Деветнаесет македонски медиуми коишто имаат веб страници, ги договорија заедничките принципи на работа во однос на заштита на нивните авторски и сопственички права

Сите медиуми потписници на иницијативата за поголема заштита на спомнатите права постигнаа согласност од пет точки со кои се регулираат условите кои треба да придонесат  за заштита од неовластено пренесување на нивните содржини на други сајтови и портали, како и други електронски медиуми, а овие принципи претставуваат еден вид стандарди на однесувањетоСо оваа иницјатива, нејзините потписници се согласуваат во најкус можен рок да постават импресуми на своите веб страници наведувајќи дека содржината е заштитена.Исто така, потписниците на иницијативата се согласни дека содржината објавена на веб страниците е пазарен производ заштитен со авторски и други сродни права и оти секое користење за какви и да се цели, е единствено можно преку директен договор со издавачот.Со иницијативата се одредуваат и условите според кои порталите кои ги реобјавуваат содржините како агрегација на информациите, тоа ќе можат да го прават доколку  секое преземање биде направено по претходен договор со издавачот, при што се одредува  и формата на преземање, којашто предвидува преземање на веста со наслов и поднаслов во должина до 180 карактери, а оригиналните фотографии  да се преземаат во  димензии не поголеми од 90×90 пиксели. Покрај тоа, преземената вест треба да се отвора со еден клик во нов прозорец на прелистувачот, во кој читателот ќе биде однесен со директен URL до сајтот од каде е преземена информацијата, и тоа без присутната рамка на сајтот – агрегатор. Потписниците на иницијативата постигнаа согласнот и дека кога ќе пренесе туѓа информација од веб страна, тоа да биде коректно сторено со пренесување и на линкот што води до изворот на информацијата, а истото ќе се бара и од оние што ги пренесуваат содржини на овие медиуми. Притоа, се остава правото на поинакво пренесување на вестите и другите содржини производ на медиумите потписници на оваа иницијатива, доколку за тоа е направен договор меѓу издавачите, односно сопствениците на медиумите од една страна и електронските платформи, односно сопствениците на агрегаторите и другите веб страници што ги пренесуваат оригиналните содржини, од друга странаСо оваа инцијатива се опфатени и радиостаниците кои пренесуваат заштитени информации од издавачите, кои ќе мора да псотигнат договор со  издавачите. Тие, според иницијативата, немада имаат потреба од договор само доколку во своите говорни содржини пренесуваат наслов и поднаслов од информација објавена од издавачите, а притоа целосно и коректно го нагласат изворот односно медиумот со целата негова веб адреса или доколку во говорната содржина прават прилог, најчесто наречен „преглед на печат“.Медиумите, потписниците на иницијативата на овој начин ја прокалмираа својата цел за воведување ред и правило во однос на заштита на авторските и другите сродни права, пред се, во интернет просторот. Непочитувањето на овие стандарди, пак, ќе биде предмет на индивидуална или групна заштита на авторските права согласно законските прописи на Република Македонија, се предвидува со оваа инцијатива, којашто е многу потребна за надминување на хаосот кој моментално владее во македонскиот медиумски простор.