Изборот на името на државата е свето право и никој нема право тоа да го менува

Ова во петок во Скопје го изјави поранешниот Претседател на Бугарија, Жељу Желев, кој беше одликуван со Орден “8 Септември“ од страна на Претседателот Ѓорге Иванов.„Денес, кога Македонија е признаена под нејзиното уставно име од 127 земји, меѓу кои Русија, САД и Кина, срамота е да се прават опструкции и Македонија треба да фигурира под нејзиното уставно име. Изборот на името на државата е нејзино свето право и право на нејзиниот народ и никоја меѓународна организација нема право да наметнува друго име“, изјави Желев.Желев орденот го добива за исклучителни заслуги за признавањето на независна и суверена Република Македонија од страна на Република Бугарија како прва земја и нејзино натамошно етаблирање во меѓународната заедница, како и за развојот на севкупните односи и соработка меѓу двете држави.„Процесот на признавање на нашата независност и меѓународна афирмација беше трнлив, полн со предизвици и блокади што траат до ден денес. Предводник на процесот на признавање на Македонија под нејзиното уставно име беше токму Република Бугарија“, изјави Претседателот Ѓорге Иванов.Седумдесет ипет годишниот Жељу Желев е првиот демократски избран Претседател на Бугарија. Функцијата ја извршуваше од 1990 до 1997 година. Дипломирал филозофија во 1958 г. на, а докторирал во 1974 г.. Исклучен е од членство од Комунистичката партија на Бугарија во 1965 година поради политички причини. Повторно се вклучува во политиката кон крајот на осумдесеттите години на минатиот век. На 1 август 1990 г. е избран за Претседател на Бугарија од страна на Националното Собрание, додека во јануари 1992 година станува прв претседател избран на непосредни избори и е на таа функција до истекот на мандатот во 1997 г.