Доколку економската ситуација во Грција беше подобра, премиерот Папандреу мислам дека ќе направеше нешто за да се помести позицијата на Грција на подобро, смета македонскиот претседател

Еден од граѓаните кои во средата присуствуваа во претседателската вила „Водно“ во работните простории на Претеседателот Ѓорге Иванов инсистираше да добие одговор на прашањето како тој се ангажира за решавање на проблемот со името и до каде може Македонија да оди со отстапките. Претседателот Иванов одговори дека земајва направила се што е во нејзина моќ да ги исполни критериумите за НАТО и ЕУ, а тоа според него било потврдено и во Букурешт кога Република Македонија само заради овој проблем со Атина не доби покана за НАТО. Ивановт притоа нагласи дека и во последниот Извештај на Европската комисија каде беше споменато дека државата ги исполнила сите услови за почеток на преговори. Притоа Претседателот додаде дека неговото мислење е дека доколку Грција не беше во економската состојба во каква што е, новиот грчкиот премиер Папандреу ќе направел нешто за да се помести позицијата на Грција на подобро.„Аргументите за името, идентитетот и јазикот се на наша страна, но моќта е на грчка страна. Правото не познава оспорување на име на држава како што е случајот со Грција поради што ние не можеме да се повикаме на друг сличен случај. Рефренцата поранешна југословенска Република Македонија под која бевме примени во Обединетите нации првично беше само за употреба во ОН, а со Времената спогодба се прошири и на сите меѓународни институции. Нелогично е тоа што го бара Грција од нас и мислам дека ниту еден политичар во Македонија нема да се согласи да се менува името на државата, Уставот, јазикот и нацијата за внатрешна употреба. Сметам дека треба да се преговара само за промена на срамната референца под која Македонија е примена во ОН. Доколку економската ситуација во Грција беше подобра, премиерот Папандреу мислам дека ќе направеше нешто за да се помести позицијата на Грција на подобро“, рече претседателот Иванов во одговорот.