна соработка и зајакнување на капацитетите на градот Скопје во насока на креирање, планирање и спроведување европски проекти.
Верувам дека преку ова партнерство ќе изградиме поефикасен и поевропски град Скопје, достоен за своите граѓани.
Со задоволство го потврдивме статусот на побратимени градови и во таа насока упатив срдечна покана до господинот Јанковиќ за негова официјална посета на Скопје, град кој сака да учи од најдобрите“, вели Ѓорѓиевски.
Македонија
Божиновска: Секој рудар мора да се врати дома безбеден и горд, инспекциите се засилени, а казните построги од кога било

Министерката за енергетика, рударство и минерални суровини Сања Божиновска денеска по повод Денот на рударите присуствуваше на свечената манифестација во РЕК Битола, заедно со претседателот на Владата, Христијан Мицкоски, и раководството на АД ЕСМ. Настанот беше можност да се оддаде почит кон рударите и да се нагласи нивното значење за економијата на државата.
Во своето обраќање, Божиновска истакна дека рударите се економски столб кои секојдневно се соочуваат со предизвици за да обезбедат стабилност и иднина за државата.
„Секојдневна битка со длабочината и темнината за ресурси кои ја движат економијата. Наша цел е секој рудар да се враќа дома безбеден и горд. Министерството стои цврсто зад секој рудар – со современа опрема, безбедни услови за работа и фер стандарди за сите,“ порача министерката.
Таа испрати и јасна порака кон компаниите што работат во секторот:
„За оние што вложуваат во безбедноста на рударите и заштитата на животната средина, поддршката е целосна. Но за оние што мислат дека можат да ја заобиколат законската регулатива – нема компромиси. Инспекциите се засилени, контролите се редовни, а казните построги од кога било. Законот важи за сите – без исклучок“, нагласи Божиновска.
Македонија
Шаќири: Албанците во Македонија се одлучувачки и државотворен фактор

Албанците во Северна Македонија се одлучувачки и државотворен фактор, и затоа оваа улога мора да се гарантира и почитува во секоја институција и на секое ниво на одлучување, велат од Алијанса за Албанците.
„Нашата политичка платформа се раководи од три основни принципи: Традиција, Одговорност и Развој. Овие принципи се столбовите врз кои го градиме нашиот визион за функционална, ефикасна и правична држава, каде Албанците и Македонците заедно ја градат подобрата иднина.
Убедени сме дека дојде време за нов политички договор меѓу Македонците и Албанците, кој ќе се темели врз реална еднаквост, заемна почит и стратешко партнерство. Само така може да се изгради стабилно општество и модерна, европска држава еднаква за сите“.
Алијанса за Албанците, како што нагласи Њомза Шаќири, портпарол на партијата, е политичка сила, позиционирана десно од центарот, која го брани албанскиот идентитет, јазикот и националните традиции, промовирајќи како што велат, истовремено индивидуална слобода, приватна сопственост, пазарна економија и одржлив развој.
„Наш приоритет е локалниот економски развој и зајакнување на општините преку реална децентрализација. Поддршката за младите, семејствата и локалните бизниси е во центарот на нашето политичко ангажирање, бидејќи само така се гарантира еднаков развој и долгорочна стабилност.
Ќе се залагаме за активна вклученост на граѓаните во одлучувањето и за тесна соработка со албанската дијаспора, која останува драгоцено национално и економско богатство“.
Според неа, Алијанса за Албанците, е решена да биде гласот на вистинската еднаквост и гарант на албанскиот национален интерес.
„Со нашата платформа и со нов договор меѓу Македонците и Албанците, ја отвораме патеката кон еднаква, функционална и европска држава“.