Холандската амбасада попладнево ја демнатира и ја оценува како лажна вест информацијата дека Холандија го поддржала бугарското вето за Северна Македонија.

Претходно, бугарскиот весник „24 часа“, повикувајќи се на дипломатски извори во Брисел, јави дека Данска и Холандија се двете земји кои се приклучиле кон ветото. Весникот потсети дека пратеникот на ВМРО-ДПМНЕ Антонио Милошоски, претходно напишал на „Фејсбук“ дека Бугарија има поддршка од уште најмалку две членки на Европската Унија.

Според сите статистики, Северна Македонија е земја со најголем број на смртни случаи од Ковид-19 во регионот, и покрај бројните проблеми, многу семејства се должни да издвојат значајни средства за погребите на нивните најблиски од оваа болест, соопшти Алијансата за Албанците.

„Според информациите што ги имаме од граѓаните, разни погребални компании ја злоупотребиле ситуацијава и за нивните услуги барале од 12.000 до 35.000 денари, цена која е висока за специјална ПВЦ-пластична торба, каде што е завиткано телото на починатиот, како и лимен ковчег, врз основа на еден протокол, кој според Државниот санитарен и здравствен инспекторат НЕ ПОСТОИ.

– Зошто Министерството за здравство девет месеци дозволил вакво нешто, кога знаел дека не постои таков протокол и дозволил кражба на граѓаните?
– Во која жиро-сметка се исплатени средствата од страна на граѓаните, за ПВЦ-торбите и ковчегот со телата на починатите од Ковид-19?
– Кои се компаниите кои се договорени од страна на Министерство за здравство за кражбата на граѓаните?
Затоа бараме:
– Итно да се прекине со злоупотреба и класична кражба на граѓаните од страна на Владата и истата да подготви протокол за погребување на мртвите од Ковид-19.
– Семејствата кои се оштетени, повеќето социјални случаи, веднаш да се компензираат, и да им се враќаат украдените средства.
– Бараме одговорност и отчет од страна на мМинистерот Филипче, за оваа СКАНДАЛОЗНА ИЗМАМА, каде директно се допира во џебот и се крадат граѓаните“, се вели во реакцијата на партијата.

Претседателот Стево Пендаровски во пресрет на одбележувањето на 5 Декември – Меѓународниот ден на волонтерството, учествуваше на онлајн вебинар настан организиран од Црвениот крст под мотото „За сите наши волонтери”.

Претседателот Пендаровски, во име на Црвениот крст, на сите волонтери им го додели признанието насловено „За сите наши волонтери” за севкупниот придонес во обезбедувањето поддршка за различни целни групи на население погодени од пандемијата со Ковид-19 во Република Северна Македонија.

„Дозволете ми, во името на сите граѓани да им кажам едно големо благодарам на сите волонтери за нивната пожртвуваност, одговорност и посветеност. Сево ова е посебно видливо во овие вонредни услови во кои се наоѓаме заради пандемијата на Ковид-19, кога ни се потребни сите материјални, медицински, но, пред сè, човечки ресурси”, порача претседателот Пендаровски.

Честитајќи го Меѓународниот ден на волонтерството, претседателот Пендаровски посочи дека волонтерите на Црвениот крст кои се вклучени во помош и поддршка на луѓето кои се во незавидна состојба како резултат на пандемијата, претставуваат мотив и инспирација за сите останати и позитивен пример што ја враќа надежта во човечноста и хуманоста.

„Денес, кога целиот свет се бори со пандемија, треба сите да покажеме солидарност и одговорност, затоа што само преку развиена колективна свест ќе постигнеме заеднички напредок”, им порача претседателот Пендаровски на волонтерите од Црвениот крст и истакна дека нашата држава се гордее со сите нивни досегашни активности и придонес во унапредување на добросостојбата на сите граѓани.

Претставниците од Црвениот крст изразија благодарност до претседателот Пендаровски за неговата континуирана поддршка на сите социјални и хумани активности на нивната организација.