Македонија
Треба трпение за резултати од реформи
Несинхронизираност на фискалната и монетарната политика во мерките за соочување со кризата, забележале во мониторингот од Институтот за економски стратегии и меѓународни односи Охрид за периодот ноевмври 2009 – јануари 2010 година
„НБРМ, поведена од нејзината стриктна определеност да ја одржува фиксноста на девизниот курс на денарот, спроведуваше исклучително рестриктивна монетарна политика, чија последица е повеќемесечната деструктивна состојба на дефлација во економијата“, рече презентерот на делот на економија, професорот Томе Неноски, на денешната презентација на Извештајот од следењето и оценката за реализирањето на програмските активности на Владата.
Според Извештајот, тоа ја остави фискалната политика осамена во битката со кризата.
Во Извештајот се предупредува на пролонгирањето на економската криза, со која се соочуваат и другите замји, а главен предизвик за Владата ќе биде да се справи со кризата поради нејзиното дејство врз главните економски партнери на Македонија, како Германија, Русија, Италија, Грција и Србија.
Во однос на надворешната политика во Извештајот стои дека: „Во однос на преговорите за името што Македонија го води со Грција, под покровителство на Обединетите Нации, во периодот на известувањето е направен голем чекор напред. Имено, по завршувањето на изборите во Грција и по конструирањето на нова влада, се интензивираа контактите меѓу двете влади…“
Се препорачува да се вложат дополнителни напори во реформите во Партнерството за пристапување и да не се откажува од зацртаната цел – почеток на преговорите за членство во Унијата.
Експертите кои го презентираа Извештајот по поединечни области посочија дека „сите реформи, без разлика во кои сектори се одвиваат, траат многу подолго, отколку што луѓето имаат трпение, па затоа им се чини дека Владата нешто најавила, а не реализирала“.
„Напротив, некаде динамиката можеби е успорена, но некаде, самиот проект бара подолг временски период да се согледаат бенефитите од реформата“, рече Горан Стојковски, презентер на делот за образованието.
Во Извештајот се поместени видувања, нерализирани и реализирани проекти, како и предизвици од Програмата на Владата за периодот ноември 2009 – јануари 2010 година и во областите на образование, здравство, трговија, правосудство, социјална политика, земјоделство, градежништво и транспорт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.