Македонија
Иванов и Наумовски разговараа за последниот извештај на ЕК
Исполнувањето на забелешките од последниот извештај за напредокот на Македонија од Европската Комисија била централна тема на денешната средба на Претседателот Ѓорге Иванов со заменик претседателот на Владата задолжен за европски прашања, Васко Наумовски
Најновиот напредок постигнат во рамките на процесот на интеграција во Европската Унија, со акцент на одредниците и активностите што Владата и другите институции ги спроведуваат за нивна реализација, била тема на денешниот состанок на претседателот Ѓорге Иванов со вицепремиерот задолжен за европски прашања Васко Наумовски.
„На средбата, Наумовски го информираше Претседателот Иванов за активностите кои ги презема Владата на Република Македонија за исполнување на забелешките од последниот Извештај за напредокот подготвен од страна на Европската Комисија“, се вели во соопштението од Кабинетот на Претседателот, од каде средбата е оценета како протоколарна.
„Се задржавме и на реформите во правосудството и во администрацијата како два процеса кои ќе се одвиваат во наредниот период и за чиј што напредок беа направени определени чекори во изминатиот период. Се надеваме дека со сите активности што заеднички како држава ќе ги спроведеме ЕК ќе биде во состојба да препорача почеток на преговорите со Република Македонија“, рече Наумовски по средбата со Иванов.Вицепремиерто Наумовски притоа истакна дека во рамките на своите надлежности, Претседателот Иванов останува вклучен во промоција на интересите на Република Македонија и добивањето датум, во рамките на ЕУ и на средбите што тој ќе ги остварува во наредниот период и оти Владата и претседателот ќе работат во тесна координација.Запрашан дали се исполнети одредниците што ги постави Брисел, Наумовски го повтори ставот дека нивното исполнување го цени ЕК и дека Владата не би ја преземала нејзината улога.За можноста од грчко вето и во ЕУ, вицепремиерот за европски прашања, вели дека Владата е фокусирана на исполнувањето на оредниците, а прашањето за името со Грција не е дел од тој процес
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Алкалоид“ добитник на „Патент на годината за 2023“ за иновативниот „Омепразол“ во течна форма
Иновативната формулација на „Алкалоид“ АД за лекот со додадена вредност „Омепразол“ во течна форма, готов за употреба, прва од ваков тип во светски рамки, е прогласена за „Патент на годината за 2023“ од Државниот завод за индустриска сопственост, во рамките на пригодното одбележување на Светскиот ден на интелектуалната сопственост – 26 април.
Меѓународната патентна пријава на „Алкалоид“ за „Oмепразол“ во течна форма беше поднесена на 17 април 2020 година, со опфат на голем број региони и земји, меѓу кои земјите од Европската Унија, САД, Канада, Кина, земјите од Евроазиската економска унија и други. Патентната пријава при Европскиот завод за патенти, чии ингеренции опфаќаат патентни активности во 39 земји во Европа, беше одобрена на 3 август минатата година и валидирана во триесетина земји, меѓу кои и Македонија.
Патентот на „Алкалоид“ АД ја заштитува течната фармацевтска дозна форма на „Омепразол“, која се базира на два посебни раствори содржани во двокоморско пакување, кое при отворањето автоматски ги меша двата раствора и така се добива готовиот течен омперазол за употреба. Овој препарат е наменет, пред сѐ, за третман на рефлуксен езофагитис и на гастроезофагеалната рефлуксна болест (ГЕРБ) кај малите деца кои не можат да голтаат таблети, како и кај возрасните пациенти кои имаат тешкотии со голтањето (пациети со дисфагија) и неможност за голтање (пациенти со поставени сонди за гастрично хранење и/или геријатриски пациенти).
Државниот завод за индустриска сопственост е основан на 1 декември 1993 година како самостоен орган на државната управа и е надлежен за вршење на работите во врска со стекнувањето и со заштитата на правата од индустриска сопственост кои опфаќаат патенти, индустриски дизајни, трговски марки и ознаки за потеклото на производите. Оваа институција триесетта година по ред традиционално организира активности во насока на афирмација на улогата на индустриската сопственост во поттикнувањето иновации и креативни творби.
ПР
Македонија
Први и шести мај неработни за сите граѓани на Македонија, трети мај за граѓаните од православна вероисповед
Министерството за труд и социјална политика, согласно со Законот за празниците на РМ („Службен весник на РМ“ бр.21/98 и 18/07) соопштува дека:
1 мај 2024 година (среда), Денот на трудот е неработен ден за сите граѓани на Република Северна Македонија.
03 мај 2024 година (петок), Велики Петок, петок пред Велигден, е неработен ден за граѓаните од православна вероисповед во Република Северна Македонија.
06 мај 2024 година (понеделник), Велигден, вториот ден на Велигден според православниот календар, е неработен ден за сите граѓани на Република Северна Македонија.
Министерството за труд и социјална политика на граѓаните им ги честита престојните празници.
Македонија
(Видео) Сајкоски: Да донесеме уште поголема победа на 8 мај за просперитетна влада на ВМРО-ДПМНЕ
„Денес продолжуваме со активностите тука во Охрид, вчера поминавме прекрасни митинзи со огромна поддршка од граѓаните. Останаа уште неколку денови“, рече Ѓорѓија Сајкоски, генерален секретар на ВМРО-ДПМНЕ и носител на изборна единица 5 и ги повика сите да се приклучат и да донесат уште поголема победа во вториот круг.
„Сакам да ја изразам мојата благодарност и горд сум на тоа што го направивме во првиот круг, што ја дадовте вашата огромна поддршка за нашиот кандидат за претседател Гордана Силјановска Давкова.
Сакам да ве повикам и во вториот круг референдумски да излеземе за да можеме да ја реализираме Платформа 1198, за да може да реализираме многу проекти за регионов и нашава држава, да донесеме подобар економски развој и раст, да донесеме подобро образование и здравство, да донесеме подобар живот за сите. Затоа на 8 мај излезете сите да се активираме да кажеме НЕ за ова што се случуваше досега и да дадеме шанса за просперитетна влада која ќе ја носи Македонија напред“, изјави Ѓорѓија Сајкоски, генерален секретар на ВМРО-ДПМНЕ и носител на изборна единица 5.