Традиционалниот саем за мебел денеска беше свечено отворен од страна на градоначалникот на Скопје Коце Трајановски, а присутни беа и претседателот на ERA City Гвидо Омладиќ и амбасадорот на Република Труција во Македонија, Арслан Хакан Окчал

Саемот за мебел оваа година се одржува по 36ти пат, а ќе трае до 28 март. „Оваа изложбено продажна саемска манифестација со својата презентација на најновите производи дизајнирани од врвни дизајнери на мебел стана место за средба меѓу призводителите и трговците во нашата земја, Балканскиот регион и пошироко“, рече градоначалникот на Скопје, Коце Трајановски во неговот излагање на манифестацијата.Како верен партнер на Македонија за реализирање на саемот за мебел во пресрет излегува Република Турција, а на амбасадорот Арслан Хакан Окчал му беше врачено признание од страна на градоначалникот Трајановски.На манифестацијата беа доделени и две први награди во две категории, во првата категорија наречена „Професионални проектанти дизајнери“ и втората „Трудовите на студенти“.Наградата во првата категорија во вредност од 30 илјади денари ја понесоа Константин Џукески и Јелена Путник за  дизајн на маса „Твист“, првата награда во втората категорија во вредност од 18 илјади денари ја доби студентот Филип Конески за дизајн на столица „Коцка“, тие беа избрани од стручна комисија од професори на факултетот по архитектура и шумарскиот факултет. На годичешниов саем за мебел пред посетителите ќе се претстават 150 директни изложувачи од кои 145 домашни и 5 странски изложувачи и над 600 индиректни изложувачи. Посетителите ќе може да видат мебел за дом и ентериер, мебел за канцеларии, мебел за градини и настрешници, мебел за кујни и бањи, мебел од бамбус и ратан, оков и галантерија за медел, декоративни тапети за внатрешни ѕидови од најпознатите светски производители, постелнина од познати светски производители и машини и алати за индустрија на мебел. Сето ова ќе биде изложено  на 15 илјади квадратни метри во 5 саемси хали.